حلول عشان الشمس والحر ... العربيات بتبقي ساونا

لو ركنت العربية في حتة شمس لمدة ساعة بتبقي دماااار
انا عندي جلد
أسرع حل باعمله هو اني بأشغل التكييف علي 4 وببقي فاتح الشباكين اللي قدام وبجري علي أي حتة ضل
أستني نص دقيقة بيكون الهوا السخن اتطرد ...بقفل الأزاز وبعدين بجيب التكييف علي 2 عشان يبان الهوا الساقع وخلال نص دقيقة كمان بتكون العربية برد

الكلام ده لو لقيت حتة ضل
أوقات مبلاقيش الصراحة وممكن أبقي راكن في زحمة وأخرج علي زحمة وكله في الشمس عايز أسأل علي الحلول
انا التكييف عندي كويس ومشحون

هل أفيم ؟ ... انا كل 3 أيام بقيت باتوقف في لجان !
هل أحط ستاير ؟ ... هل ممنوع ولا عادي ... انشالله أحط ورا بس ! ولما أركن أبقي أحط الشماسات
مش هينفع العازل الحراري عشان انا كدة كدة مش ضامن الأزاز يفضل سليم وحرام أغير أزاز وفيلم !

أيه أفضل الحلول ؟

متابع معاك لأن عندي نفس مشكلتك حتى موضوع تغيير الازاز برضه هغيره بس مستني عليه شوية.
او اني احط عازل واستغنى عن العازل على الازاز الي قدام (نص العمى ولا العمى كله)

متابع جداااااااااااااااااااا

انا مفيم و مركب ستاير و لو ركنت في مكان شمس بيبقى نفس اللي بيحصل عندك بس بعد نص ساعة مثلا يمكن عشان العربية لونها اسود
ياريت حل يا جيو عشان ساعات كتيير بيبقى لازم افضل مستني في العربية مدة .. ساونا و على اعلى درجة

متاااااااااااااااااابع !

اقتباس:

---

المشاركة الأصلية كتبت بواسطة osama.m

انا مفيم و مركب ستاير و لو ركنت في مكان شمس بيبقى نفس اللي بيحصل عندك بس بعد نص ساعة مثلا يمكن عشان العربية لونها اسود
ياريت حل يا جيو عشان ساعات كتيير بيبقى لازم افضل مستني في العربية مدة .. ساونا و على اعلى درجة

---

وحضرتك بتعدى على لجااااااان عاااااادى !

ممكن نسيب حتة من الازاز مفتوحة تكون حته صغيرة

ياريت حل للمشكلة دى علشان الشباب كلها بتعانى من نفس المشكله !! انا كمان عربيتى لونها فرانى بتمص الشمس على حق ربنا ..

انا يفتح الابواب كلها الاول و افضل برا و ادور العربية و بعد كدا افتح التكيف و الزاز مفتوح دقيقتين كدا و اقفل و كله تمام بس بكون راكن العربية 5 ساعات مثلا
الحل التانى و دا احسن و كنت عامله انك تفيم العربية دارك و لما تنزل تحط شماسة على البربريز و مجرد ما تفتح الابواب دقيقة كدا لما تيجى تركب كله تمام بس شيلت الفاميه علشان الجان اللى على الطريق مقرفة وانا بسافلر للجامعة مش ناقص عطلة

بالنسبة لى والعربية كحلى والفرش جلد.لقيت ان افضل حل هو الشماسة العاكس اللى بتتفك وتتركب من اودام لونها فضى وبتعكس الشمس بدرحة كبيرة ومبتخليش العربية سخنة لدرجة اننى مقدرش اركبها وان حتى ركنت فى الشمس.

ساعات لو الشمس فى وش العربية وهتاخر والشمس هتتحرك لضهر العربية بحط الستارة الكبس من ورا.

وفى معظم الاوقات لو هتاخر 3-4 ساعات بغطى العربية واهو حماية للبوية.

شيل الجلد و فيم وحط شماسة

اقتباس:

---

المشاركة الأصلية كتبت بواسطة BuNsH_FoX

وحضرتك بتعدى على لجااااااان عاااااادى !

