الموضوع: دي تاني شركه اقفلها بسبب الثوره ... حسبي الله و نعم الوكيل

اخي الكريم الفاضل
بعد ان اذكرك بما ذكرك به الاخوة الافاضل من كثرة الاستغفار
لاحظت من متابعتي للموضوع انك ما اقتربت ابدا من فكرة ان تبحث عن عمل لدي الغير في مجال تخصصك
و سأقص عليك قصة صغيرة اذا لم تفيدك اظنها تفيد احد اخواننا في المنتدي
و اذكر اني فتحت الشركة الخاصة بي بعد 6 سنين في العمل و الكفاح بل اني فتحت شركتي و انا برجل و نصف ههههههههه و بعد ان من الله علي بالشفاء و العمل و الحياة كانت حلوة و بعد سنتين من العمل مثلك بالضبط لم يدخل شركتنا مشروع واحد انا و شريكي لمدة 6 شهور و اكثر و كنا مازلنا في بدايتنا و كانت لسه متجوز جديد و قعدت في البيت لدرجة ان البواب في يوم من الايام قابلني و كنت متأخر في سداد اجرة الشقة الايجار الجديد اللي كنت واخدها و لقيته بيقولي ( خلي يا هندسه ) انا شايف الحال مش قد كده
تخيل بقي لما الامور توصل لكده معاك
طبعا بحثت يومها عن عمل و اتفقت مع شريكي انه يظل في الشركة و انا نزلت شغل بعد بحث كتير لان الناس في مجالنا يعرفو بعض و الكل عرف اني اصبحت صاحب عمل المهم ربنا وفقني و اشتغلت في مشروع و ظللت فيه سنة كاملة و كان اللي ربنا بيرزق بيه بيفتح بيتي و بيت شريكي بفضل الله و ظللنا علي هذا الحال لمدة ستة اشهر الي ان من الله علينا بشغلانة للشركة فبدأ شريكي في العمل و هكذا الي ان اكرمنا الله و مشيت العملية من جديد و الكلام ده كان في 2004 - 2005 و الحمد لله بعد ان تركت العمل و كبرنا شركتنا و حتي بعد الثورة و الحال لا يخفي علي احد و الحال صعب و مش عارفين نجيب مرتبات الناس منين و مفيش مشاريع جديدة و قلت لنفسي لو قفلت تاني هنزل شغل تاني و انا 38 سنة الان
و لي صديق عمري بعد ان كان صاحب شركة و كان مقاول مباشر لدي شركات ثقيلة و مهمة و اسماء مثل ( سوديك - الاسكندرية للانشاءات ) و غيرها و مشاريع مثل ( الرحاب و الربوة و غيرها من المشاريع التي استمرت سنين طويلة ) بعد كل هذ و بعد 15 سنة كفاح و نحت في الصخر
الان يعمل لدي شركة مقاولات لمدة شهر اقسم لك بالله بعد الجلوس في البيت ستة اشهر
اخي الكريم
بالله عليك طول ما فيك صحة قول الحمد لله
تحياتي اليك و انت لسه صغير و ان شاء الله الامور تتعدل و نقول الراجل ده الملياردير ده كان يعرفنا في يوم من الايام و كان متواضع و بيكتب معانا في منتدي واحد بس ابقي افتكرنا بقي يا جميل

م.حاتم السباعي