### إزاي تعفرت عربيتك التيدا "شرح بالفيديو" ###

الحكاية إني روحت عند واحد كهربائي كان شغال في توكيل نيسان وفتح بره مع نفسه عشان أركب حساس ركن



وبعد ما ركبته وكله بقى تمام .. لقيته عمل حركة كده حسيت إنه بيتمنظر قدامي عشان يبين لي إنه متمكن



الحركة إنه قفل الكونتاكت .. وبعدين عمل حاجة بسيطة كده ماخدتش بالي منها وبعدين فتح الكونتاكت ووقف قدام العربية



وفجأة لقيت المساحات اشتغلت والفوانيس اشتغلت وفانوس الشبورة اشتغل وبعدين طفى .. والفوانيس الكبيرة قعدت تقلب عالي وواطي والفوانيس اللي ورا اشتغلت بردو وبعدين المروحة اشتغلت وصوتها ظهر .. كل ده اوتوماتيك بدون أي تدخل من حد .. شغل عفاريت يعني :)

ففهمت إن ده نظام في العربية عشان لو الواحد عايز يجرب الكهربا مايحتاجش حد معاه يقلب في النور من جوه العربية وواحد يقف يبص على الفوانيس من بره العربية خصوصا لو بالنهار مش هتشوف النور غير وانت واقف قدام الفوانيس

حبيت أعمل نفسي عادي يعني ومش مهتم .. بس عِرق الفضول نقح عليا



قلتله عملتها ازاي بقى؟

قالي دي طريقة عرفوها لينا في المصنع بتاع نيسان

قلتله إيه الطريقة دي؟

قالي لااااااااا .. دا سر من اسرار المهنة وإحنا حالفين عليه



يمين شمال مفيش فايدة



رجعت تاني أعمل نفسي مش مهتم .. واتكيت شويه على عرق الفضول لحد ما سكت

وسيبته ومشيت

وبعدها بكام إسبوع قلت إما أجرب حاجة كده كنت لقطتها منه يمكن تنفع

وسبحان الله نفعت فعلا والعفاريت اشتغلت

وده فيديو صورته جنب العيادة فيه شرح عملي للي حصل:



[youtube]http://www.youtube.com/watch?v=JXrJTCoBD2U&feature=youtu.be[/youtube]

طبعا انتوا دلوقتي عايزين تسألوني سؤال واحد بس بيدور في ذهن كل واحد منكم .. وأنا عارفه كويس

ألا وهو:

البقرة كان عندها إييييييييييييييه؟؟؟؟

هههههههههههه

لا بجد أكيد انتوا عايزين تعرفوا أنا عملهتا ازاي



بس أنا بصراحة محتار أقول ولا لأ

بلاش أقول عشان مافضحش سر الراجل .. وانتوا عارفين إن سر الراجل زي عود الكبريت هههههههههههه



ولا أقول لأني عرفت السر لوحدي بمجهودي الشخصي من غير ما حد يقولي؟؟؟







على العموم سيبوني سنتين أفكر :))

يييييييييييييه نفسي تكمل الحاجة للاخر بقى :majd(4)::majd(4)::majd(4):

طب هو ايه الهدف???????????????????????????????????????? ?????????????????????????????????????????????????? ?????????????????????????????????????????????????? ?????????????????????????????????????????????????? ?????????????????????????????????????????????????? ?????????????????????????????????????????????????? ?????

هو الطوب اشتغل من أولها :)
طب هاقولكم .. متزعلوش
أنا كان نفسي أعرف بس في حد يعرف المعلومة دي ولا لأ
الطريقة هي:
1- افتح الكونتاكت
2- دوس على الزرار اللي في القايم بتاع باب السواق اللي بيطفي اللمبة 10 مرات متتالية
3- اقفل الكونتاكت
4- افتح الكونتاكت تاني
5- بس كده :)

ده اكيييييد فوتو شوب :U_thin1[1]::U_thin1[1]:


مش فاهم ايه الزرار ده طيب لو عايز اعمل كدة فى الاوبترا ينفع :rfds::rfds:

اقتباس:

---

المشاركة الأصلية كتبت بواسطة EhabVet

هو الطوب اشتغل من أولها :)
طب هاقولكم .. متزعلوش
أنا كان نفسي أعرف بس في حد يعرف المعلومة دي ولا لأ
الطريقة هي:
1- افتح الكونتاكت
2- دوس على الزرار اللي في القايم بتاع باب السواق اللي بيطفي اللمبة 10 مرات متتالية
3- اقفل الكونتاكت
4- افتح الكونتاكت تاني
5- بس كده :)

---

6. إيه الزرار ده و فين :majd(4):

ايه يا عم شغل العفاريت الجامده ده .. دا انا هجربها في الصني وش :)))))))))))))))))))))))))))

يا عفريت هههههههههههههههههه جامدة اووووووووووووووووووووووى

اقتباس:

---

المشاركة الأصلية كتبت بواسطة ahmazong

6. إيه الزرار ده و فين :majd(4):

---

في زرار في القايم بتاع الباب مش بيظهر غير لما تفتح الباب .. ولما الباب بيتقفل بيضغط عليه عشان يطفي لمبة الباب في الطبلوه .. هو ده

اقتباس:

---

المشاركة الأصلية كتبت بواسطة totaman

ده اكيييييد فوتو شوب :u_thin1[1]::u_thin1[1]:


مش فاهم ايه الزرار ده طيب لو عايز اعمل كدة فى الاوبترا ينفع :rfds::rfds:

---

اقتباس:

---

المشاركة الأصلية كتبت بواسطة peaceman

ايه يا عم شغل العفاريت الجامده ده .. دا انا هجربها في الصني وش :)))))))))))))))))))))))))))

---

مش فوتوشوب ولا حاجة
أنا فعلا عايزكم تجربوها عشان نعرف الخاصية دي في التيدا بس ولا إيه ؟

اقتباس:

---

المشاركة الأصلية كتبت بواسطة ehabvet

هو الطوب اشتغل من أولها :)
طب هاقولكم .. متزعلوش
أنا كان نفسي أعرف بس في حد يعرف المعلومة دي ولا لأ
الطريقة هي:
1- افتح الكونتاكت
2- دوس على الزرار اللي في القايم بتاع باب السواق اللي بيطفي اللمبة 10 مرات متتالية
3- اقفل الكونتاكت
4- افتح الكونتاكت تاني
5- بس كده :)

---

هههههههخخ لا ميش طوب ولا حاجه...كابتن كابتن هو متنفعش في النوبيرا

طريقة جمدة يا دكتور بسم الله مشاء الله انا هجربها عندي في التويوتا. والهونداي واشوف ايه النتيجة وابقى اقولكم. ، صحيح مقلتلناش بقه. البقرة عندها ايه ؟ اوعه يكون الحمى القلاعيه وصلت عندكم لاقدر الله لان الموضوع ده شاغل بالنا اكتر من عرفتت التيدا لحسن احنا الي اتعفرتنا ومبقناش عارفين ناكول ايه ههههههههه وتحياتي

يمكن قصده على الزرار إللى بيفتح ويقفل نور الصالون عند فتح وقفل الباب !!

اعتقد الموضوع ده هدفه الناكد من سلامه الانوار والفوجات والمساحات مره واحده

ده ياجماعه تشيك كامل على كهربة العربية. ، كان زمان في اللينكون كان فيها النظام ده بس والعربية دايرة بتعملها انشيك. انجن. وتشيك اليكرتك. وهيا تجربلك كل حاجة وهيا واقفة ده حتى سمعات الكاسيت بتجربهم وتقولك فرنت رايت فرنت ليفت وهكذا
اما بالنسبة لزرار القايم مش انتا لمن تفتح باب السواق نور الصالون بينور لوحدووو ازاااي ؟ بيبقة فيه بلبلة كده في الصاج هو ده الي قصدو الدكتور عليه

متابع لحل الالغاز

حركه جااااااااااااامدة وياريت كل الناس تجرب وتقول الحركه دي شغاله علي عربيات ايه
ولما الواحد ربنا يكرمه ويروح يشتري عربيه جديده يبقي يعمل الحركه دي منها يشيك علي العربيه ومنها يعفرت صاحب المعرض :)

اوووووووووووووووه ... تغيب تغيب و ترجع بالجديد ,,,,,,

حركة جامدة يا دكتور ,.... مش علشان تسلية و الله ....

