بالسعر والمواصفات الكاملة – شيفرولية سونيك الجديدة تصل إلى مصر رسميًا

كتب نادر الطرابيشي
http://www.nilemotors.com/wp-content...5131756812.jpg


وصلت أخيرًا رسميًا سيارة شيفرولية المدمجة الجديدة “سونيك” كما أعلنت شركة المنصور وكيل شيفرولية في مصر.

السيارة الجديدة ستتوفر في فئة واحدة بسعر 117 الف جنية ومزودة بمحرك ثنائي الكامة مكون من 16 صمامًا وسعة 1.6 لتر بقدرة حصانية تصل إلى 115 حصانًا. السيارة ستكون مزودة بناقل حركة أوتوماتيكي مكون من 6 سرعات يمكن التحكم في توقيت نقلاته عن طريق تحويل وضعية القيادة إلى الطريقة اليدوية، وهو ما يمكن محرك السيارة من الوصول إلى سرعة قصوى تُقدر بـ 186 كم\س. تصل السيارة إلى سرعى 100 كم\س في غضون 11.7 ثانية.


بقية الخبر هنا
حصريًا بالسعر والمواصفات الكاملة – شيفرولية سونيك الجديدة تصل إلى مصر رسميًا بضمان الوكيل | NileMotors

خليهالهم .. :)

تسلم ياباشا وسعرها غالى كالعادة عليها

شكراا يا باشا بس 117 كتير اانا شايف 90 الف حلو عليها اوى اوى

كدة الريو و الاكسنت تربعوا في الفئة دي .. زي مالانترا و السيراتو كلوا حلاوة على الكروز :)

من غير abs كمان !!! ومن غير جنوط ومن غير مالتى فانكشن !

اقتباس:

---

المشاركة الأصلية كتبت بواسطة ashouhdy

من غير abs كمان !!! ومن غير جنوط ومن غير مالتى فانكشن !

---

الوكيل منزلها بأكصدامات بلون السيارة علشان كدة سعرها عالي شوية
و للأسف مافيش اوبشن انك تاخدها بأكصدمات عادية علشان تقلل السعر
هي فئة واحدة الي نازلة للأسف

انا اعتبرها مانزلتش مصر احسن

مبالغ فى سعرها جدا

يشربـــــوهـــا من الاخر لازم وقفه مع اسعار السيارات في مصر سوق السيارات في مصر مالوش كبير

وكل وكيل بيطلب السعر اللي علي مزاجه فين دور الرقابه علي الاسعار ديه نفسي اعرف ؟؟

خليها تصدي هي ناقصه قرف

العربية فيها كماليات تانية بس لسة موصلتليش معلومات أكيدة لكن مع ذلك السعر مش توبها

السيارة معلن عنها فى الموقع الرسمى لشيفورلية بمعلومات مختلفة بصورة كبيرة عن المذكور

اولا الموتور مذكور انها ستتوفر ب4 مواتير ومش عارف اية ال 1.6 ال6 سرعات دة جابوة منين ! هو ل 1.4 تيربو ل 1.8 فين ال 1.6 الذكرتة اذا كان الخبر خاطىء ولو صحيح حيجيب موتور اية بالظبط ! وهى :

Engine, ECOTEC® 1.8L with 5-speed manual transmission

Engine, ECOTEC® 1.4L Turbo with 6-speed manual transmission

Engine, ECOTEC® 1.8L with 6-speed automatic transmission

Engine, ECOTEC® 1.4L Turbo with 6-speed automatic transmission

ثانيا : بالنسبة للامان Ten air bags
اساسية فى كل الفئات مش عارف 2 اية دة وموضوع المكيف والباور والمرايات الكهرباء اظن مبقاش اوبشن يذكر مع تقدم التكنولوجيا السيارات

ثالثا : بالنسبة للمعلومات الفى الموضوع لو صحيحة فعاوز اعرف التوكيل مختار موتور قديم وفتى مصرى من التوكيل !!