---

وبتعللق و رخصي بتتسحب عادي بردو :grinder:
بس الحمد لله عندي مشكلة بسيطة خالص .. لو الشمس ضربت في دماغي دقيقة بيجيلي صداع فوري .. انا بتكلم على الشمس بتاعت الايام العادية كمان .. ممكن مقدرش اكمل اصلا من كتر التعب اللي ببقى فية :majd(4):

أنا معنديش تكييف والحمد لله ماشى الحال

ومش مفيم ولا حاطط ستاير والزجاج عندى ابيض شفاف تماماً

عندى 2 شماسه كبيرة بتتحط على البربيز الامامى والخلفى

والأفضل تغطية العربية بغطاء قماشى قطن

مهما كان الجو حر

بدخل ألاقى الجو دافئ فى العربية

أنا مركب ستاير في العربية كلها وشماسة فيميه وأول أما أشوف اللجنة :oops1:بفك كل الستاير في لحظتها وبعد أما اعدي أنزل اركبهم تاني وامشي:rfds:

فى منتج بدور عليه من فتره وهو مش فى مصر
المنتج عبارة عن مروحه او بمعنى ادق شفاط بيشتغل عن طريق الخلايا الشمسية بيتثبت ما بين الزجاج و حلق الباب من فوق يعني نركب الشفاط بالكاوتش بتاعه و نقفل عليه الزجاج
و طريقة عمله انه لو الشمس جت على العربية الخلايا الشمسية هتشغل الشفاط و هتسحب الهوا السخن من جوه العربية و بالطريقة دي ميكونش فى حر بالدرجه الجامده اللى احنا بنحس بيها
Solar Car Fan - Compare Prices, Reviews and Buy at Nextag - Price - Review

هذه المروحه طبعا يكون استخدامها مع الشماسات لعكس الحرارة والشمس خارج السيارة اثناء الركن فى الشمس
و الاحظ ايضا استخدام الكراتين حيث توضع من خارج العربية فوق الزجاج ويتم تثبيتها بالمساحات

فعلا موضوع الشمس قوي على السيارة والعربية بتبقى سخنة جدااااا ياريت حل عملي

نفس القصة عندي ومفيش حل

انا بكرة المشى بالعربية الصبح
لسعات الشمس بتزعلنى
على العموم انا مركب ستاير كبس ورا كلة واللى بيركب ورا والعربية سخنة مش بيعانى زى قدام

ومن اسبوعين قررت افيم قدام فيمت قدام مون لايت كان يعنى بيظبت شوية فى ركنة الشمس واللسعة بتاعت الشمس فى الطريق
اول انبارح بقى واقف فى اول دخلة شارع الاقبال والمفروض ممنوع لقيت الونا محضن عليا والظابط الرخص وتعالى
قومت نازل من هنا لهنا شيل الفامية طيب قومت شايل الاتني اللى قدام جة بص قالى وورا قولتلة دى ستاير اشيلها قالى لأ انت طلعت راجل قد كلمتك وشيلت الفامية خد الرخص بتاعتك
بس خد بالك انا معدبلك مخالفة وقوف فى الممنوع
وانوار مبهرة
وفامية
اخدت الرخص وقولتلة شكرا وطرت
بس ناوى افيم قدام تانى واخد بالى بس عايز الدرجة اللى بعد المون لاين
هيا اغمق منها كتير ولا كويسة هيا مشكلتى مع الفامية المرايات عشان كدة خايف يطلع غامق
وفى نفس الوقت المون لايت عيبة الخرابيش اللى بتبقى من جوة

اقتباس:

---

المشاركة الأصلية كتبت بواسطة michohat

فى منتج بدور عليه من فتره وهو مش فى مصر
المنتج عبارة عن مروحه او بمعنى ادق شفاط بيشتغل عن طريق الخلايا الشمسية بيتثبت ما بين الزجاج و حلق الباب من فوق يعني نركب الشفاط بالكاوتش بتاعه و نقفل عليه الزجاج
و طريقة عمله انه لو الشمس جت على العربية الخلايا الشمسية هتشغل الشفاط و هتسحب الهوا السخن من جوه العربية و بالطريقة دي ميكونش فى حر بالدرجه الجامده اللى احنا بنحس بيها
solar car fan - compare prices, reviews and buy at nextag - price - review

هذه المروحه طبعا يكون استخدامها مع الشماسات لعكس الحرارة والشمس خارج السيارة اثناء الركن فى الشمس
و الاحظ ايضا استخدام الكراتين حيث توضع من خارج العربية فوق الزجاج ويتم تثبيتها بالمساحات

---

فكرة المروحة ممتازة
بس أمنيا خطر على العربية ترك جزء مفتوح من الزجاج

هو فعلا بعد تجارب مضينة أحسن حل إنك تسيب حتة بسيطة جدا من الإزاز مفتوحة ويفضل تسيب أكتر من شباك مفتوح حتفرق معاك بغبااااء ولزيادة الأمان من الحرامية كلبش الدريسيون
وكده كده صعب الحرامي يركز مع حتة الإزاز المفتوحة

متابع

اقتباس:

---

المشاركة الأصلية كتبت بواسطة Elawany13

فكرة المروحة ممتازة
بس أمنيا خطر على العربية ترك جزء مفتوح من الزجاج

---

اعتقد مفيش جزء مفتوح

http://a.cdnbrm.com/images/products/...indow_.....jpg

لاحظ كده الجزء بتاع الانبوبه معشق داخل في مجري الزجاج بحيث انه لا يخل بعمليه الغلق الكامل

