[OVERLINE]السلام عليكم ياشباب
عندي استفسار ضرووووووووووري وارجوكم تفيدوني بسرعه
انا الكاسيت اتسرق من عربيتي امبارح نوعها ريجاتا وطبعا في انذار وولف وللاسف كنت سايب الباب مفتوح والزرار اللي بينور لمبه الصالون بايظ ففتح وسرق وخرج وقفل الباب رنت لما قفل رنه عاديه جدا ومخدتش في بالي ونزلت لقيته مسروق
المهم اكتشفت ان السينسور بيفنش رغم اني معليه علي الاخر فقررت اركب انذار جديد و روحت لاسبير كار لاني قريت عن انذار spy وفعلا لقيته one way بالتركيب ب 225 جنيه وكنت هعمله هناك بس للاسف كنت عاوزهم يوصلولي الانذار بالشنطه والكبوت قالولي لا مش بنعمله
فرحت لكهربائي قريب صاحبي قالي هعملك بس بلاش spy هركبلك sun iv تيواني هجبهولك ب 190 جنيه وهاخد مصنعيه 50 جنيه وهعملك وصله للشنطه والكبوت
طبعا وافقت وللاسف بعد ما ركبه وعليته للاخر برده مبيرنش الا لما بخبط خبطه محترمه لكن هناك في اسبير كار قالولي انه باللمس يعني اول لما يلمس الباب ترن لو انت معليه علي الاخر
طبعا sun مبيعملش كده
والمشكله ان في حد مصتقصدني وبيجرحلي في العربيه وكنت عاوزها ترن اول لما يلمسها
سالت كتير قالولي spy احلي بكتير وفي ناس شكرت في sun
مش عارف اعمل ايه ولما سالت الكهربائي علي اللمس قالي مش انت اللي يهمك انه يرن لما حد يحاول يفتحها ؟؟!!!!
طب انا مركبه مخصوص عشان التجريح واللمس لان لو اللي فات كان سليم كانت المفروض ترن اول لما يلمس الباب حتي لو مفتوح صح ولا ايه؟؟
حد يقدر يقولي هو كده الانذار سليم ولا ايه لاني شاكك في الراجل انه جابهولي اي كلام
رغم اني حطيته علي الصاج بعد ماكان هو حطه تحت التابلوه كده ولما قلتله لا انقله للصاج عشان يعلي قالي لا كده هيزعجك لو قطه عدت جنبه وانا اهو نقلته للصاج وعليته وبرده مش باللمس
اعمل ايه فيدوني... بندم اني مروحتش لاسبير كار
حد يقولي هل في حل او لو حد عنده sun ممكن اخليه يبقي باللمس وهل اصلا الانذار مع اللمس يرن ولا ده كلام بطيخ ...
وياريت لو حد يقولي مشكله للتجريح لان خايف احط الغطاء يقطعوه ؟؟؟
وشكرا ليكم [/OVERLINE]
