زنان باب البومة او المكواة للكريستالة و dvdالميراج

السلام عليكم ورحمة الله و بركاتة
عايز اركب زنان باب المكواة او البومة للكريستالة ........يا ترى يتجاب منين ؟؟؟ وفية منة جديد ولا لازم استيراد بس ؟؟ ويا رييييييييت لو رقم تليفون الي موجود عندة
كان فية كهربائي قالي ان زنان البومة مايركبش عشان بيبأى متوصل بكمبيوتر العربية ......بس مش مقتنع بالكلام دة مش عارف لية ........وأكيد حد حاول في الموضوع دة قبلي خصوصا اني سمعتة راكب فعلا في كريستالة كتير و اكيد مش صعبة يعني
بس أجيبة منيييييييييييييييييين ؟؟؟؟!!!!!!!!!!! يا ريت لو حد يدلني

حاجة كمان ....... لو حد يعرف أمكانيات الدي في دي بتاع الميراج , الي هو الشاشة بتاعتة بتتقفل جواة ........يعني هل فية gps , هل فية usb , هل فية بلوتوث هل فية توصل كاميرا ,وياترى كويس ولا تعبان اساسا ؟؟؟ ويا ترى اجيبة منين ويا سلاااااااااااااااام لو تليفون الي عندة , اكون شاكر جداا

منتظر رد الاخوة

ممكن شرح اكتر يعني ايه الزنان

الزنان يا باشا الي هو الصفارة او الموسيقى الي بتشتغل لما تفتح باب العربية .....او لما تعدي سرعة 120
وشكرا لأهتمامك

ياريت لو لقيته ونفع يركب تبلغنى عشان عربيتي وكيل ومش فيه الكلام الجامد ده :)

الزنان ده موجود عندي في عربيتي

98 خليجي

مش شرط بتاع بومة او مكوه

اقتباس:

---

المشاركة الأصلية كتبت بواسطة bonanza

الزنان ده موجود عندي في عربيتي

98 خليجي

مش شرط بتاع بومة او مكوه

---

طيب هو نفس صوت بتاع المكواة والبومة ولا صوت القديم الي هو رنتين زي جرس باب الشأة دة ؟؟؟

وهل مثلا فتح الباب بس ولا لية علاقة بالسرعة والنور الصغير ؟؟؟

أعزرني حسألك كتير عشان ممكن في الاخر أحاول اساومك تبيعهولي ههههههههههههه

مش عارف والله الصوت بتاع البومة ولا المكواه عامل ازاي بس هو بيتنتن كده و صوتة مستمر مش زي جرز الباب

و بيشتغل في 3 حالات

1- فوق سرعة 120

2- و لو قافل الكونتاكت و سايب المفتاح في الكونتاكت و فتحت الباب

3- و لو شايل المفتاح خالص و سايب نور التابلوه منور و فتحت الباب


لو عاوزة يا باشا مايغلاش عليك بس جدعنة منك بقي فكلي الكومبريسور بالقاعدة بتاعتة و هاتة معاك عشان انا بقالي يومين بدور علي كومبريسور :)

الزنان ممكن يركب علي اي عربية انا كنت مركبة علي بطةكنت جايب بتاع هيونداي جديد ب35 وكهربائي ركبة بس لازم يكون بيفهم لانة بيركب علي فلاشر ولية لفة كدة

اقتباس:

---

المشاركة الأصلية كتبت بواسطة bonanza

مش عارف والله الصوت بتاع البومة ولا المكواه عامل ازاي بس هو بيتنتن كده و صوتة مستمر مش زي جرز الباب

و بيشتغل في 3 حالات

1- فوق سرعة 120

2- و لو قافل الكونتاكت و سايب المفتاح في الكونتاكت و فتحت الباب

3- و لو شايل المفتاح خالص و سايب نور التابلوه منور و فتحت الباب


لو عاوزة يا باشا مايغلاش عليك بس جدعنة منك بقي فكلي الكومبريسور بالقاعدة بتاعتة و هاتة معاك عشان انا بقالي يومين بدور علي كومبريسور :)

---

ربنا يباركلك يا باشا ومتشكر اوي على زوق حضرتك
ربنا يسهل وأعرف الاقي واحد استيراد
بالنسبة لحكاية الكومبريسور الي بتدور علية ....... أكيد طبعا تكييف , الي عندك مالة او اية مشكلتة اساسا عشان انا اعرف واحد بيصلحهم حتى لو كبس ضعيف بيديلهم شنابر وعن تجربة طبعا مش كلام في الهوا

اقتباس:

---

المشاركة الأصلية كتبت بواسطة husseinthemaster

الزنان ممكن يركب علي اي عربية انا كنت مركبة علي بطةكنت جايب بتاع هيونداي جديد ب35 وكهربائي ركبة بس لازم يكون بيفهم لانة بيركب علي فلاشر ولية لفة كدة

---

مهي دي الفكرة الي انا بلف وأدور عليها..........مش عايز اعدل في حاجة (العربية على أبوها)......فعلا هو بيتركب عادي جدا بماكينة فليشر ولمبة واحد بول عشان الفليشر يقدر يشتغل ويفصل ويوصل للزنان......بس الفكرة هنا و دة الجديد الي بحاول اعملة وان شاء الله حعملة .......... زنان البومة مش واصل في دايرة نور الصالون مباشر......... لا دة واصل على كمبيوتر العربية وعشان كدة فولتياتة لسة ماحسبتهاش قبل كدة , فتوصيلة حيبأى معقد شوية على ما اعتقد
بس ربنا يسهل على كل حال , الاقية بس الاول اساسا ويحلها ربنا بعد كدة
ومتشكر جدا لأهتمامك