الموضوع: مشكلة مرضية مستعصية .. اللي عنده حل يشور عليا

قريبة لي حصل لها كسر في مفصل الحوض
لما وقعت زملاءها في العمل ودوها مستشفي صيدناوي
فتحوا عشان يركبولها شريحة ومسامير
لقوا العظم مفتفت وطبعا عندها هشاشة عظام
قفلو الجرح بدون عملية
المستشفى اجاركم الله .. منتهى انتهاك الادمية

خرجوها من المستشفي دخلوها الفرنساوي
اخدت مضادات حيوية شديدة عشان الجرح ينشف ويعملوا عملية تانية و يركبولها مفصل
عملوا العملية وركبوا المفصل
الجرح مش راضي يخف .. بيعمل صديد .. الصديد وصل للعظم .. مرتين تدخل غرفة العمليات لمدة 6 ساعات في العملية الواحدة عشان ينظفوا الصديد اللي فصل المفصل الجديد عن الحوض
شالوا المفصل

الجرح ما بيخفش .. ميكروب فظيع محتاج علاج مدة طويلة جدا تقرب من ال6 شهور
كل دة طبعا والعداد بيعد ..

اخيرا المستشفى كتبت لها خروج .. خرجوها ما عندناش علاج ليها .. وكل يوم خرجوها خرجوها
زي ما دخلت .. من غير مفصل .. جرح مفتوح .. مصاب بميكروب مش عارفين منين ؟
دلوقتي دي تروح فين ؟

مفيش اي مستشفى قابلاها..
الميكروب اللي عندها ممكن يبهدل المستشفي اللي تروحها
لوراحت بيتها مين يراعيها.. ارملة في الستين من عمرها .. ماعندهاش اولاد .. اخواتها سنهم كبير وعندهم شغل واولاد .. خالاتها كلهم مسنات اذا كان هيا 60 سنة يبقى خالاتها ايه ..(دي كانت اول حفيدة لاكبر ابنه )..حتى لو جبنالها ممرضة وشغالة .. لازم حد يتابعهم .. ممكن يهملوها ممكن يسرقوها .. الموضوع مستعص

دلوقت هل في حد ممكن يقول لي على مستشفى فيها عزل طبي عشان الميكروب اللي عندها دة ؟.. مستشفي تقبل اقامتها 6 شهور بس طبعا تكاليفها تكون في المعقول .. وفي نفس الوقت تكون مستشفى بني ادمين وانتو عارفين طبعا

لو حد عنده حل يا ريت يساعدنا احسن احنا خلاااااااااص عجزنا عن اي حل ..
السادة الاطباء بصفة عامة واطباء العظام بصفة خاصة .. هل من حل لهذه المشكلة

ارجوكم حد يقول لي حل بسرعة عشان خلاص لازم تخرج من المستشفى الفرنساوي اللي هيا المفروض من احسن مستشفيات مصر

ربنا يشفيها
أخويا لسة خارج من حادثة وكان أكثر ترشيحات مستشفيات كانت الهلال اللي في رمسيس ومستشفي السلام في المعادي تقريبا
أحنا رحنا الهلال
الحمد لله هو أحسن كتير ... كانت حالته صعبة
روحي وشوفي
هما متخصصين عظام