الموضوع: عاوز بسكلتة

المشاركة الأصلية كتبت بواسطة mshawky

انا حضرت ايفنت مع الناس دوول الجمعه اللى فاتت روعه لو ليك فى العجل بجد تعالى وبيبقا يوم جامد جدا تحت رعايه الشباب والرياضه

https://www.facebook.com/cycleegypt2007

أنا اشتركت في الجروب فعلاً، إن شاء الله اشترك لما اعرف اسوق :)

المشاركة الأصلية كتبت بواسطة FunnyMickey

يعني انتا عاوز تقنعني ان العجله حيبقي فيها موتور
وانتا حتبدل برجلك
:)

طب خد عندك بقي قبل ما تشتري

1- العجله تقيله جدا لان فيها موتور
2- الموتور ده ببطاريتين 24 فولت
3- لو خلصوا يامعلم وانتا ماشي في نص الطريق يبقي جهز عضلات رجليك لمجهود خرافي لان العجله تقيله
4- سرعه العجله اما تكون مشحونه 40 ك م \س واما البطاريه بتبقي نص نص بتبطئ
5- سعرها 3000 جنيه يعني تجبلك موتسكيل هوجان ولا دايون اجدع
6- سلام عليكم :) :)

شكراً يا أستاذنا ع النصائح، أنا رحت امبارح لابو الجوخ في أكتوبر قابلني أ/وليد، غنسان متعاون جداً ورشح لي دراجتين في حدود ميزانيتي. المهم قال لي إن فيه فرع في الشيخ زايد، فا قلت له استلم من هناك أفضل عشان كان معايا الأولاد ومش هاينفع أكربسهم في العربية مسافة طويلة مع العجلة جوة الصالون (عربيتي أونو صغنونة)

المهم رحت فرع زايد وقابلني أ/عبد الحي راجل محترم جداً والفني اللي معاه متعاون جداً، جربت العجلة الأولانية كانت تقيلة جداً (Mountain Bike)، أخدت التانية الألومينيوم خفيفة وطيارة (Road Bike) ..

وانا باجرب العجلة كان منظري مضحك ضحك علي عيال الشارع !! دي أول مرة اسوق عجلة من 6 سنوات

دلوقتي بقى هابتدي اسخن شوية وانزل بيها كل يوم ربع ساعة كدة لغاية ماتعوّد وابتدي نزول الشغل بالعجلة.

ادينا سعر وصورة للأمورة :d

عن تجربة ما فيش طريقة للتخسيس وخصوصا تخسيس الكرش أفضل من ركوب العجلة

أي طريقة تاني مش عملية وصعبة نفسيا وتحس إنك رايح تتعالج مش تلعب رياضة


المشكلة فعلا في نظرة الناس

انا جبت عجلة هنا وركبتها كام مرة وما اترحمتش من التريقة لكن اللي خلاني أبطل إن مقاسها صغير ( ما لقيتش رنجات ألمونيوم بالكامل من غير سلوك غير مقاس 20 )

فمنتظر أجيب واحدة كبيرة بأمر الله وأستخدمها علطوووووووووول

وعلى رأي اخونا أحمد - اللي مش عاجبه يغمض عنيه





.

المشاركة الأصلية كتبت بواسطة abdalah_hashem

ادينا سعر وصورة للأمورة :d

المشاركة الأصلية كتبت بواسطة funnymickey

الف مبروك ياباشا

المشاركة الأصلية كتبت بواسطة yousef1978

عن تجربة ما فيش طريقة للتخسيس وخصوصا تخسيس الكرش أفضل من ركوب العجلة

أي طريقة تاني مش عملية وصعبة نفسيا وتحس إنك رايح تتعالج مش تلعب رياضة


المشكلة فعلا في نظرة الناس

انا جبت عجلة هنا وركبتها كام مرة وما اترحمتش من التريقة لكن اللي خلاني أبطل إن مقاسها صغير ( ما لقيتش رنجات ألمونيوم بالكامل من غير سلوك غير مقاس 20 )

فمنتظر أجيب واحدة كبيرة بأمر الله وأستخدمها علطوووووووووول

وعلى رأي اخونا أحمد - اللي مش عاجبه يغمض عنيه
.

يا مسهل الواحد عاوز يخلص من الترهلات .. بالنسبة لكلام الناس الموضوع بقى ستايل :)

المشاركة الأصلية كتبت بواسطة abdalah_hashem

ادينا سعر وصورة للأمورة :d

العجلة فريم ألومنيوم .. مكنة السرعات شيمانو سعرها 1250 جنيه، بالنسبة للصور إن شاء الله قريب

المشاركة الأصلية كتبت بواسطة funnymickey

الف مبروك ياباشا

الله يبارك فيك وشكراً لتعاونك معايا :)