التأمين الاجبارى ده مالوش علاقه من قريب او بعيد بأصلاح السيارات , ده تأمين لصالح للافراد " البنى ادمين " ( بدون تفاصيل كتير ) , عموما محدش بيستفيد بيه نهائى . لانه فعلا مش اكتر من " سبوبه " وبس
عرض للطباعة
قدر الله و ماشاء فعل ..
و الحمد لله على سلامة حضرتك و زوجك ..
و فداكم عربيات الدنيا كلها و إن شاء الله العربية هترجع زي الأول ..
الف سلامة عليكم يا اختنا الغالية ..
والله كنت فى غاية الضيق وانا باقرء الموضوع وحاسس باحسساسكم ، ربنا يعينكم ويصبركم ويفك الكرب باذن الله
معلش انا كنت مسافر ولسه قارى الموضوع حالا ..
المهم يا سيدتى اللى اسمعه فعلا ان الجمعية دى فعلا وحشة جدا ولا انصح احد بالتعامل معاها .. هما ان شاء الله حيدفعوا بس اللى سمعته انكم لازم تدوروا على حد فيها واسطة علشان المووع يمشى ... ربنا يعينكم
اما بالنسبة للاتامين الاجبارى بتاع المرور ده فمعلوماتى اللى اظن انها صحيحة لانها صادة من مستئارة شركة تامين .. انه يغطى فقط حوادث الافراد لاقدر الله .. يعنى لو واحد لاقدر الله خط شخص وتوفى ( بعيد عن السامعين ) هنا يظهر التامين الاجبار ويدفع التعويض لاهل المتوفى .. وهو لايشمل حوادث السيارات نفسها - وطبعا الاستاذة اللى قاللتى كده قالت انصح جميع زمايلك انهم مايرموش وثيقة التامين الاجبارى اللى بناخذها من المرور لان بدونها لايتم تغطية تامين حوادث الافراد ..
وربنا يكفينا الشر يا رب
ويجعلها اخر الاحزان ويسترها معانا ومع الجميع
ياسر رسمى - الاكاديمية البحرية
اخى العزيز ياسر اشكرك جزيلا وعلى فكره انا اقصد بالتأمين الاجبارى يعنى ماختارناش المكان اللى احنا عاوزينه ى التمين والجمعيه دى اتفرضت علينا ولكن التأمين على العربيه طبعاا يعنى هما اللى ملتزمين بتصليح العربيه بس هما خيرونا ياما نصلح تبعهم وماندفعش ولا شى او اذا صلحنا فى التوكيل هانستنى شويه لغايه ماناخد الشيك ونصرفه
ياباشا التأمين الاجباري ده علشان حضرتك لا قدر الله لو خبط واحد الدوله هي اللي بتتحمل تكاليف علاجه لكن بيييجي هنا دور المحامي ويقولك الراجل هياخد 10000 مثلا ويخلص القضيه وانت طبعا تروح موافق بس للأسف الفلوس دي رايحه في جيب المحامي مش الراجل المصاب ويارب اكون قدرت اوصل ايه هو التأمين الاجباري يعني هو لتأمين حياه البشر اللي انت سايق العربيه حواليهم
قدر الله و ما شاء فعل الله يؤجركم فى مصيبتكم و يخلف لكم خيرا منها إن شاء الله معلش أنا مداخلتى متأخرة بس كنت مشغول جدا الفترة اللى فاتت عموما بالنسبة للتأمين هما ها يدفعوا هايدفعوا بس ما أنصحكيش تصلحوا العربية تبعهم أفضل حاجة فى التوكيل و إتحملوا إنكم تدفعوا لحد ما تستلموا الشيك لأنهم فى الغالب لو صلحوا تبعهم بيبقى شغل أى كلام و تلصيم و بيحاولوا يوفروا لأقصى درجة و ده مش لمصلحتكم و ربنا يعوض عليكم إن شاء الله.
جزاك الله كل خير اخى الكريم وكفانا وكفاكم جميعاا شر الطرق واحنا فعلا وديناها التوكيل بقالها تقريبا اسبوعين واتصلت امبارح بالمهندس مجدى قالى العربيه هاتتدخل التصليحات انشاء رب العالمين اخر الاسبوع على الله يصدق فى كلامه وقالى كمان قدامها اسبوعين كمان وتخلص واحنا مش هانستلمها الا لما التأمين يحاسب على كل حاجه .
عربيت حضرتك لونها اسود ؟؟ انا كنت فى التوكيل امبارح وشوفت جين 2 سوده قدام الورشه تقريبا مخبوطه بنفس الشكل .