وشكرا

متابعة

متابع معاكوا الحلول
عشان انا بعانى من الموضوع ده

طيب بدام كلنا كده بنشتكي من الحراره في الصيف ويكاد يكون التكيف مش بيعمل حاجه في النهار

ايــــه رايكم نشوف شركه محترمه تعملنا خصم محترم علي العازل الحراري بدل الاسعار الاستعبـــاط اللي بنسمعها

او لو حد ليه ســكه نجيبه من بره مصر خالص ونضرب الاسعار الوهميه اللي بيبعوه بيها في مصر ديه علشان انا قرفت من اسعارهم الصراحه

اقتباس:

---

المشاركة الأصلية كتبت بواسطة kefohonda

أنا مركب ستاير في العربية كلها وشماسة فيميه وأول أما أشوف اللجنة :oops1:بفك كل الستاير في لحظتها وبعد أما اعدي أنزل اركبهم تاني وامشي:rfds:

---

أنا مركب ستاير كبس برضو في العربيه كلها وبدخل بيهم اللجان وعادي جدا ..محدش وقفني :wink05:

اقتباس:

---

المشاركة الأصلية كتبت بواسطة kimo-nubira

طيب بدام كلنا كده بنشتكي من الحراره في الصيف ويكاد يكون التكيف مش بيعمل حاجه في النهار

ايــــه رايكم نشوف شركه محترمه تعملنا خصم محترم علي العازل الحراري بدل الاسعار الاستعبـــاط اللي بنسمعها

او لو حد ليه ســكه نجيبه من بره مصر خالص ونضرب الاسعار الوهميه اللي بيبعوه بيها في مصر ديه علشان انا قرفت من اسعارهم الصراحه

---

شيك كده اللينك ده وقولي رأيك ... بصراحه انا دماغي عماله تزقزق عليه من اسبوع

Llumar AIR BLUE80 Ceramic Series

طيب
ليه منفكرش في طرق شرعيه وسهله اما انها تقلل الحراره اوا انها تزيد كفاءة التبريد للتكييف؟؟؟

انا مبدئيا بفكر اعزل تابلوه العربية عن اشعة الشمس المباشره
ممكن نجيب فرش للتابلوه بحيث يتحط فهوا اللي ياخد الاشعه دايرك وبالتالي التابلوه يفضل بارد (نوعا ما) والتبريد يتحسن...
الشماسات العاكسه ملهاش حل مينفعش تستغنى عنها نهائي ولازم تتحط عالاقل عالزجاج الامامي طول منتا راكن في الشمس

نفكر في ايه تاني...
في السعوديه (امان) كنا بنسيب من كل شباك قد سنتي مفتوح وبنسيب قزازة مية جواها مفتوحه كانت بتخفف الحراره جدا جدا جدا

طبعا لحد اما الفاميه يبقى حاجه شرعيه مش هتكلم عنه
لان في السعودية بنفيم الاربع شبابيك والزجاج الخلفي بفاميه مرايه عاكس
وطبعا انسى الحراره
انما هنا الواحد خايف يفيم شارعه فمابالكم بالقزاز كله!!

هل في اقتراحات تانيه؟؟

كان فى فيديو على اليوتيوب فى حل لموضوع ده
انك لمه تنزل من العربيه تقفل الباب (مش لحد ما يقفل ) و تفتحو 3 او 4 مرات و بعدين تقفل عادى
بس معرفش الحكايه دى هتقلل الحراره وله ايه

فيه حاجة ياشباب بتاع التكييف عملهالي. جاب لباد (اللي هو من ناحية عاكس فضي والناحية التانية لونه ابيض) وغلف بيه الثلاجة الخارجية اللي هي تحت المساحات. الحقيقة هي فرقت جدا فس سرعة خروج الهواء البارد من الهوايات داخل العربية وبقى التكييف تبريده افضل من الأول. انما تتبقى المشكلة الكبيرة اللي بشتكي منها زيكم وهي صالون العربية اللي بيبقى زي النار بسبب نقعة العربية في الشمس. برضه انا كنت مفيم وكان الفيميه عامل شغل كبير في تخفيض درجة حرارة الصالون انما اضطريت اشيله من بعد ماالشرطة شدت حيلها وكثفت اللجان.