رابعا : فئة واحدة !! واضح انة نفس نهج و اسلوب شركة كيا فى بيع الكيا ريو 2012 قامت بطرح فئة واحدة اولا وحتى الان لايوجد سعر محدد لفئتها و العربية فشلت تسويقيا لتجريدها من الكماليات حتى الباور كانو فاكرينة فى 2012 اوبشن وسعرها 110.000 فهل حنشوف نفس النظام دة مع توكيل شيفورلية ام لا !


خامسا واخيرا شكرا على الخير واتمنى توضيح باقى الكماليات غير الاساسيات الموجودة فى اى سيارة حاليا اية جديد شيفورلية الحيكون موجود فى بديلة الافيو الجديدة غير الشكل

مشاركة مكررة يرجى الحذف

الف هنا وشفا

اقتباس:

---

المشاركة الأصلية كتبت بواسطة Mohamed.Ramah

السيارة معلن عنها فى الموقع الرسمى لشيفورلية بمعلومات مختلفة بصورة كبيرة عن المذكور

اولا الموتور مذكور انها ستتوفر ب4 مواتير ومش عارف اية ال 1.6 ال6 سرعات دة جابوة منين ! هو ل 1.4 تيربو ل 1.8 فين ال 1.6 الذكرتة اذا كان الخبر خاطىء ولو صحيح حيجيب موتور اية بالظبط ! وهى :

Engine, ECOTEC® 1.8L with 5-speed manual transmission

Engine, ECOTEC® 1.4L Turbo with 6-speed manual transmission

Engine, ECOTEC® 1.8L with 6-speed automatic transmission

Engine, ECOTEC® 1.4L Turbo with 6-speed automatic transmission

ثانيا : بالنسبة للامان Ten air bags
اساسية فى كل الفئات مش عارف 2 اية دة وموضوع المكيف والباور والمرايات الكهرباء اظن مبقاش اوبشن يذكر مع تقدم التكنولوجيا السيارات

ثالثا : بالنسبة للمعلومات الفى الموضوع لو صحيحة فعاوز اعرف التوكيل مختار موتور قديم وفتى مصرى من التوكيل !!

رابعا : فئة واحدة !! واضح انة نفس نهج و اسلوب شركة كيا فى بيع الكيا ريو 2012 قامت بطرح فئة واحدة اولا وحتى الان لايوجد سعر محدد لفئتها و العربية فشلت تسويقيا لتجريدها من الكماليات حتى الباور كانو فاكرينة فى 2012 اوبشن وسعرها 110.000 فهل حنشوف نفس النظام دة مع توكيل شيفورلية ام لا !


خامسا واخيرا شكرا على الخير واتمنى توضيح باقى الكماليات غير الاساسيات الموجودة فى اى سيارة حاليا اية جديد شيفورلية الحيكون موجود فى بديلة الافيو الجديدة غير الشكل

---

السلام عليكم

المواصفات اللى حضرتك جايبها دى مواصفات امريكا , مفيش مكان تانى فى العالم فيه المواصفات دى

اما باقى الدول منها كوريا نفسها ومصر والخليج , موتور 1600 EcoTEC زى موتور الاسترا 2012 بالظبط , وفتيس 6 سرعات زى اللى فى امريكا او اى حته

فى اوروبا المواتير 1200 و 1400 سى سى عاديه مش تربو

و بخصوص ال 2 ايرباج كتر خيره انه حطهم ومعظم العربيات اللى فى مصر الكورى واليابانى وبعض الاوروبى اخرهم 2 ايرباج

الكماليات والفئات الله اعلم بس الريو على فكره فى منها 3 فئات والاسعار متحدده

اخيرا العربيه فنيا ملهاش اى علاقه بالافيو الحاليه لا من قريب ولا من بعيد مفيش اى شئ مشترك بينهم , دى حاجه ودى حاجه

اقتباس:

---

المشاركة الأصلية كتبت بواسطة Hosam_Optrawy

السلام عليكم
المواصفات اللى حضرتك جايبها دى مواصفات امريكا , مفيش مكان تانى فى العالم فيه المواصفات دى
اما باقى الدول منها كوريا نفسها ومصر والخليج , موتور 1600 EcoTEC زى موتور الاسترا 2012 بالظبط , وفتيس 6 سرعات زى اللى فى امريكا

+111
كلامك مضبوط،
GM/Opel-Daweoo معندهاش موتور بيطلع الـ115 حصان دى غير الـ1.6 EcoTEC 16v بتاع الأسترا..
ياريت الأعضاء يركزوا هما بيجيبوا مواصفات أيه (من النت)، وبتاع أى بلد..؟؟؟!! :cry:
وبعدين شركة بحجم GM مش هتغلب انها تعمل Combination لأى موتور مع أى فتيس من كم المواتير والفتيسات اللى متاحة عندها..
وتركبها على أى شاسيه من مصانعها اللى فـ كل العالم (كفاية أمريكا، ألمانيا وكوريا)..!!

و بخصوص ال 2 ايرباج كتر خيره انه حطهم ومعظم العربيات اللى فى مصر الكورى واليابانى وبعض الاوروبى اخرهم 2 ايرباج
الكماليات والفئات الله اعلم بس الريو على فكره فى منها 3 فئات والاسعار متحدده
اخيرا العربيه فنيا ملهاش اى علاقه بالافيو الحاليه لا من قريب ولا من بعيد مفيش اى شئ مشترك بينهم , دى حاجه ودى حاجه

---

مفيش عربية أوروبى فـ مصر "آخرها" 2-أيرباج ياعم حسام،
أقل عربية Euro بتبدأ من 2-أيرباج، وبعدين 4، 6، 7/8، 10 و11/12 ايرباج..؟!!

عايز أضيف حاجة بالنسبة للعربية (الـSonic):
ليه الناس مستكتره عليها السعر ده؟؟!!! الـ117 ألف جنيه. :afterboom:
أنا رأيى: انها لو على Platform شاسيه الأوبل كورسا، موتور الأسترا/كورسا، وفتيس الـAisin-Warner الـ6-سرعات أوتو (بتاع الكروز).. يبقى تستاهل. :_Alshmokh15[1]:

اقتباس:

---

المشاركة الأصلية كتبت بواسطة formulator

مفيش عربية أوروبى فـ مصر "آخرها" 2-أيرباج ياعم حسام،
أقل عربية Euro بتبدأ من 2-أيرباج، وبعدين 4، 6، 7/8، 10 و11/12 ايرباج..؟!!

عايز أضيف حاجة بالنسبة للعربية (الـSonic):
ليه الناس مستكتره عليها السعر ده؟؟!!! الـ117 ألف جنيه. :afterboom:
أنا رأيى: انها لو على Platform شاسيه الأوبل كورسا، موتور الأسترا/كورسا، وفتيس الـAisin-Warner الـ6-سرعات أوتو (بتاع الكروز).. يبقى تستاهل. :_Alshmokh15[1]:

---

أنا رأيى: انها لو على Platform شاسيه الأوبل كورسا، موتور الأسترا/كورسا، وفتيس الـAisin-Warner الـ6-سرعات أوتو (بتاع الكروز).. يبقى تستاهل

ده راى الصراحة و بعدين فى معلومة مش اكيده ان العربيه مكونات كتير منها اوى امريكى

اقتباس:

---

المشاركة الأصلية كتبت بواسطة formulator

مفيش عربية أوروبى فـ مصر "آخرها" 2-أيرباج ياعم حسام،
أقل عربية Euro بتبدأ من 2-أيرباج، وبعدين 4، 6، 7/8، 10 و11/12 ايرباج..؟!!

