-
ألف سلامه يا باشا
هتروح تكشف عادى فى اليوم بتاعك وهتقولهم على اللى عندك ويأما يديك غير لائق ( احتمال بعيد شويه ) أو يديك لجنه عليا أو لائق
فى أخر حالتين هتستنى يوم الارجا وبعد ماتسمع الارجا هتطلع على مكتب التظلمات وهيحولوك على حلمية الزيتون
بتروح حلمية الزيتون سواء لجنه عليا أو تظلم هتشترى ملف طبى ب 12 جنيه وهتكتب فيه بياناتك وتستنى لما عسكرى يعدى عليك عشان يدبسهولك
( مع ال 110 جند وصورة ال 110 والبطاقه وصور شخصيه تقريباً 3 )
بص أنا مش فاكر قوى بس خد معاك صور من كل حاجه عشان متطلعش بره التجنيد عشان تصور
وأنت وحظك بقا العمليه دى أخدت منى 4 ساعات :))
المهم بعد ما العسكرى يدبسلك الورق فى الملف هتسلمه لعسكرى تانى وهيديك كارت ( بتشتريه مع الملف ) فيه ميعاد الكشف الطبى بتاعك وغالباً بيبقى الاسبوع اللى بعده
يوم الكشف الطبى هتروح بدرى بحيث أنك تكون هناك على 7 أو 7 ونص بالكتير
هتخش صاله كبيره وتنتظر لغايه ما ينادو على اسمك وبتدخل مع مجموعه للدكتور بعد ما بتقلعو تانى ;)
لو اللى عندك ليه علاقه بالعظام....يوم العظام بيبقى الأحد
هتاخد الأشاعات والتقارير معاك وهتوريها للدكتور اللى هيكشف عليك وهيطلب منك تعمل اشاعه
يأما فى نفس الغرفه لو الموضوع بسيط أو لو الموضوع كبير بيحولك مستشفى تانيه تعمل الأشاعه هناك عشان الأمكانيات وكده
وهنا الوضع هيختلف لو الأشاعه طلعت فى نفس اليوم هتكشف تانى وأنت ونصيبك
لو حولك على المستشفى بيديك ميعاد تيجى فيه وبياخدكم باص من التجنيد ( مش متأكد ) والنتيجه مبتكونش فى نفس اليوم
المهم فى النهايه لو اعفاء ان شاء الله هتشترى 6 جند من عند البوابه وترجع عشان تتصور ( متنساش تحلق دقنك كل مره قبل ماتطلع من البيت )
ربنا معاك ان شاء الله ولوعندك اى سؤال أتفضل
-
ايه الحوار الكبير ده
ربنا يستر و شكرا يا باشا علي الافاده
-
مفيش حد عنده معلومه تانيه يقدر يفيدنى
حد يدينى امل انى ممكن اخرج طبى
-
-
مفيش دكتور يساعدنى فى الحوار ده يقولى نصيحه لوجه الله كده
-
استكمالا للموضوع
اخر التطورات
الكشف كان النهارده
و النتيجة لائق (ب) و يحول للجنه طبية عليا عمود فقرى
-
طب الحمد لله و ان شاء الله براءه قصدي اعفاء
-
ان شاء الله
يسمع منك ربنا
-
عايز اقولك انا كنت لائق ب و متحولتش لجنة عليا مع انى عندى استجماتيزم عالى و ناسور عصعصى
و دخلت الجيش يوم 21\4 رحلونى على دهشور و اول ماوصلنا بعد ماسمعنا و التعليمات و القرف دة كله الدكاترة بيعدوا علينا و بيقولوا اى حد عنده شكوى طبية يقوم يقف
انا و قفت و معايا كام نفر كمان و طبعا ناس بتقف على حاجات غريبة اللى يقوله ركبى بتقطق و اللى عنده فسفوسه فى صباعة رجله الشمال بيقف يعنى حاجة ماقولكش
المهم انا خدوا بياناتى بعد ماقولتله عندى استجماتيزم و ناسور و بعدين
بقى دخلونا على التفتيش و بعد كدة استلام المخلة و المهمات و دى داهية لوحدها و بعدين روحنا العماير اللى هانسكن فيها
تخيل انتا بقى شايل شنطتك اللى اللى جايبها معاك من البيت و شايل المخلة اللى وزنها لا يقل عن 50 كيلو او اكتر و انتا لابس الافرول و لابس البيادة وزنها 10 كيلو فى رجلك و شايل 3 بطاطين
انا كنت ماشى حاسس ان كتفى هايتخلع و كنت نفسيا تعبان و جسديا مرهق
المهم بقى عشان مطولش عليك قعدت 5 ايام جوا مركز التدريب و بعدين فى الطابور الصباحى دكتور جيه و نده الاسامى اللى عندها شكوى طبية و كان منهم انا قالولنا بكره الصبح تقلعوا الافرول المموه و تلبسوا الزيتى عشان هاتخرجوا برا المعسكر و نوديكوا المستشفى عشان اللجنة العليا هناك و بكره 6 الصبح تبقوا جاهزين
المهم الصبح روحنا المستشفى و كانت فى دهشور برضو مافيش بينها و بين المركز 10 دقائق بالعربية
وصلنا كل واحد خد الملف بتاعه الاصفر اللى فيه كل ورقك اللى نتا عملته عشان التجنيد من شهادة ميلاد و فيش و كدة
طبعا انا كنت داخل لجنة رمد و جراحة
دخلت الرمد اول حاجة بعد ماحطيت مية النار فى عينى او اللى بيسموها قطرة
بعدها بربع ساعة جيه الدكتور كنا حوالى 40 واحد داخلين لجنة رمد
اتصفينا على 6 تقريبا غير لائق منهم انا بسبب الاستجماتيزم
و خدوا الملف بتاعه و لزقوا عليه لزقة صفرة كدة بتقول انى غير لائق و سلمت الكارنيه و تانى يوم سلمت المخلة الصول قالى بعد 15 يوم تعالى استلم شهادة الاعفاء و روحت البيت
الحمد لله ربنا عالم بحالى
عشان كدة خد بالك المشف الطبى فى الاول بيبقى كفتة و حتى لو رحت لجنة طبية اللى فى الحلمية و اخدت لائق لا قدر الله برضو ماتزعلش ممكن برضو تخرج لما تروح مركز التدريب
و ربنا يوفقلك اللى فيه الخير
-
المشكله الجيش الحمامات و مكان النوم ... لو في حمامات نضيفه و مكان نوم نضيف كان تلت تربع الشباب اتطوعوا لانهم ببساطه مش لاقيين شغل
Content Relevant URLs by
vBSEO 3.6.0 PL2