## السر لتظبيط فيبرة قائم الصني بكل سهولة ##
اخوتي اعضاء قسم نيسان الاحباء
فاكرين يا جماعة الموضوع بتاع اسامة Osama_I لما كان عنده مشكلة في التوكيل و تم حلها فعلا بس حصل ان المركز نسي يقفل فيبرة القائم .. الحمدلله عرفت السر و لازم تعرفوه و ده عرفته لما كنت بعمل عازل الصني و طبعا الحمدلله اسامة ظبط الموضوع لما راح عمل الصيانة في اوتوايجيبت و طبعا ده كان الموضوع لكن لازم نعرف ايه الموضوع هي حاجه بسيطه علي فكرة
كل اللي حصل ان لما الوكيل فك طابلوه اسامه عشان يحل له المشكلة المطروحة .. حصل انه نسي يقفل فيبرة القائم اليمين و الشمال فبقي في فرق بين الطابلوه و القائم زي ما موضح في الصورة
طبعا الشكل في الصورة واضح جدا انه مش حلو و طبعا ناس كتير فاهمة ان فيبرة القائم المفروض انها تكون مثبتة في القائم نفسه لكن فيبرة القائم في الصني مثبتة في الطابلوه و ده كان السر انك لما هتثبت فيبرة القائم فهتتثب في الطابلوه و ليس في القائم باتجاه المفك و بالضغط حتي يتم تثبيت الشفة وراء الطابلوه مباشرة كما هو موضح بالصورة
و من هنا هتلاقي ان فيبرة القائم تم تثبيتها و بنسبة 100% كما هو موضوح بالصورة التالية
اتمني اكون افادتكم بالموضوع ده رغم انها حاجه بسيطة لكن لما عرفتها قولت لازم انقلها ليكم فورا
أخوكم
بيشوي PeaceMan
