لو جديد يبقي لوجان جيدة
لو مستعمل يبقي صني او كورولا بس النصي هتبقي موديل احدث وممكن الياريس بردوا
مجرد راي
عرض للطباعة
لو جديد يبقي لوجان جيدة
لو مستعمل يبقي صني او كورولا بس النصي هتبقي موديل احدث وممكن الياريس بردوا
مجرد راي
316i الدبانة هتكون حالتها حلوة قوي وسعرها قال من كده كمان
تيجو 2009 2000cc at
انا متابعة عشان كان نفسي حد يرشح حاجة من العربيات الزيرو لان اختي بتفكر زيك بالضبط حاجة اوتو في حدود التمانينات
بالنسبة للريو هي حلوة اوي معايا و مناسبة لاحتياجاتي جدا و بالمناسبة عربيتي 1400 مش 1600 و بالتالي موفرة الى حد ما للبنزين و بالذات لما بيكون الاوفر درايف اوف بتوفر جدا و غير كدا انا مش بجري و لا بشد ولا بحرق - كان زمان و اعتزلت - فا مش ماثر معايا حكاية انها 1400 دي
و العربية شكلا حلوة جدا و تكييفها حلو ، في الاول كانت عفشيتها ناشفة بس بعد 3000 كم اتظبطت كتير
لو هاتجيب ريو كسر زيرو يبقى هاتعمل في حدود ال 80 ل 83 او 84 حسب حالتها و عاملة كام الف كم طبعا
ارشحلك حاجة من التلاتة
بروتون جين توو او بيرسونا
نيسان صني
رينو لوجان
بروتون جين توو لو بتبص لحاجة شكلها رياضي طبعا ثبات بسم الله ما شاء الله لحد 160-180 بالطبع بالاضافة لباقي الامكانيات من اداء سواء تسارع او عفشة او فرامل بصراحة العربية بسم الله ما شاء الله او بيرسونا لو حاجة تجمع بين الرياضي و العائلي الخفيف و تتوافر بها نفس المميزات السابقة
الصناعة ماليزي
نيسان صني شكل عائلي اوي طبعا غير الوسع الداخلي الصناعة ياباني اعتقد التقفيل مصري
رينو لوجان لو بتبص لحاجة سعرها مش عالي اوي و في نفس الوقت الشكل كويس مش وحش قد يعيبه شكل الشنطة بالنسبة للبعض لكن بالنسبة ليا مفيش مشاكل و فوول اوبشن و فيه حاجتين بعض الناس شايفينه برده عيب لكن انا مش شايف فيها حاجة ان الكلاكس في الدراع و زراير الازاز الكهربا في التابلوه تقفيل مغربي تقريبا
لو باصص لحاجة هيونداي يبقي اكسنت مع اني من وجهة نظري أفضل الـ3 اللي رشحتهملك فوق
و بالتوفيق ان شاء الله
متشكر جدا على المعلومات القيمة دي، وعلى فكرة انا بفكر اشتري على شهر 8 كدة انشا الله ولو فكرتي تبيعي عربيتك ياريت تبقي تبلغيني علشان انا ممكن ابقي اشوفها
بالنسبة لاختك انا شايف ان الكيا بيكانتو ممكن تكون مناسبة ليها وانا عن نفسي بفكر اجيبها لمراتي عشان هي عربية كويسة اوى وشكلها مناسب للبنات اكتر عشان سهلة في سواقتها والركنة عشان ابعادها وكمان اعتماديتها وسمعت بردو ان اللوجان دلوقتي في منها اوتو بحوالي 80 الف بس معرفش ايه اخبارها ولو حد جربها
لا البيكانتو مش مقتنعين بيها خالص لانها صغيرة و 1200 cc و سعرها كتير على امكانياتها و شكلها مش عاجب اختي
و كمان هما مش عاوزين عربية صغيرة هما بيحبوا العربيات الكبيرة اللي ماسكة نفسها كدا و طول بعرض بشنطة و واسعة من جوة عشان تنفع في السفر و المصايف و حاجات الولاد بتبقى كتير دا كفاية العجلة "البسكلتة" بتاعة الواد العفريت الصغير
لو كدة ممكن تشوف اللوجان الاوتو بيقولو صالونها واسع وعائلية وكمان حجم شنطتها مش بطال بالنسبة للفئة بتاعتها (ملحوظة انا مجربتش اسوقها قبل كدة فياريت تسئلي وتشوفي برده حد معاه العربية) وممكن برده لو صني موديل 2008 استخدام بيتي كدة لو الزيرو مش فارق اوي مع اخت حضرتك بس اسمع ان كنبتها الخلفية ضيقة شوية ولكن شنطتها واسعة وممكن تنفع عشان البسكلتة بتاعت الامور الصغير :)