يفضل لو تحاول تصورها يا باشا
بس مبدأيا العربية موديل كام و عاملة كام الف ؟ و ده الكاوتش الفبريكة و لا غيرت قبل كده ؟
بس غالبا ممكن تكون لوحة في الكاوتش او بداية بالونة هتظهر
و هل فيه رجة معاك و انت ماشي ؟؟
الوقت اللي هتحتاج تغير فيه الكاوتش :
- ان النقشة تبتدي تروح
- بداية ظهور السلك الداخلي
- ظهور بالونة
- الكاوتش يتلوح
- تكون عملت اكتر من خابور ( لذلك يفضل انك تلحم متعملش خابور لأن الخابور غير مضمون قد ينفث في اي لحظة بالاضافة ان بتوع الكاوتش ممكن يدخل اكتر من خابور في خرم واحد فبيوسعها زيادة بالاضافة ده بيأثر في تماسك جدار الكاوتش غير طبعا فتي بتوع الكاوتش أصل ده امريكي و ده هندي و ده بتنجاني و كله صيني و الكارتة بـ3-5 ج فيها 5 خوابير من وسط البلد )
هديك مثل لو جبت ازازة مية بلاستيك و مخرومة و جيت حطيت حتة كرتونة فيها
او ازازة مية مخرومة و جيبت حتة بلاستيك سيحتها ع الخرم ده و بعدين خليت الجزء ده كله حتة واحدة
انهي الأفضل ؟؟ اخدت بالك ؟؟
- مرور 5-7 سنين من تاريخ انتاج الكاوتش و الموضوع ده هيوضح لك ازاي تعرف تاريخ الانتاج و كل البيانات عن الكاوتش
http://www.nilemotors.net/Nile/232923-a.html
هي ديه الحالات اللي تغير فيها الكاوتش فورا
المفضلات