---

يعنى انا يوم مالاقيك متفق معايا

الاقيك فى النص التانى من المشاركه عكس على طول , ماسكلى عالواحده

ياعم انا قولت بعض

وبعدين فين 11 و 12 دا :)

طب قوللى انت

الكورسا كام ايرباج ؟

البيجو 206 و 207 و 308 كام ايرباج ؟

رينو فلوونس وميجان كام ايرباج ؟

الفانتازيا والفابيا والرومستر كام ايرباج ؟

الابيزا كام ايرباج ؟

البولو كام ايرباج ؟

مفيش ولا عربيه من دول فيها اكتر من 2 ايرباج فى اى فئه

Euro دول ولا هندى

اهو مطلعوش بعض طلعوا نصهم اهو :) ههههههههههه

اقتباس:

---

المشاركة الأصلية كتبت بواسطة Hosam_Optrawy

يعنى انا يوم مالاقيك متفق معايا
الاقيك فى النص التانى من المشاركه عكس على طول , ماسكلى عالواحده

هههههههههههه هههههههههههه
مش قصدى يا برانس، أنا آه بحب أغلس عليك.. بس المرة دى مش مقصودة.
هههههههههههههههه

ياعم انا قولت بعض
وبعدين فين 11 و 12 دا :)
طب قوللى انت
الكورسا كام ايرباج ؟
البيجو 206 و 207 و 308 كام ايرباج ؟
رينو فلوونس وميجان كام ايرباج ؟
الفانتازيا والفابيا والرومستر كام ايرباج ؟
الابيزا كام ايرباج ؟
البولو كام ايرباج ؟

مفيش ولا عربيه من دول فيها اكتر من 2 ايرباج فى اى فئه
Euro دول ولا هندى
اهو مطلعوش بعض طلعوا نصهم اهو :) ههههههههههه

---

لا لأ، كده أزعل منك وأغلس عليك بجد..؟؟!!! :beated:
الـ308 هاتش/SW بتنزل 4-أيرباج،
الجولف5 آخر editions (قبل الـ6 على طول) كانت بتنزل 10 أيرباج،
الباسات الـFSI القديمة كانت بتنزل 8/10 أيرباج (وأكيد الجديدة مش هتقل عن كده).
الجراند تربو كانت بتنزل 4 أيرباج، :plusone1:
البرافو الـ150 كانت بتنزل 4/6 أيرباج،
ياراجل دانا فيه عربيات ألمانى ركبتها؛ كل كام سنتيمتر (فـ القوايم والكراسى ووو..) تلاقى كلمة Airbag..!! :Copy of majd(4):
هههههههههههههههههههه

btw: الأيرباج الفردية دى (الـOdd) لما تلاقى 7 أو 11 ايرباج.. بتبقى بتاع الركبة..؟!!
ههههههههههههههههه

اقتباس:

---

المشاركة الأصلية كتبت بواسطة formulator

لا لأ، كده أزعل منك وأغلس عليك بجد..؟؟!!! :beated:
الـ308 هاتش/sw بتنزل 4-أيرباج،
الجولف5 آخر editions (قبل الـ6 على طول) كانت بتنزل 10 أيرباج،
الباسات الـfsi القديمة كانت بتنزل 8/10 أيرباج (وأكيد الجديدة مش هتقل عن كده).
الجراند تربو كانت بتنزل 4 أيرباج، :plusone1:
البرافو الـ150 كانت بتنزل 4/6 أيرباج،
ياراجل دانا فيه عربيات ألمانى ركبتها؛ كل كام سنتيمتر (فـ القوايم والكراسى ووو..) تلاقى كلمة airbag..!! :copy of majd(4):
هههههههههههههههههههه

btw: الأيرباج الفردية دى (الـodd) لما تلاقى 7 أو 11 ايرباج.. بتبقى بتاع الركبة..؟!!
ههههههههههههههههه

---

تزعل ليه , ماشى فى موديلات فيها اكتر من 2 , طب والموديلات اللى انا ذكرتها ؟ هى دى اللى انا قصدتها ببعض الاوروبى

