خطوات تجديد رخصة سيارة 1300ccعليها حظر بنك

**enayat** · 24-04-2012 05:11 PM

اول مرة النهارده اجدد رخصة عليها حظر للبنك
1- بدات الموضوع من 3 اسابيع رحت دفعت مبلغ التامين وانتظرت اسبوع علي ما الوثيقة طلعت
2- اخدت الوثيقة وطلعت علي البنك ولانه بنك حكومي انتظرت اسبوعين علي ما جواب البنك طلع
3- رحت طلعت شهادة براءة ذمة مالية من نيابة المرور
4- طلعت علي المرور ودخلته الساعه 11 اشتريت ملف للعربية ب 10.5
5- عملت تامين اجباري علي العربية لمدة سنة فقط ب 93 جنيه وعملت استعلام امني وطلعت علي الشباك
6- الموظف فحص الملف واعطاني رقم اسدد بيه للخزينة سددت 201 جنيه ضريبة علي السيارة لمدة سنة 1300cc
7- طلعت الرخصة وطلعت من المرور الساعه 12.30
الخلاصة:
الزمن المستغرق في مرور المنصورة ساعة ونصف
المبلغ الاجمالي لترخيص العربية 305 جنيها بدون التامين التكاملي علشان لو حد عايز يجدد عربة عليها حظر

**me_medoo** · 24-04-2012 05:38 PM

أيه ده ؟؟؟ هو أنتو معندكمش رشوة ياباشا ... ولا كوبايت شاي في المنصورة بتدفعوها للموظفين ...
ده انا لمن بروح في المرور هنا سواء في مدينة نصر أو فيصل ولا الضراسة ولا بين السرايات ولا حتى 6 اكتوبر ولا مرور المعادي حتى لازم يقولولك أي خدمة ياباشا ... ولازم تحط في الملف بتاعك 10 جنيه لكل موظف هيبصلك في الملف ... ده لدرجة مره وقفت في الطابور وأول مافتح الموظف الملف خد العشرة جينه وقلي معليش ياباشا مش عندي روح الشباك الي جمبي ههههههههههههههه .
عامة الف مبروك ياباشا .

**mahmoud_afifi** · 24-04-2012 06:56 PM

المشاركة الأصلية كتبت بواسطة enayat

اول مرة النهارده اجدد رخصة عليها حظر للبنك
1- بدات الموضوع من 3 اسابيع رحت دفعت مبلغ التامين وانتظرت اسبوع علي ما الوثيقة طلعت
2- اخدت الوثيقة وطلعت علي البنك ولانه بنك حكومي انتظرت اسبوعين علي ما جواب البنك طلع
3- رحت طلعت شهادة براءة ذمة مالية من نيابة المرور
4- طلعت علي المرور ودخلته الساعه 11 اشتريت ملف للعربية ب 10.5
5- عملت تامين اجباري علي العربية لمدة سنة فقط ب 93 جنيه وعملت استعلام امني وطلعت علي الشباك
6- الموظف فحص الملف واعطاني رقم اسدد بيه للخزينة سددت 201 جنيه ضريبة علي السيارة لمدة سنة 1300cc
7- طلعت الرخصة وطلعت من المرور الساعه 12.30
الخلاصة:
الزمن المستغرق في مرور المنصورة ساعة ونصف
المبلغ الاجمالي لترخيص العربية 305 جنيها بدون التامين التكاملي علشان لو حد عايز يجدد عربة عليها حظر

الف مبروك تجديد الرخصه وعقبال رفع حظر البيع.
بس عندي سؤال, هو ايه التأمين التكاملي ده ؟ ده غير التأمين الاجباري ؟

**enayat** · 24-04-2012 09:07 PM

المشاركة الأصلية كتبت بواسطة mahmoud_afifi

الف مبروك تجديد الرخصه وعقبال رفع حظر البيع.
بس عندي سؤال, هو ايه التأمين التكاملي ده ؟ ده غير التأمين الاجباري ؟

التامين التكميلي ده تامين لصالح البنك نسبته غالبا بتكون 3% من قيمة العربية علشان البنك يضمن فلوسه وبيتجدد كل سنة اجباري لحد ما افك الحظر ومن غيره البنك ميرضاش يعطيني جواب تجدسد الرخصة لكن التامين الاجباري ده الي بنعمله في المرور حتي لو العربية معلهاش حظر

**mahmoud_afifi** · 24-04-2012 09:34 PM

المشاركة الأصلية كتبت بواسطة enayat

التامين التكميلي ده تامين لصالح البنك نسبته غالبا بتكون 3% من قيمة العربية علشان البنك يضمن فلوسه وبيتجدد كل سنة اجباري لحد ما افك الحظر ومن غيره البنك ميرضاش يعطيني جواب تجدسد الرخصة لكن التامين الاجباري ده الي بنعمله في المرور حتي لو العربية معلهاش حظر

اااه, انا ماكنتش اعرف التأمين بتاع البنك اسمه ايه بس لازم يتعمل عشان ناخد الخطاب بتاع التجديد للمرور.
متشكر لحضرتك على التوضيح :)
والف مبروك التجديد