اقتباس:

---

المشاركة الأصلية كتبت بواسطة abou-yahia

اعتقد مفيش جزء مفتوح

http://a.cdnbrm.com/images/products/...indow_.....jpg

لاحظ كده الجزء بتاع الانبوبه معشق داخل في مجري الزجاج بحيث انه لا يخل بعمليه الغلق الكامل

وشكرا

---

[img3]http://img99.imageshack.us/img99/1156/b35g6zf1161788.jpg[/img3]
[img3]http://img836.imageshack.us/img836/8499/greenworksolarfan.jpg[/img3]
[img3]http://img593.imageshack.us/img593/3244/autocoolsolarpoweredfan.jpg[/img3]
[img3]http://img19.imageshack.us/img19/4429/trilliumautovent.jpg[/img3]
:16:

فى آخر صورة
فيه شريط اسود فى طرف الزجاج بتاع الباب
ده تبع المروحة ولا ايه !!!

وعلى فكرة الصين عملت
شاحن للموبايل بيتلزق على البربيز الأمامى للسيارة
وبيشحن الموبايل بالطاقة الشمسية
كنت نقلت موضوع عنه هنا

http://www.nilemotors.net/Nile/248610-o-oo-oo-o.html

http://img854.imageshack.us/img854/9...poweredfan.jpg
http://img442.imageshack.us/img442/6274/solarcap.gif
http://img545.imageshack.us/img545/4...tallinesol.jpg
http://img856.imageshack.us/img856/1...larminifan.jpg
http://img62.imageshack.us/img62/535...ancoolingc.jpg

وديه علشانك لما تنزل من العربية
أو وانت فى العربية هتزود كفاءة التكييف
هههههههههههه

هنا في بلدنا الجميلة لو رحت تسأل على شيت الطاقة الشمسية هتلاقيه باسعار خزعبلية تجيب لك بطاريات فارتا من اعلى نوع لمدة سنة
مش عارف ليه
حاولت اعمل حاجة بالطاقة الشمسية اتصدمت

اقتباس:

---

المشاركة الأصلية كتبت بواسطة exact

هنا في بلدنا الجميلة لو رحت تسأل على شيت الطاقة الشمسية هتلاقيه باسعار خزعبلية تجيب لك بطاريات فارتا من اعلى نوع لمدة سنة
مش عارف ليه
حاولت اعمل حاجة بالطاقة الشمسية اتصدمت

---

الصين مش هتحرمنا من حاجه :yeah:

أحبطتوني علي فكرة
مفيش حل جزري كدة !
ماهو التكييفات مهما كانت قوتها مش بتعمل حاجة مادام الهوا اللي هوه أساسا صهد
يا ريت لو حد عنده أي حل أو فكرة حتي يفكر معانا
مفيش شماسات مراية ؟ عشان ماتمنعش بس الضوء والحرارة وتمتص جزء ... لأ تعكسه كمان

الحل العملي اللي بشوفه ان الناس بتحط كراتين على الزجاج من بره يعني بيجيبوا كرتونه و يفردوها على الزجاج من بره لما يكونوا راكنين فى الشمس والحل ده كنت بعمله وبغطي العربية كمان بالغطا وهوا بلون بيج فاتح ولما برجع العربية بتكون معقوله

بغض النظر عن المصدر
بس اعتقد ده حل كويس و منتشر في الخليج


http://1.1.1.2/bmi/files.fatakat.com...1279868395.jpg

http://1.1.1.4/bmi/files.fatakat.com...1279868427.jpg

http://1.1.1.5/bmi/files.fatakat.com...1279870751.jpg

http://1.1.1.3/bmi/files.fatakat.com...1279870773.jpg

http://1.1.1.4/bmi/files.fatakat.com...1279870798.jpg

http://1.1.1.5/bmi/files.fatakat.com...1279870988.jpg


المصدر للافاده
[url=http://forums.fatakat.com/thread779352]

ياه دة قديمة جداا كنت بشوفها في الكويت من 15 سنة

اقتباس:

---

المشاركة الأصلية كتبت بواسطة horas3000

بغض النظر عن المصدر
بس اعتقد ده حل كويس و منتشر في الخليج


http://1.1.1.2/bmi/files.fatakat.com...1279868395.jpg

http://1.1.1.4/bmi/files.fatakat.com...1279868427.jpg

http://1.1.1.5/bmi/files.fatakat.com...1279870751.jpg

http://1.1.1.3/bmi/files.fatakat.com...1279870773.jpg

http://1.1.1.4/bmi/files.fatakat.com...1279870798.jpg

http://1.1.1.5/bmi/files.fatakat.com...1279870988.jpg


المصدر للافاده
[url=http://forums.fatakat.com/thread779352]

---

جامد اوى الاختراع ده و ب 30 جنيه بسسس
ياريت اى حد من القاهره يفيدنا عنه

http://files.fatakat.com/2010/7/1279870988.jpg

شايف الفاميه بيخف شويه من الحراره بصراحه مع شماسات اماميه وخلفيه مع تشغيل التكيف وانتظار 4 5دقايق الهوا السخن يطلع وبعدين اقفل ازازك ده بتهيالى اكتر حل ممكن فى الموضوع ده
تحياتى...