الف حمد لله على سلامت حضرتك وزوجك
:) لا حضِرتك ماتقلقيش ... مكانش عليها تراب ولا حاجه .. وحتى كان فى ناس بتتجول فى المكان بتوع الامن قلهم بعد اذنكو ممنوع حد يقف او يتفرج على العربيات المركونه .
هو فعلا انا الى خلانى اشك انها عربيتكم ان شكلها جديد ...انا شوفتها من الجنب اليمين ومكانش فيها اكصدام امامى ...... بس انا عاوز اطمنك ان شاء الله العربيه ترجع زى الاول بالظبط الضرر كله فى الاكصدام والكبوت واحتمال يكون الرفرف الشمال لانى مبصتش عليه . وحاجات بسيطه حتتغير زى السربنتينه التكيف ..... يعنى كلها حاجات حتتشال ويتحط بدالها حاجات جديده .
ان شاء الله خير .
انا عموما احتمال اروح التوكيل يوم الثلاثاء علاشان عاوز اغير المساعدين , ححاول اشوف لو دخلوها الصيانه او عملو فيها حاجه .
حمدللة بالسلامة
عزالعرب افضل والكابوت لازم يتغير دلوقتى اسمع ان الجمعية بقت سريعة فى التعويض والمعاينة بعد مانقلو فى المكان الجديد انا لسة ببتدى معامهم ..عملوها المعاينة لى فى 24 ساعة هما بس عاوزين متابعة وكمان عز فى الاصلاح برضة بيرجع العربية بس الاسطوات المصرية برضة ليهم هفوات عن تجربة واىحاجة ماتكونش كويس تتعاد دة حقنا مش من جيبهم وممكن تاخدو الفاتورة وتقدموها عقبال ماتخلص ممكن الشيك يكون طلع
ربنا يعوضكم عوض الصابرين ويعوضنا جميعا فى شوارعنا الرهيبة
هى الجين 2 دة كدة على طول واخدة عين ربنا يحفظنا من شر حاسد اذا حسد
اشكرك كتير وفعلا الجين تو واخده عين جامد مشاء الله عليها ربنا يبارك لك الناس اللى معاهم الجين تو ويحفظها من العين والحسد وعلى الله الجمعيه تكون فعلا سريعه هما فعلا عملوا المعينه فى اقل من 24 ساعه وحتى المهندس راح مانتش عربيتنا لسه الونش شالها فراح وملقاش العربيه بس مابعد ماالعربيه راحت راح تانى يوم على طول فا فعلا هما كويسين لغايه دلوقتى ربنا يسهل احسن الواحد نسى انه معاه عربيه اصلا
مشكور كتير ولما تروح التوكيل ممكن تشوفها دخلت ولا لاه لانى حسه انها لسه مش هاتتدخل دلوقتى عموما انا هاتصل واشوف وعلى فكره الرادتير هايتغير كمان والرفرف والكبوت وهاتدخل كلها فرن الا خايفه منه لونها يتغير لان فيها لمعه وبرونز كده كان رائع ربنا يستر
ان شاء الله لما اروح اشوف ايه اخر التطورات . بالنسبه لموضوع الفرن ... الى حيترش الرفرف و الكبوت و الاكصدام فقط وانا بنفسى كنت شفت واجا راشه الكبوت " بأمانه الكبوت مش فارق نهائى عن باقى لون العربيه " .
تقريبا هاتترش كلها لان فيها خبطه ورا كمان عموماخلاص مش هاتفرق
كنت عاوزة اسأل هو المهندس مجدى بياخد فلوس لاننا خايفين يكون الموضوع محرج وخصوصا لانه محترم جداا وشكله مش بتاع فلوس فقريت موضوع هنا ان بعض المهندسين بياخدوا والباقى بيحرج فايه رأيك وممكن لما حضرتك تروح تبص على العربيه توصى عليها لو تعرف حد هناك
لا حول ولا قوة إلا بالله
انا للاسف معرفش حد فى التوكيل بشكل شخصى , لكن فعلا الى لاحظته ان معظم المهندسين الى هناك محترمين جدا و ناس زوق اوى " موضوع ان حد بياخد فلوس ... انا برده سمعت نفس الكلام لكن مش عارف مين تحديدا " عموما بلاش تعرضو على حد فلوس اولا : لانه من حقكو تصلحو عربيتكو بأعلى مستوى من الجوده و بدون اكراميات , انتو بتصلحوها فى التوكيل مش فى مركز ولا ورشه .
الحاجه التانيه لو عرضتم فلوس على مسئول مش بياخد فلوس حتسببو احراج ليكم وليه فى نفس الوقت .
انا شايف بلاش اكراميات احسن :)