للأسف في شركة مصرية مش بنقبل غير عربيات ميتسوبيشي فقط
عرض للطباعة
طيب بعد اذنكم منين اقدر اجيب الزيت من اسكندريه ؟
وشكرا مقدما
السلام عليكم. انا روحت مصرية امبارح و غيرت زيت الفتيس و زيت الباور و صلحت شويه لمبات فى التابلوه و فعلا الزيت الاصلى سعره 630 جم. و على فكره انا قابلت م. طارق زويل و شكرته على مجهوداته معانا
وشكرا لاعضاء المنتدى الكرام
عندى لانسر 2007 اوتوماتيك (CVT) ورحت مصرية فى قليوب يوم الخميس 13/7/2012 وطلبت تغيير زيت الفتيس ولا حظت الفنى بيستخدم زيت Mobil ATF 320 ولما سألته هل الزيت ده للـ CVT قاللى ايوه ولكن لما روحت وشوفت مواصفات الزيت ده لقيته للأوتوماتيك العادى وان موبيل عندهم أنواع تانى للـ CVT والفاتورة كانت 634.25 جنيه. أكيد أنا ما دفعتش ده كله وعملت المشوار من الهرم لقليوب عشان فى الآخر يحطولى زيت أوتوماتيك عادى أنا هاكلمهم السبت وأشوف ردهم ايه على الكلام ده مع إنى أكدت على موظف الاستقبال انى عايز زيت CVT
بصراحة أنا متضايق جدا من ساعتها وده كده بيشككنى فى أى حاجة الواحد بيعملها فى التوكيل وهو واثق فيهم من غير ما يسمحولك تشوف ايه اللى بيتعمل فى عربيتك
هو المفروض يكون متوفر في كل مراكز الخدمة المعتمدة من التوكيل دايموند والمذكورة في الموضوع المثبت انما اللي اعرف انه عنده اكيد منهم هو مركز المأمون اللي في الازاريطه واللي كان معتمد من مصرية وحاليا معتمد من دايموند
شرفتنا واهلا وسهلا بكل اعضاء المنتدى
باشمهندس عمرو
بعد مراجعة البيانات وامر الشغل والفواتير تم التأكد انه تم تركيب زيت الفتيس الميتسوبيشي الأصلي عندك في العربية وسعره 58 جنيه للتر + الضريبة + المصنعية
انما زيت الموبيل سعره 45 جنيه للتر + الضريبة
فاطمن يا باشمهندس ان الزيت اللي ركب عندك هو الأصلي Mitsubishi Motors CVT SP III
بالنسبة للشحن اذا كان فيه حد عنده ماكينة شفط زيت يبقى الافضل تاخد 2 جركن 10 لتر بيتم تغيير 8 لتر منهم واستخدام لتر كتنظيف وده اللي بيتم في مصرية ويبقى لتر احتياطي
اما اذا كان التغيير من الطبة في احدى محطات البنزين او لدى احد الورش يبقى جالون واحد خمسة لتر كافي وسعره 300 جنيه
اما الشحن فبيكون حسب الوزن وعموما حدود 60-70 ولمزيد من التفاصيل ارجو الاتصال 01144660665
بالفعل ذهبت اليوم للتوكيل وأكد لى مسئول المخزن أنه تم صرف الزيت الصحيح وانه ما كان فى عبوة Mobil ATF320 كان مجرد تكملة وأطمئننت لكلامه والله المستعان
وقد أبدى الجميع هناك بالغ الاهتمام بداية من موظف الاستقبال مرورا بمهندس الورشة حتى مسئول المخزن الذى أرانى عبوة الزيت الأصلى مما طمئننى على توافر الصنف
وقد أكد لى مهندس الورشة أنه من حقى فى المرات المقبلة متابعة قطع الغيار والزيوت التى يتم تغييرها
وختاما أحب أن أوجه الشكر للجميع لتعاونهم
أرجو الافاده من البشمهندس طارق زويل جزاه الله خير الجزاء
عندى لنسر بومه 2007 1600 سىسى عامله 60.000 الف كيلو متر. كلاسيك مواصفات الخليج فتيس cvt
الان انا غيرت زيت الفتيس عند ميكانيكى بره التوكيل بزيت موبيل اوتوماتيك atf 320 و العربيه اخدت 5 كيلو زيت بعد ما الميكا نيكى فضى الزيت الفتيس القديم منها و حط زيت موبيل الاوتوماتك atf 320
هل فيه فرق او ضرر هيحصل على الفيس ال cvt لو انا مستخدمتش زيت ال cvt الاصلى
و ازاى اقدر اقيس منسوب زيت الفتيس