اقتباس:
المشاركة الأصلية كتبت بواسطة temo2005
أنا شايف الناس اللى بتحسب معدل استهلاك البنزين بتحسبه بالصفيحه علما بأن تنك البومه بيشيل 50 لتر
يبقى أنا لما أحب أحسب الاستهلاك أقسم على 40 ولا50
ملحوظه: أنا العربيه شطبت منى بنزين خالص ووقفت كمان بعد ما عملت 360 كيلو
العربيه بومه 2006 أتوماتك
كده كويس ولا كتير ولو كتير يبقى المفروض تعمل كام فى التفويله كلها؟
بص يا باشا الحساب بيبقى دايما كام كيلو فى العشرين لتر (الصفيحه) و احسن طريقه لحساب معدل الاستهلاك هو ان حضرتك تفول العربيه وبعدها على طول تصفر عداد الرحلات....وبعد فتره مشى بالعربيه (مش لازم 100 كم لصعوبه ضبطها طبعا)تفول تانى ...تحسب كام لتر اخدتهم العربيه وكام كيلو فى عداد الرحلات......تضرب 20 فى عدد الكيلوات المقطوعه وتقسمهم على عدد اللترات اللى اخدتهم العربيه فى اخر تفويله....الناتج هيكون كام كيلو تقطعهم العربيه فى الصفيحه (20 لتر)......اقول لحضرتك مثال:
1- فولت العربيه
2- صفرت العداد
3- مشيت بالعربيه شويه
4- فولت تانى اخدت 13 لتر
5- العداد عامل 180 كم
6- 20*180/13=276
يعنى العربيه بتعمل 276 كم فى الصفيحه(20 لتر)
وتعمل الموضوع ده مره جوه البلد ومره على الطرق السريع لان حساب جوه البلد غير الطريق السريع
(طبعا الاستهلاك داخل المدينه اكتر من على الطريق السريع)
اتمنى اكون افدتك....وشكرا