الموضوع: تقرير عن صيانه الالف كيلو فى اتو ايجيبت ابو رواش

السلام عليكم النهاردة روحت اعمل صيانة الالف كيلو فى اتو ايجيبت الاول اتصلت حجزت الساعة 10 صباحاً المهم روحت دخلت ركنت العربية ودخلت اخذت كود وكان co2 انتظرت دقيقتين فقط وعرض الرقم co2 على الشاشة وتوجهت الى رقم المهندس الاستقبال واسمه احمد عبد العزيز وراجل فى قمة الاحترام والزووووووق المهم دخلت قال لى عاوزين نشوف الملاحظات على العربية وانا طبعا ملاحظاتى كتيييييييييييير اوووووووى وكنت كتبهم فى ورقة :

1- صوت زى زنة كدة مش عارف منين .
2-الاحساس بلانقلات فى سرعة 10-40 تقريباً النقله الثانيه.
3-العفشة حاسس انها ناشفة شوية.
4-صوت طقة فى الكرسى لما اجى اخذ ملف جامد اوامشى بسرعة على حاجة مكسرة
5-الزجاج الامامى شمال (الى جنب السواق ) علق ودة كانت اكثر حاجة زعلتنى فى العربية عشان انا كنت خايف انها تسرق وتانى يوم على طول روحت عملت الصيانه
6-عاوز اركب فلتر تكيف

يالهووووووووووووى كل دى ملاحظات طيب كويس انك جات التوكيل هههههههههههههه
المهم قالى طيب تعالى نجرب العربية طلعت انا والمهندس احمد عبد العزيز وجربنا العربية وفعلا كان ملاحظ الزنة الى فى التبلوة وقالى ماشاء الله انت بتاخد بالك من حجات غريبة
دخلت التوكيل دخلت على الاستراحة والراجل قالى هتخلص على الساعة 3 زعلت بس اشطة انا كنت عامل حسابى وجايب معايا الاب توب.. وما شاء الله بجد حاجة شياكة ومكان جامد ولاستراحة فعلا مكان يليق بالعملاء وفعلاً محستش بالوقت عشان فى tv وكان معايا الاب وقعد ارغى مع واحد واكلم معاة على نايل موتورز والسياسة وكان اخوانجى وطلع عينى ونشف ريقى....
جاءت اللحظة الفاصله عند استلام العربية غيرت زيت شل هليكس الترا وفلتر نيجى بقى لحل الملاحظات :

1-الحمد لله طلع البتاعة الى فوق الى بتنور مش ركبه كويس وعامله زنه
2- قالى دة عادى مقدرش اعمل حاجة فيها بس لما غيرت الزيت حسيت ان مش باين شوية الاحساس بالنقة
3-قالى انا ظبط الكوتش على 29 و 32 عشان انا كنت عامل 33 و36 وقالى خليك على 29 و 32 فى الصيف وفعلا فرق جااااااااامد اوى الحمد لله
4- قالى كانت فى حته فبر مش راكبه كويس وانا عملتها والحمد لله مفيش طقه وتمام
5- غير ال switch كله وتمام شغال حلوة وفى الضمان مدفعتش حاجة
6- والحمد لله ركبت فلتر تكيف 195 بالضريبة

وفى الاخر الحمد لله استلمت العربي بلا عيوب وطلع مهندس الاستقبال احمد جرب معايا العربية تانى ومفيش اى حاجة
المميزات بعد صيانة الالف والملاحظات:
1- صوت الموتور بقى هادى اووووووووى
2- السحب اتحسن جدا
3-العربية اتغسلت

فى الاخر قعد سالت على كام حاجة كدة سعر الزينون قالى فى نوع قديم بس لسه جيبين نوع جديد المانى جامد اووووى بيقولى احسن من القديم لسة جاى امبارح


وفى الاخر نشكر اعضاء نايل موتورز واى استفسار انا فى الخدمة

شكرررا جدا على التقرير يا باشا
بس انا لية استفسار صغير جدا لانى داخل على صيانة ال 1000 كيلو
هوة انا الى بطلب تغير الزيت ؟
نوع الزيت مين الى بيحددة و بيحطوة هما كام كيلو ؟

شكرررررررا