ولو الحكايه دى هاتزعلك يبقى اعتبرنى مقولتش حاجه الاوروبى كله 11 ايرباج ركبة وكعب وكوع وكلو 100 فل و 11 :)

ومتشكرين ياسيدى عالمعلومه بتاعت الركبه اصل انت عارف بقى الكورى اخرهم 2 ومعندهمش عربيات 9 ايرباج ولا حاجه

2012 Chevy Sonic | Small Car | Chevrolet

دى صفحة السياره على موقع شيفروليه ... و السعر يبدأ من 13 الف و شوية فكه دولارو السيدان المعروضه ثمنها 17690 دولار ... و بالضرب فى متوسط سعر الدولار النهارده 6.048 نجد ان سعرها فى بلدها بدون نقل او جمارك او استغلال تجار و توكيلات 106,989.12 جنيه مصرى ....
العربيه نازله اصلا غاليه

هى هجين ما بين الافيو االكروز و سعرها غلط خالص

اقتباس:

---

المشاركة الأصلية كتبت بواسطة hosam_optrawy

السلام عليكم

المواصفات اللى حضرتك جايبها دى مواصفات امريكا , مفيش مكان تانى فى العالم فيه المواصفات دى



اما باقى الدول منها كوريا نفسها ومصر والخليج , موتور 1600 ecotec زى موتور الاسترا 2012 بالظبط , وفتيس 6 سرعات زى اللى فى امريكا او اى حته



فى اوروبا المواتير 1200 و 1400 سى سى عاديه مش تربو



انا كنت عاوز اعرف النقطة دة تحديدا ولذلك اكدت عليها فى اسئلتى مرتين وشكرا على توضيحها


و بخصوص ال 2 ايرباج كتر خيره انه حطهم ومعظم العربيات اللى فى مصر الكورى واليابانى وبعض الاوروبى اخرهم 2 ايرباج

انا بتكلم بوجة عام عن موضوع الامان ومقصدش اقارن الامان فى العربيات فى مصر لانها مش مقياس اصلا

الكماليات والفئات الله اعلم بس الريو على فكره فى منها 3 فئات والاسعار متحدده

اخيرا العربيه فنيا ملهاش اى علاقه بالافيو الحاليه لا من قريب ولا من بعيد مفيش اى شئ مشترك بينهم , دى حاجه ودى حاجه

---

انا كاتب بديلة الافيو وعارف ان دة حاجة تانية وشكرا مرة تانية على التوضيح

اقتباس:

---

المشاركة الأصلية كتبت بواسطة formulator

مفيش عربية أوروبى فـ مصر "آخرها" 2-أيرباج ياعم حسام،
أقل عربية euro بتبدأ من 2-أيرباج، وبعدين 4، 6، 7/8، 10 و11/12 ايرباج..؟!!

عايز أضيف حاجة بالنسبة للعربية (الـsonic):
ليه الناس مستكتره عليها السعر ده؟؟!!! الـ117 ألف جنيه. :afterboom:
أنا رأيى: انها لو على platform شاسيه الأوبل كورسا، موتور الأسترا/كورسا، وفتيس الـaisin-warner الـ6-سرعات أوتو (بتاع الكروز).. يبقى تستاهل. :_alshmokh15[1]:

---

اولا احنا مش سرحانين واحنا بنجيب المعلومات هههههههههههه

ثانيا انا كنت بوضح معلومة صحيحة والكلام الذكرتة فوق دة مش غلط ولا فى مانع اسال لو حتنزل بالموصافات دة ---- بالنسبة للبحث عن المعلومات فى بلد الشركة الاصلى امريكا الاكيد اول لما ابدا اقرا المواصفات حقرأ على الموقع الرسمى ليهم مش حبحث فى شيفورلية السعودية مثلا انا شايف انها حاجة كويسة مش مكروهة وعلى الاقل باقى الاعضاء تعرف بتنزل مواصفاتها اية وبينزلنا اية و لحد دلوقتى مش شايف انى مش مركز .. ركز بس وشوف انا اقصد اية ( :

