لو لقيت حاجه اوربيا او بيجو مستعمل حيبقي احسن 100 مره من العجل الصيني
عرض للطباعة
ايه البسكلتة الكهربا دي يا جماعة ؟ و بكااااام ؟
المفروض إنها عجلة عادية وبيركب عليها موتور كهربا (يعني تبدل عادي ولما تتعب ممكن تشغل الموتور الكهربا)
انت زميل في راية على ما افتكر، صح؟؟
بس حضرتك الصيف شادد حيلة فا إنك تبدل 8 كيلو دول إنت هاتبقي بتشر ماية و الريحة هتبقي حدث ولا حرج و هتحتاج تاخدلك دش أول ما توصل الشغل فا لازم تحط الموضوع دا في إعتبارك
احنا المفروض عندنا ساعة "جيم" Gym كل يوم في الشغل. كل يوم اقول هانزل ومانزلش. فاقلت لنفسي اجيب عجلة اروح بيها الشغل بدل الجيم، منها لياقة ورياضة ظريفة وشوية حفاظ ع البيئة، وأنزل الجيم آخد الدش الدافي وابدأ الشغل بإذن الله :)
وماينفعش اروح الشغل بالعجلة في الشتا عشان باوصّل العيال للمدرسة :)
(أكيد فيه ناس هاتقول راجل طويل عريض وعنده عيال وعاوز يركب بسكلتة !! :):):) )
صح كدة يا أستاذنا :)
يعني انتا عاوز تقنعني ان العجله حيبقي فيها موتور
وانتا حتبدل برجلك
:)
طب خد عندك بقي قبل ما تشتري
1- العجله تقيله جدا لان فيها موتور
2- الموتور ده ببطاريتين 24 فولت
3- لو خلصوا يامعلم وانتا ماشي في نص الطريق يبقي جهز عضلات رجليك لمجهود خرافي لان العجله تقيله
4- سرعه العجله اما تكون مشحونه 40 ك م \س واما البطاريه بتبقي نص نص بتبطئ
5- سعرها 3000 جنيه يعني تجبلك موتسكيل هوجان ولا دايون اجدع
6- سلام عليكم :) :)