سؤال عن جلب المقصات

**a4_han** · 22-04-2012 11:06 PM

السلام عليكم
رحت لحمدى فورد من يوميان عشان العفشه

قالى هات 2 مساعد خلفى من واحد فى مدينه نصر عند عمارات رامو - بس الصراحه الراجل ده غالى ان مره سالته عن قربه المياه قلى 210 وكان سعرها ب190 جنيه وبعد شهرين اشترتها بى 170 جنيه من واحد غيره.

وجلب مقصات من التوكيل

السؤال هنا

جلب المقصات التركى ب 100 جنيه
الالمانى 140 جنيه
التوكيل 275 جنيه تقريبا ان مسئلتش بس ده من على لسان حمدى

فى حد اشترى جلب مقصات ياريت يقولى تجربته؟

**mido51eg** · 23-04-2012 10:49 AM

انا عارف بتاع قطع الغيار ده. اسمه "الباسم" واشتريت من عنده عمودين استابليزر قبل كده. بالنسبة لجلب المقصات نصيحة ماتسترخصش ، يعني اذا كانت موجودة في التوكيل يبقى اتصل بيهم واسأل عليهم وريح نفسك. انا ركبت مقصات كاملة تركي والحقيقة كانت زي الزفت وكانوا بايظين اساسا وجلبهم مبوشة. وتقدر تركب الألماني ، انا اسمع انهم كويسين انما مش زي الأصلي اكيد.

**tatooo2005** · 23-04-2012 01:13 PM

اه انا اعرف ان الأصلى بيعيش اكتر من الألمانى وهيظبطللك الأداء ....

ابقه قولى جبتهم من التوكيل اللى فين علشان انا كمان عاوز اغيرهم .

**aYaBooY** · 23-04-2012 05:23 PM

الاسكورت معروف عنها انها بتاكل جلب مقصات
التوكيل هاتلاقي السعر عالى و رغم الشبه بين جلب المقصات مع الفيستا انا لما سالت عند التوكيل لقيتهم بـ 450
انصحك تجيب الالماني بس جرب اسال الاول عند يافا او بدروسيان انا مجرب الاتنين و لو عندهم تركي مش هايبيعة على انه حاجة تانية
و برده الميكانيكي يفك المقص و تروح بيه لخراط يفك الجلب القديمة و يركب الجلب الجديدة و بلاش الميكانيكي يفتي و ينطر هو الجلبة