بس لان اوقات كتير ممكن يكون حد بيمشي بعربيته و مش عارف ان ستوب لايت واحدة منهم مش شغالة ...

كده يبقى مفيد جدا انك تشيك عليها كل فترة و تعرف الوضع عامل ايه معاك

هوووووووووووووبا ......... مش عيب اخ سلفي وعربيته تتعفرت كده :d
ارقيها بقي :))
انا خايف اجربه في الصني الاقيها فتحتلي درج التابلوه وتقلي رشا بتسلم عليك هههههههههههههههه
او فين الشاي بتاعي :)))
ربنا يجزيك عنا خيرا يادوك وربنا يباركلك فيها ياررررب :))

اقتباس:

---

المشاركة الأصلية كتبت بواسطة ahmed_nubira

هههههههخخ لا ميش طوب ولا حاجه...كابتن كابتن هو متنفعش في النوبيرا

---

إحنا اللي نسألك السؤال ده بعد ما تجربها

اقتباس:

---

المشاركة الأصلية كتبت بواسطة me_medoo

طريقة جمدة يا دكتور بسم الله مشاء الله انا هجربها عندي في التويوتا. والهونداي واشوف ايه النتيجة وابقى اقولكم. ، صحيح مقلتلناش بقه. البقرة عندها ايه ؟ اوعه يكون الحمى القلاعيه وصلت عندكم لاقدر الله لان الموضوع ده شاغل بالنا اكتر من عرفتت التيدا لحسن احنا الي اتعفرتنا ومبقناش عارفين ناكول ايه ههههههههه وتحياتي

---

الحمى القلاعية وصلت عندنا؟؟؟!!!
دا إحنا المنبع في الغربية
على العموم متخافش من أكل اللحمة .. النار بتظبط كل حاجة
ولو عندك لحمة خايف تاكلها إبعتلي بس وأنا أقوم بالواجب:)

اقتباس:

---

المشاركة الأصلية كتبت بواسطة heeshooheeshoo

يمكن قصده على الزرار إللى بيفتح ويقفل نور الصالون عند فتح وقفل الباب !!

---

بالظبط ... الله ينور عليك

اقتباس:

---

المشاركة الأصلية كتبت بواسطة me_medoo

ده ياجماعه تشيك كامل على كهربة العربية. ، كان زمان في اللينكون كان فيها النظام ده بس والعربية دايرة بتعملها انشيك. انجن. وتشيك اليكرتك. وهيا تجربلك كل حاجة وهيا واقفة ده حتى سمعات الكاسيت بتجربهم وتقولك فرنت رايت فرنت ليفت وهكذا
اما بالنسبة لزرار القايم مش انتا لمن تفتح باب السواق نور الصالون بينور لوحدووو ازاااي ؟ بيبقة فيه بلبلة كده في الصاج هو ده الي قصدو الدكتور عليه

---

تمام

اقتباس:

---

المشاركة الأصلية كتبت بواسطة mohamednagib

اوووووووووووووووه ... تغيب تغيب و ترجع بالجديد ,,,,,,

حركة جامدة يا دكتور ,.... مش علشان تسلية و الله ....

بس لان اوقات كتير ممكن يكون حد بيمشي بعربيته و مش عارف ان ستوب لايت واحدة منهم مش شغالة ...

كده يبقى مفيد جدا انك تشيك عليها كل فترة و تعرف الوضع عامل ايه معاك

---

منور يا ابو حميد
يا رب بس تشتغل عندك في الصني

اقتباس:

---

المشاركة الأصلية كتبت بواسطة sonasteel

هوووووووووووووبا ......... مش عيب اخ سلفي وعربيته تتعفرت كده :d
ارقيها بقي :))
انا خايف اجربه في الصني الاقيها فتحتلي درج التابلوه وتقلي رشا بتسلم عليك هههههههههههههههه
او فين الشاي بتاعي :)))
ربنا يجزيك عنا خيرا يادوك وربنا يباركلك فيها ياررررب :))

