الموضوع: أستهلاك البنزين معى

1- لازم عشان تعرف الـ 10 لتر مشيوا كام لازم التنك يكون مليان على الآخر لغاية ما بيان البنزين في الماسورة الواصلة للتنك ولما تمشي 100 كيلو جرب املى التنك تاني لغاية لما البنزين يبان في الماسورة ففي الحالة دي هتقيس صح واحسب المتوسط ، يعني مينفعش تملى 10 لتر وتسيبها لغاية لما تشطب بنزين وتقيس عشان لازم يكون في بنزين في العربية عشان تروح المحطة تمون ، ففي الحالة دي ممكن تكون سايب لتر أو اتنين أو اكتر ومش هتقدر تخليها تشطب وتبطل حركة وتمشيها زق لغاية البنزينة .

2- ممكن يكون في اختلاف في عدد الكيلومترات ده بيكون على حسب الطريق اللي انت ماشي فيه يعني ممكن مرة يكون زحمة فتقف او تهدي كتير وممكن يكون فاضي فتمشي فيه من غير ما تحتاج تهدي بالفرامل.

3- ودي أهم حاجة ان أغلب العربيات متوسط الإستهلاك بتاعها 10 كيلو في اللتر وده على الطريق ممكن يزيد أو يقل حاجة بسيطة لكن داخل البلد بيقل شوية فطالما ان العربية بتاعك ماشية كويس ومفيش مشاكل يبقى ما تتعبش نفسك بحكاية العربية مشيت كام في الكيلو إلا لو حسيت ان البنزين بيقل بسرعة غير معتادة

بالنسبة للسؤال التاني ان العربية تمشي أد ايه لما اللمبة تنور دي أعتقد صعب تحسبها عملي لأني جربت لما التنك يكون في اخرة اللمبة تنور شوية وتطفي لو انت في مطلع ولا منزل وساعات تنور زاهية وبأكون في أول الإحتياطي ( يعني اللمبة ممكن تنور قبل أو بعد مستوى البنزين اللي المفروض تنور عنده).

بيبقى فى 5 لتر احتياطى بعد متنور اللمبة وده مكتوب فى الكتالوج بتاع الانوس راجع الكتالوج

امانة يا باشا عليك ونصيحة
ما تسيبش البنزين على اخر المؤشر ودائما قبل ما المؤشر يوصل للعلامة اللى قبل الاخير يا رايت تموين ثانى كل ده علشان تجربة انا عشتها قبل منك
طلمبة البنزين ..... يا جماعة الطلمبة ديت بالموتور ولو وصل البنزين للاخر الطلمبة هتجيب رواسب وتسد الرشاشات ومشاكل كثيرة ..... خلى بالكم
مع تحياتى

أنا عايز أسأل على حاجة ، هو فرق الكم جنيه مبين ٩٠ و ٩٢ عمل توفير جامد