سلام عليكم
مش عاوز اطول ف الكلام عليكم

بقالى اسبوع بجرب موضوع الليدات ده وإلى الآن بــــــــــــاء بالفشل

ناس تقول حط 3 ليدات على مقاومة 300 اوم .... عملت والنتيجة إضاءة مش شديدة اوى زى منا بشوفها
جربت 4 ليدات توالى من غير مقاومات على 12 فولت لقيت الاضاءة فلة اوى وشديدة وشكلها شيك بس عشر دقايق والليدات طارت
قولت اجرب 5 ليدات توالى من غير مقاومات برده لقيت الاضاءة شديدة برده وعشر دقايق والليدات طارت
جربت اوصلهم توازى برده اتحرقت

بالصدفة كده لقيت حاجة اسمها زينر
البتاعة دى بتثبت الفولت ومنها درجات جبت زينر 12 فولت بس لسة مجربتش لأنى حرقت ليدات كتير اليومين اللى فاتو
ومش عارف ايه عيوبه الزينر ده
لو كده ممكن نحط الليدات من غير مقاومات ونحط الزينر يظبط الدايرة ميدخلش اكتر ن 12 فولت

مستنى الاراء