---

جربها يا سحس يمكن العربية تطلّعلك عروسة من الشنطة .. ونفرح بيك بقى :)

اقتباس:

---

المشاركة الأصلية كتبت بواسطة ehabvet

منور يا ابو حميد
يا رب بس تشتغل عندك في الصني

جربها يا سحس يمكن العربية تطلّعلك عروسة من الشنطة .. ونفرح بيك بقى :)

---

لا لو كده اجي اجرب المكسيكي عندك يا عمووونا ههههههههههههههه
يطلعلي مصري اعمل بيها ايييييييييه :))

حركه ظريفه يادكتور اكيد هاجربها النهارده فى الصنى و هاقولق نفعت ولا لا
و بالنسبه للبقره و الله فكرتنى ب 15 سنه فاتت من ايام الكليه كانت ايام جميله سوق الدواء اخدها مننا

اقتباس:

---

المشاركة الأصلية كتبت بواسطة sonasteel

لا لو كده اجي اجرب المكسيكي عندك يا عمووونا ههههههههههههههه
يطلعلي مصري اعمل بيها ايييييييييه :))

---

مكسيكي إيه يا خال؟؟؟
إحنا 2009 يا هندسة .. يعني ياباني 100%
تخيل بقى عروسة ياباني .. مش هتعرف تتفاهم معاها غير بالريموت
يعني جواز وايرلس من الآخر :)

اقتباس:

---

المشاركة الأصلية كتبت بواسطة mohsunny2009

حركه ظريفه يادكتور اكيد هاجربها النهارده فى الصنى و هاقولق نفعت ولا لا
و بالنسبه للبقره و الله فكرتنى ب 15 سنه فاتت من ايام الكليه كانت ايام جميله سوق الدواء اخدها مننا

---

أنا منتظر تجارب الأعضاء من ساعة ما عملت الموضوع يا أبو الزمل
بس على فكرة أنا لسه مجربها في سيراتو حالا .. مانفعتش

كان نفسي في حاجه زي كده بدل ما أقعد ألف حوالين العربيه علشان أشيك عليها

شكرا لك يا دكتور

سلام قول من رب رحيم، فعلا يا دوكتور بتغيب تغيب وترجع بالجديد

معلومة جامدة جدى هاجربها واشوف النتيجة
شكرا ياباشا

فشلت العفاريت مع الصني .. التجربة فشلت :)))))))))

يبقى التيدا بس هي اللي مسكونة :)

ايه الحلاوه دى
مفيش حاجه زى كده لل127 بتاعتى

جربت يادكتور الموضوع ده فى الصنى و للأسف مانفعش

اقتباس:

---

المشاركة الأصلية كتبت بواسطة mohsunny2009

جربت يادكتور الموضوع ده فى الصنى و للأسف مانفعش

---

111111111111111111111111

موضوع رائع يا دكتور .. وتشرح جميل .. تسلم على الافادة الممتازة دى
ووحشنا كتيررررر

وانا نزل اصلي العصر هجربها ع التيدا واشووف ... انا معايا 2007 ياباني

لسه مجربها حالاااااااااااا وعملت شيك علي كل حاجه ... حاجه تشرف والله ان الواحد معاه تيدا

جزاك الله خير يا صاحب الموضوع

ممنوع الكتابه باللون الاحمر
مشرف عام 1

جزاكم الله خيرا جميعا

على فكرة هي بتعمل تيست خفيف قوي للكلاكس كمان أول ما تفتح الكونتاكت تاني مرة

مزبوط كلامك... حصل اللي بتقول عليه تمام

شكرا

اقتباس:

---

المشاركة الأصلية كتبت بواسطة ehabz330

مزبوط كلامك... حصل اللي بتقول عليه تمام

شكرا

---

العفو يا أخي وتحت أمرك .. دا إنت حتى على اسم الغالي ابن الغالي :)

بس على فكرة .. بلاش تكتب بالأحمر بعد كده عشان هيجيلك تحذير من الإدارة قريب

شكرا ع النصيحه ولو في اي حاجه جديده في التيدا ياريت تفيدنا