حد شاف عربية لوجان بترولى تايهة فى توكيل المقطم

أضحكوا يا جماعة انا أمبارح روحت بالعربية توكيل المقطم علشان أعمل مشكلة التكييف لعربية أبن خالتى و الموظف أستلم منى العربية و قاللى الساعة 2و نص تعالى أستلمها روحت الساعة 2 العربية مش لقيانها فى اى ورش من الورش الموجودة كل خمس دقايق واحد يطلع و يقوللى أدينى الرخصة علشان يتأكد من رقم الرخصة و يخرج و يقوللى العربية مش موجودة ندور عليها فى ورشة التكييف مش لاقيها يدوروا على العربية فى كل الورش مش لاقيينها المهم دخلت خدمة العملاء لقيت بدقن مستفز جدا و يقوللى لو العربية ضاعت أحنا نجيب لك عربية غيرها أكيد العربية بتتجرب بره طيب مين سمح للفنى أنه يأخد العربية ويجربها بدون رخصة و بدون صاحب العربية ما يكون معاه طيب افرض حصل حاجة بره بالعربية مين يتحمل المسئولية ساعة الجد صاحب العربية لكن ساعة البق و البقيقة كتير يقول لك أحنا اللى مسئولين عن العربية أنا عايزكوا تتخيلوا شعوركوا لما واحد ييجى و يقول لك عربيتك مش لاقيينها و بندور عليها ساعة ونص و هما بيدوروا على العربية فعلا توكيل سئ جدا جدا جدا اله أعلم فرع العبور حيبقى كده برضه و ألا أيه أرجو الأفادة من اللى راحوا العبور و شكرا وأسف على الأطالة

و لقوها بعد كده و لا ايه النظام؟؟؟؟

لا ماتسيبناش كده هههههه
العربية رجعت ولاااا ؟؟؟

أفضل توكيل لرينو توكيل العبور وعن تجربة

طيب العربية دلوقت فين

1. العربية فعلا لو ضاعت حيجيبولك واحدة بدالها دا بجد مش تهريج
لان مرة مهندس خرج يجرب العربية واتقلب بميجان اول فئة من فوق الجبل وتوفى
في لحظة تم صرف سيارة ميجان هاي لاين لصاحبها

2. الموضوع حصل في المقطم ولا القطامية ؟؟
عشان فرع القطامية لسه فيه لخبطة شوية

3. استحالة الكلام ده يحصل في العبور

4. حضرتك بتمضي على تعهد ان التوكيل ممكن يجرب العربية خارج التوكيل وده بموافقتك
يعني اللي حصل ده عادي وحقهم

5. يعني ايه لقيت بدقن مستفز جدا ؟؟؟

حضرتك ممكن تحط الكلام ده على صفحة رينو مصر على الفيس بوك وتذكر اسم المسئول بالظبط وانهى فرع حتى يتم معاقبة المسئولين..

هو فعلاً أى توكيل فى الدنيا لازم يجرب العربية..........و عادة مش بياخدو رأى العميل فى الموضوع ده لأنه موضوع عادى.

يعنى الكلام ده حصل معايا فى توكيل نيسان و توكيل رينو فى الإمارات غير توكيل رينو و توكيل أوبل فى مصر.

و اللى أعرفه أن العربية طالما أنت لم تمضى على إستلامها يبقى العربية مسؤوليتهم بالكامل.

و أعتقد و الله أعلم أنهم بيبقى عندهم نوع من التأمين على العربية لو حصل فيها حاجة و هى فى حوزتهم.

عموماً أنت طمنا بس أيه اللى حصل بعد كده ؟

يعنى لو أتأخرت العربية شوية و أخدتها يبقى عادى

لو أتأخرت كتير أو لسه مش لاقينها لحد دلوقتى يبقى كده مش عادى أبداً و لازم تشتكى.

يا جماعة العربية لاقوها طبعا بس بعد ساعة ونص من البحث و التدوير لدرجة أنى خرجت أدور بنفسى و الغربية جت سخنة جدا و الأربع ابواب أزازها مفتوح و غير كده فى حاجة كمان أنا لما كنت بأتكلم عن الرجل اللى بدقن مش معناها أنى بعيب لا سمح الله فى كل اللى بدقن أنا بأتكلم أن لو حد راح هناك و أتعامل معاه يعرف أن الراجل ده مستفز و أنا أتغاظت منه جدا و على فكرة العربية فعلا أتعملت كويس و الحاجات اللى أنا طلبتها أتعملت كويس و أكتر كمان يعنى معلش أنا بأقارن اللى حصل ده بورشة غمرة بتاعة النصر للسيارات كان محدش يسوق العربية الأا صاحبها و العربية بتخرج و تخش من باب واحد فقط و أعذرونى ياجماعة لو حصل مع أى حد فيكو الموقف ده حيعغمل أكتر من كده الكلام غير الرؤية

ساعة ونص مش عارفين هى فين ؟؟؟؟

كتيييييير قوى

المفروض أن اللى خرج يجرب العربية بيبقى معروف ليهم و بيكملوه على التليفون لو فيه موقف زى ده.

عموماً الحمد لله على رجوع العربية بالسلامة.

على فكرة الاحتمال الاكبر انهم استخدموا العربية راحو جابو بيها قطع غيار من فرع القطامية غالبا
على اعتبار ان الموضوع مش هاياخذ وقت بس غالبا الطريق كان واقف والموضوع فلت منهم
بصراحة قمة التهريج والله يكون فى عونك فى الساعة والنصف دول اكيد عدوا عليك سنه ونصف

بص على فرق الكيلومتر من استلامك العربية وبين الورقة المكتوب فيها استلام العربية


شوف العربية مشيت كام كيلو

لو اقل من 10 كيلو عديها لو اكتر من كده لأ

برضه حضرتك مقولتش دا كان فرع المقطم اللي فوق الجبل ولا القطامية اللي على الدائري

فرع المقطم اللى على الجبل

والله حاجه تضحك فعلا

اضحك مع توكيل المقطم

مع توكيل المقطم مش هتقدر تغمض عينيك

بجد اسوء توكيل المقطم ده كل ما هو مستفز هتشوفه هناك ومتستغربش