حافظ على نظافه سيارتك بكل سهوله
السلام عليكم ورحمة الله وبركاته اكيد كلنا عندنا مشكله فى المحافظه على نظافه السياره و لمعانها و بالأخص هذه الأيام بسبب الاتربه الشديده فى الجو . والمشكله دى انا جربت معاها وسائل كثيره زى الفوط و الفرش المزفره ولكن انتم عارفين مشكله الفوط و تأثيرها على دهان السياره وكمان الفرش بعد وقت بتلاقى كفائتها فى التنظيف بتقل علشان الاتربه اللى بتتراكم فيها , وعلشان انا ساكن فى منطقه بها عمارات تحت البناء لكم ان تتصورا كم الاتربه و الرمال اللى بتتراكم على السياره على الرغم انى بحرص على تغطيتها مجرد ركنها من كام يوم كنت عند محل الاكسسوار وكنت رايح علشان اشترى منه فرشه جديده بدل اللى معايا علشان مابقتش تنظف و سألته عن مشكله التنظيف و ان كان هناك اى طريقه اخرى فعاله وفعلا جابلى منتج من منتجات شركه ابرو الامريكيه اسمه WASH & WAX http://i1166.photobucket.com/albums/...9/IMAG0393.jpg
وطريقه استخدامه سهله جدا كل اللى عليك
1- رج العبوه جيدا
2- رش من العبوه على الفرشه اللى هاتستخدمها فى التنظيبف
3- ابدأ فى تنظيف السياره و استمتع باللمعان الجميل
فعلا منتج فعال جدا و نتيحه جيدا جدا كان سعره معقول 25 جنيه