عرض للطباعة
ازيكم يا جماعة
انا معايا لوجان اوتوماتك 2012 عاملة 500 كيلو و بقيت اسمع صوت من التابلوه ناحية اليمين و مش عارف دا ممكن يكون ايه؟
انا حاسس زى ما يكون فى حاجة ملخلخة و مش راكبة كويس او حاجة بتخبت فى حاجة.
علما بأن التابلوه فاضى بلستكه فيشة الكومبيوتر محطوطه فى مكانها.
ممكن حد يساعدنى؟
يا استاذ عربيتك جديده يبقى بدون تفكير على التوكيل وطلع عنيهم احنا بنشترى زيرو ليه!
انا قلت اسأل الاول اهل الخبرة اذا كان دا طبيعى وصوت هيروح لوحده علشان العربية لسة فى التليين.. او لو فى حاجة كعينة اقدر اعملها واكيد ان شاء الله لو محدش فادنى هروح التوكيل
الحاجات اللي ممكن تتلخلخ من اليمين وحصلوا عندي طبعا على فترات كبيرة لاني عامل 73 الف :
1. حاجه صلبة محطوطة في مجرة الدرج الرفيعة (قلم مثلا) ودايما نظارة من غير جرابها
2. عليقة الحزام اللي جنب السايق بتخبط في عمود الباب
3. غطا تانك البنزين سوسته وقعت او الكاوتشه اللي بتوقف الباب وقعت فبيخبط مع السرعة
4. ودي كانت اول العربية ما جت: كاوتشة الازاز الامامي من بره آخر حته فيها من اليمين ملخلخة بدون سليكون
واي سرعة عالية الهوا بيخبط في الازاز من ادام وبيلخلخها