عملنا حادثه بالجين تو دمرتها ولكن الحمد لله

**meramor81** · 11-06-2008 02:11 AM

ميرسى لكل اللى ردوا وفعلا كلمكم طمنى شويه والله ماجايلى نوم وخصوصا ان العربيه مركونه فى منطقه بعيده عنى وقلقانه عليها كما لو كانت طفلتى انا كل يوم قبل مانانم لازم اطمن عليها مش قادره اوصفلكم شعورى بس بحمد ربنا ان جوزى ماجبش العربيه معاه لانى مش هاقدر استحمل اشوف منظرهامتبهدل كده ممكن يغمى عليه والله قولت لجوزى باله عليك مااشوفها الا لما تكون زى الاول انشاء الل ادعولنا نصحى من الكابوس ده على خير

**MoToRiZeR** · 11-06-2008 02:12 AM

يا ساتر يا رب علي اهمال الناس و قلة الأدب اللي بنشوفها في الشارع
ربنا هيوريهم جزاء الاستهتار بممتلكات و حياة الناس كدة
الحمد لله علي سلامتكوا

و متقلقيش إن شاء الله التأمين هيغطي كل حاجة
و ترجع زي ما كانت و أحسن :)

**Eng.Sameh** · 11-06-2008 02:14 AM

اللهم احرق كل حاسد وحاقد ، سبحان الله لازم اي عربية جديده تاخدلها عين كده !

المهم الحمد لله على سلامتكم ، والحمد لله انكم مامنين عليها ، وده طبعا وفر عليكم مبالغ كبيره

وان شاء الله هترجع زي الأول ويمكن احسن ، لأن في التامين بيبقى النظام استبدال اي جزء تالف بجزء جديد ،

والحمد لله انها جات على قد كده

**mo7amed_omara** · 11-06-2008 02:15 AM

بجد و انا بقرا كلامك عن الحادثة اتاثرت قووووى و لكن الحمد الله قدر الله ماشاء فعل ويارب تكون اخر الاحزان
و الحمد الله على سلامة زوجك

و العربية انشاء حتتصلح و ترجع سليمة

**meramor81** · 11-06-2008 02:15 AM

انت عارف يا استاذ موتوريزر ان احنا كمان عملنا المحضر ضد مجهول بالرغم من ان الضابط قلنا انا ممكن اسحب منه الموتوسكل ومايشفهوش تاى بس جوزى صعب عليه الولد وقال ضره لم ينفعنى بشىء واهل الولد كانوا بيشكروا جوزى

**zakiali** · 11-06-2008 02:22 AM

الف سلامه عليكم واللي بييجي في الفلوس يتعوض بأذن الله ...

يريت حضرتك تتابعينا في الموضوع ده وتقوللنا قصتك مع التأمين والأصلاح لحد الاخر .

**MoToRiZeR** · 11-06-2008 02:24 AM

ماهو لو كان فيه قانون محترم في البلد .. اولا مكنش الولد ده مشي كدة
او كان حصل اللي حصل و اتاخد عليه تعهد انه يتمنع من قيادة الموتوسيكلات باقي الحياة و لو ساق تاني يتحبس

و لكن للأسف الناس بيصعب عليها و بتلم الموضوع ودي لأن اللي حصل بيبقي حصل و خلاص .. بس يا ريت تكون اصابات جسمه تخليه يلم نفسه في المستقبل و يعرف انه خطر علي ارواح الناس اللي ماشية في الشارع

لو قلتلك انتوا اتصرفتوا غلط ابقي معنديش قلب لأن الله اعلم هو جاب الموتوسيكل ده ازاي .. بس اصل ده استهتار بالناس .. مش عارف بصراحة الواحد لو في موقف زي كدة المفروض يعمل ايه و ايه الصح اخلاقياَ

انا لو في ايدي اديله الموتوسيكل و كل حاجة بس احبسه 6 شهور يتربي فيهم

بس متخافيش عالعربية .. اي حاجة حديد بتتصلح و مبقاش فيه حد بيسلم :) اهي خدت العين و إن شاء الله ترجعوا تستمتعوا بيها تاني

**meramor81** · 11-06-2008 02:24 AM

المشاركة الأصلية كتبت بواسطة zakiali

الف سلامه عليكم واللي بييجي في الفلوس يتعوض بأذن الله ...