اقتباس:

---

المشاركة الأصلية كتبت بواسطة Mohamed.Ramah

اولا احنا مش سرحانين واحنا بنجيب المعلومات هههههههههههه

ثانيا انا كنت بوضح معلومة صحيحة والكلام الذكرتة فوق دة مش غلط ولا فى مانع اسال لو حتنزل بالموصافات دة ---- بالنسبة للبحث عن المعلومات فى بلد الشركة الاصلى امريكا الاكيد اول لما ابدا اقرا المواصفات حقرأ على الموقع الرسمى ليهم مش حبحث فى شيفورلية السعودية مثلا انا شايف انها حاجة كويسة مش مكروهة وعلى الاقل باقى الاعضاء تعرف بتنزل مواصفاتها اية وبينزلنا اية و لحد دلوقتى مش شايف انى مش مركز .. ركز بس وشوف انا اقصد اية ( :

---

يافندم حضرتك تشكر للتوضيح طبعا،
بس شوف كده المواصفات (الغير-منطقية) :L_bhuhhh[1]: اللى حضرتك جبتها فـ المشاركة الأولى:

اقتباس:

---

المشاركة الأصلية كتبت بواسطة Mohamed.Ramah

اولا الموتور مذكور انها ستتوفر ب4 مواتير ومش عارف اية ال 1.6 ال6 سرعات دة جابوة منين ! هو ل 1.4 تيربو ل 1.8 فين ال 1.6 الذكرتة اذا كان الخبر خاطىء ولو صحيح حيجيب موتور اية بالظبط ! وهى :

Engine, ECOTEC® 1.8L with 5-speed manual transmission
Engine, ECOTEC® 1.4L Turbo with 6-speed manual transmission
Engine, ECOTEC® 1.8L with 6-speed automatic transmission
Engine, ECOTEC® 1.4L Turbo with 6-speed automatic transmission

يعنى حضرتك بتستغرب على الموتور الـ1.6 Eco-TEC جابوه منين..
ومش مستغرب من المواتير الـ1.4 Turbo والـ1.8 اللى انت جبتهم؟؟؟!!!!!!
1400 تربو أو 1800 فـ عربية فـ مصر، بـ117 ألف جنيه.. بس؟؟؟!!! يافندم.. :angry26:

ثانيا : بالنسبة للامان Ten air bags
اساسية فى كل الفئات مش عارف 2 اية دة وموضوع المكيف والباور والمرايات الكهرباء اظن مبقاش اوبشن يذكر مع تقدم التكنولوجيا السيارات

---

وكماااااااااااااان الـ10 أيرباج دى ماحسيتش انها مش معقولة (أبدا) فـ مصر فـ عربية زى دى..؟؟!!! :hitwall3:
أنا ماقولتش هات مواصفات السعودية (ولو انها كانت هتبقى معقولة ومنطقية أكثر من بتاع US)،
بس يافندم أنا بتكلم مش بس فـ دقة المواصفة، حتى بص عليها وشوفها معقولة ولا لأ؟؟!!!

Regards،

اقتباس:

---

المشاركة الأصلية كتبت بواسطة esmatkazem

2012 chevy sonic | small car | chevrolet

دى صفحة السياره على موقع شيفروليه ... و السعر يبدأ من 13 الف و شوية فكه دولارو السيدان المعروضه ثمنها 17690 دولار ... و بالضرب فى متوسط سعر الدولار النهارده 6.048 نجد ان سعرها فى بلدها بدون نقل او جمارك او استغلال تجار و توكيلات 106,989.12 جنيه مصرى ....
العربيه نازله اصلا غاليه

---

طيب ماشي غالية اه بس فرق كبير في المواصفات بين اللي نازلة امريكا و اللي نازلة مصر يعني التوكيل شال منها حاجات و كسب في سعرها طبعا و هي عربية مش مستاهلة

