الاخوة الاعضاء اليوم وانا ذاهب الى عملى لاحظت حاجة غريبة جدا فى سحب العربية حاسس انها مكتومة جدا يعنى بضطر ادوس بنزين للاخر علشان تمشى وهى ها يدوب تستجيب والموضوع دة جاء فجأة بدون مقدمات وانا عربيتى شارك 2008 وطبعا جريت على التوكيل دياموند مضطر وقال لى :
1- حنغير فلتر الهواء قلت ماشى غيرة هو انا اصلا كنت عاوز اغيرة (صيانة 40 الف ) 269 جنية
2- بعدين رجع تانى وقال حنظف البوابات ونظبط كمبيوتر قلت ماشى 150 جنية
3-رجع قال فلتر البنزين عاوز يتغير المفروض عند 50 - 60 كيلو قلت لة ماشى غيرة 708 جنية
4- رجع قال البوجيهات عليها طبقة بيضاء لازم تتغير قلت لة بس دى المرفوض عند 80 الف قال لازم تتغير
قلت ماشى غير 444 جنية
5- رجع قال تانك البنزين لازم يتفك ويتنظف من اى رواسب 450 جنية هنا قلت لة لا لا لا مش موافق قال خلاص انت المسؤل وانا هغير بس الحاجات اللى اتفقنا عليها قلت لة ان شاء الله المشكلة ححتحل
قال ان شاء الله بس بعد ما نخلص حنكشف على حساس الماب اذا كان بايض حنغيرة 900 جنية قلت لة هو فى اية ياعم كل دة لية المهم خلص العربية واستلمتها وسألتة عن حساس الماب قال اللمبة لم تعطى اشارة قلت لة المشكلة كدة اتحلت قال جرب كدة العربية والمفاجأة الكبرى هى العربية زى ماهى زى ما ودتها التوكيل بالظبط ؟؟؟؟؟؟؟؟؟؟؟ السحب مخنوق جدا يا جماعة حد يفدنى فى الموضوع دة ضرورة جدا انا دافع النهاردة 1870 بالمصنعية والمشكلة لسة قائمة طب لمل التوكيل يطلع العربية كدة طب اروح لمين واحد ميكانيكى قال لى اكيد انت مونت بنزين مخلوط بسولار هو اللى عمل معاك كدة رحت على طول على بنزنينة شل ومونت بنزين 95 اعمل اية تانى هل كان المفروض اغسل التانك ب 450 جنية ؟؟؟
ارجو سرعة الافادة مش عارف اعمل اية