يريت حضرتك تتابعينا في الموضوع ده وتقوللنا قصتك مع التأمين والأصلاح لحد الاخر .

الله يسلمك يا استاذ زكي واكيد هاطمنكم باذن الله هو غداا إن شاء الله جوزى رايح للتامين وهايبعتو واحد معاه يعاين العربيه وربنا يسهل

**meramor81** · 11-06-2008 02:29 AM

المشاركة الأصلية كتبت بواسطة MoToRiZeR

ماهو لو كان فيه قانون محترم في البلد .. اولا مكنش الولد ده مشي كدة
او كان حصل اللي حصل و اتاخد عليه نعهد انه يتمنع من قيادة الموتوسيكلات باقي الحياة و لو ساق تاني يتحبس

و لكن للأسف الناس بيصعب عليها و بتلم الموضوع ودي لأن اللي حصل بيبقي حصل و خلاص .. بس يا ريت يكون اصابات جسمه يخليه يلم نفسه في المستقبل و يعرف انه خطر علي ارواح الناس اللي ماشية في الشارع

لو قلتلك انتوا اتصرفتوا غلط ابقي معنديش قلب لأن الله اعلم هو جاب الموتوسيكل ده ازاي .. بس اصل ده استهتار بالناس .. مش عارف بصراحة الواحد لو في موقف زي كدة المفروض يعمل ايه و ايه الصح اخلاقياَ

انا لو في ايدي اديله الموتوسيكل و كل حاجة بس احبسه 6 شهور يتربي فيهم

بس متخافيش عالعربية .. اي حاجة حديد بتتصلح و مبقاش فيه حد بيسلم :) اهي خدت العين و إن شاء الله ترجعوا تستمتعوا بيها تاني

يـــــــــــارب نفسى والله ترجع زى الاول انا مالحقتش اتمتع بيها بس القلق هايبقى زياده على جوزى اكتر فى نزوله لانى بخاف عليه جدااااا والعربيات فعلا بتعرض حياه الناس للخطر لانك فى بلد مافيهاش احترام ولا نظام وهقول لحضرتك جوزى ليه اتنازل اولا الولد قعد يتالم كتير ومرمى فى الارض فتره كبيره عقبال ماالاسعاف عبرته ومنطقه الحوض عنده مدمره وفعلا الله اعلم هو جايب الموتوسكل ده ازاى وكان مش معلق نمر يعنى قضيتين فجوزى مارضاش ياذيه وسابه

**Chicco** · 11-06-2008 02:33 AM

قدر الله و ما شاء فعل ....ألف حمد الله على سلامه زوج حضرتك و فداكم ألف عربية ..ما تضايقيش نفسك يا أختي الفاضلة و احمدي ربنا .العربية حتتصلح إن شاء الله و ترجع زاي الأول ....زوج حضرتك بخير و ديه أهم حاجة ...و المخلوق اللي كان راكب الموتوسيكل لسه عايش ..لو كان مات مثلا كنتم دخلتم في حوارات ما لهاش لازمة.....ربنا يحميكم بفضله إن شاء الله

الموضوع: عملنا حادثه بالجين تو دمرتها ولكن الحمد لله

LinkBack

أدوات الموضوع

عرض

-

-

-

-

المواضيع المتشابهه

الحمد لله تم تغيير الدنجل بنجاح ... ولكن .....

إستلمت اللوجان الحمد لله ....... ولكن !!!!!!

حادثه ولكن الحمد لله على كل حال

المشكلة اتحلت -الحمد لله- ولكن ...!!!

الحمد لله رُزقت بهوندا سيتي ولكن!!

الكلمات الدلالية لهذا الموضوع

المفضلات

المفضلات

ضوابط المشاركة