اقتباس:

---

المشاركة الأصلية كتبت بواسطة formulator

يافندم حضرتك تشكر للتوضيح طبعا،
بس شوف كده المواصفات (الغير-منطقية) :L_bhuhhh[1]: اللى حضرتك جبتها فـ المشاركة الأولى:


وكماااااااااااااان الـ10 أيرباج دى ماحسيتش انها مش معقولة (أبدا) فـ مصر فـ عربية زى دى..؟؟!!! :hitwall3:
أنا ماقولتش هات مواصفات السعودية (ولو انها كانت هتبقى معقولة ومنطقية أكثر من بتاع US)،
بس يافندم أنا بتكلم مش بس فـ دقة المواصفة، حتى بص عليها وشوفها معقولة ولا لأ؟؟!!!

Regards،

---

عموما انت شايفها مش منطقية بالنسبالك دة حاجة ترجعلك اما بخصوص المعلومات فباكد تانى انها صحيحة وانا زى ما قولت ذكرتها من موقع ومقولتش دة البينزل فى كل الدول او قولت بيتهيالى انها بتنزل بالمواصفات دة كتبت وسالت هل حتنزل بنفس المواصفات ام لا

ومش فاهم جملة بص عليها واشوفها مش منطقية !! هو انا جايبها من عندى او هما مثلا مصنعينها كدة وانت معترض على دة !! فمش فاهم برضو انت عاوز توصل لا اية او توضح اية معلومات موجودة


ومتاحة للكل لو عاوز يتاكد ولما وضحتلك قولت غير منطقية عذرا انا مش فاهم انت عاوز تثبت اية !!! عموما اللينك دة فية المواصفات الكتبتها وياريت تقراءها الاول : 2012 Chevy Sonic Small Car Features and Specs | Chevrolet



• • • • •

introducing the all new chevrolet sonic

Sonic Hatchback was made to be on the move. You can see it in the dynamic lines and aggressive, ready-to-pounce stance. Or feel it with the available ECOTEC® 1.4L turbocharged engine with 6-speed manual transmission, the only turbocharged engine in its class. It's the most fun-to-drive car and offers 40 MPG highway3. You'll feel the difference within seconds, because Sonic offers the most available torque in its class, achieved 0-to-60 mph in 7.8 seconds on the test track, and boasts fine-tuned ride and handling.

Sonic keeps every detail in mind, including you and your passengers' comfort and safetyit's the first and only car in its class18 with 10 standard air bags and comes with the support of OnStar®5, standard for six months. No wonder it's also a 2011 Top Safety Pick by the Insurance Institute for Highway Safety (IIHS). There's also flexible cargo space in the back so you can find the right configuration for just about anything.

Stay connected while you're out and about. Bluetooth® wireless technology6 allows you to stream your favorite audio services on select smartphones, and connect to your Sonic through mobile apps7. It's the power of Sonic in the palm of your hand.

انا بصراحه شايف وكيل شيفورليه عنده مشكله شويه ف تقدير الاسعار وعمال يحرق عربيات على نفسه
يعنى حرام الكروز تتحرق ف السيراتو و الالنترا
مع ان الكروز امتداد اوبترا يعنى ده التطور اللى بتعمله الشركه ف العربيه ملهاش لازمه فرق السعر ده كله احنا بنطلع لقدام بالتكنولوجيا
على كده بقى كل تقنيه جديده هاتغلى ف السعر هتلاقى امتداد الاوبترا ف 2040 بنص مليون مثلا :d

العربيه ناس كتير موش بتشكر فيها . فى حد اشتراهم يئلنا تجربته

و السلام عليكم
سبحان الله و بحمده سبحان الله العظيم

هى لو نزلت 95-100 الف للانتشار كان افضل وتمشى لكن كدة هاتبقى تقيله فى بيعها