هل الأفضل أجيب الأول 128 علشان اتعلم عليها؟

السلام عليكم ورحمة الله وبركاته .

بأفكر إن شاء الله السنة الجاية أجيب عربية فى حدود 100 الف أو 120 او ممكن 150 لو تستاهل

- فى ناس قالولى اجيب 128 اتعلم عليها سنه ولا اتنين على ما اعرف اسوق وخصوصا انى مليش أى خلفيه فى السواقة نهائيا.

- كمان انا حابب حوار الجرى والتخميس والدريفتات .. إلخ وغاوى اكون محترف سواقة :b4_048: ، وغالبا مش هاعرف اجرب ولا اتعلم عليها الحاجات دى على ما اعتقد !

- كمان هل الجرى والتخميس والدريفتات بالعربيه بيبوظها؟

- وايه اللى هيبقى مناسب فى حدود الـ 120-150 مثلا للحاجات دى؟ هل بتطلب تكون العربيه راسية على الأرض ومتزنه ولا ايه؟

انا عندى 20 و عاوز الحق اعمل اللى فى نفسى قبل ما اتجوز و امشى على الـ60 :d

ايه رأيكم؟

اكيد يفضل بما ان حضرتك لسه هتتعلم انك تجيب عربيه مستعمله مش غاليه و سهله فى البيع فى نفس الوقت. و ماسكه نفسها كمان علشان ما تقعدش تعطل منك كل شويه و تزهقك فممكن مثلا تفكر فى حاجه زى اللانسر مثلا او اكسنت او فيرنا او لاوس مستعمله يعنى ٢٠٠٥ و انت طالع حسب حاله العربيه علشان كمان يبقى فيها تكييف و بعد ما تتعلم عليها و تبقى متمكن فى السواقه تروح بايعها و جايب حاجه زيرو اللى انت عايزها لان طبعا لو اشتريت زيرو دلوقتى غالبا هتتخبط منك كل شويه و زى ما قلتلك خلليك فى حاجه حديثه شويه ال ١٢٨ دى كانت الناس بتتعلم عليها من ١٥ او ٢٠ سنه فاتت و أخيرا ما تستعجلش على الدريفتات و الحاجات دى أتعلم بس الاول :b4_048:

طب بكام الأنواع اللى ذكرتها مستعمل حالته كويسة؟

وايه افضل مكان اروحله لو حابب اشترى مستعمل؟

اقتباس:

---

المشاركة الأصلية كتبت بواسطة mesmer

طب بكام الأنواع اللى ذكرتها مستعمل حالته كويسة؟

وايه افضل مكان اروحله لو حابب اشترى مستعمل؟

---

اعتقد ما تزيدش عن رينج ال ٥٠ الف و لازم تكشف عليها كويس فى التوكيل قبل ما تشترى علشان ما تدبسش فى حاجه فيها مشاكل و شوف على مواقع بيع السيارات المستعمله زى كونتاكت كارز و الحاجات دى يعنى يكون واحد عادى بيبيع مش تاجر و ربنا يوفقك

زي ما قالك لاند زمن 128 من فترة هتتعبك
موفق

شكرا على الرد ، يعنى لو لقيت واحد بيبيعها اقوله نروح التوكيل نكشف عليها ؟

معلش مش فاهم الحكاية دى

مش لازم 128 ممكن تجيب إكسيل مثلا بـ30 ألف تتعلم عليها وبعد ما تبقى تمام تشدها وبعدين تبيعها هاتجيبلك سعر كويس.. تحياتي

اقتباس:

---

المشاركة الأصلية كتبت بواسطة mesmer

شكرا على الرد ، يعنى لو لقيت واحد بيبيعها اقوله نروح التوكيل نكشف عليها ؟

معلش مش فاهم الحكاية دى

---

يستحسن ايوه او على الاقل تكشف عليها فى بنزينه و يكون معاك حد تعرفه عنده خبره كمان فى السيارات المستعمله

اقتباس:

---

المشاركة الأصلية كتبت بواسطة Land_Cruiser

اكيد يفضل بما ان حضرتك لسه هتتعلم انك تجيب عربيه مستعمله مش غاليه و سهله فى البيع فى نفس الوقت. و ماسكه نفسها كمان علشان ما تقعدش تعطل منك كل شويه و تزهقك فممكن مثلا تفكر فى حاجه زى اللانسر مثلا او اكسنت او فيرنا او لاوس مستعمله يعنى ٢٠٠٥ و انت طالع حسب حاله العربيه علشان كمان يبقى فيها تكييف و بعد ما تتعلم عليها و تبقى متمكن فى السواقه تروح بايعها و جايب حاجه زيرو اللى انت عايزها لان طبعا لو اشتريت زيرو دلوقتى غالبا هتتخبط منك كل شويه و زى ما قلتلك خلليك فى حاجه حديثه شويه ال ١٢٨ دى كانت الناس بتتعلم عليها من ١٥ او ٢٠ سنه فاتت و أخيرا ما تستعجلش على الدريفتات و الحاجات دى أتعلم بس الاول :b4_048:

---

اقتباس:

---

المشاركة الأصلية كتبت بواسطة Sehsss

مش لازم 128 ممكن تجيب إكسيل مثلا بـ30 ألف تتعلم عليها وبعد ما تبقى تمام تشدها وبعدين تبيعها هاتجيبلك سعر كويس.. تحياتي

---

:plusone1::plusone1::plusone1::plusone1::plusone1: