اقتباس:
المشاركة الأصلية كتبت بواسطة maroguidehouse
و انا ماشيه بالعربيه من كام يوم على طريق مدينه السلام فجئه سمعت صوت صفاره مزعجه شبه صفاره بنسمعها لما لوري او اتوبيس بيفرمل و يكون بايظ من شده الصوت افتكرت عربيه من اللي على الطريق و بعد حوالي نصف دقيقه اختفت فتأكدت انها من لوري كان على الطريق و مخدتش بالي منه
امبارح كنت على محور 6 اكتوبر و فجئه اتككر نفس الصوت و شويه سكت و بعدها اتكرر تاني و سكت
مش عارفه ايه ده او حتى اروح لميكانيكي و لا عفشه ولا ايه
الصوت بيكون صفاره عاليه و مزعجه اوي اوي تخض اللي يسمعها
انا لسه مظبطه العفشه كلها و مغيره مقصات و طنابير و مظبطه زوايه و اتزان و كاوتش يعني كله تمام
ارجو المساعده للدروره
شكرآ
هل الصوت دا بيجى اما حضرتك بتضغطى على دواسه الفرامل
ولا بيجى فى اى وقت
لو بيجى اثناء الفرمله او مع التهدئه راجعى مع الميكانيكى لان احتمال يكون تيل الفرامل قرب على الانتهاء ويعمل الصوت دا مع الاحتكاك بالطنبوره ومجموعه الفرامل
لو بيجى فى اى وقت من الافضل وسريعا مراجعه الميكانيكى برضوا للكشف عن الجانب الذى يصدر منه الصوت بالكامل
( هل المساعد ام الشمعدان ام مجموعه الفرامل ام المقصات)
الواحد دماغوا بتروح لحاجات بعيده
وارجو بعد حل المشكله ان حضرتك تشرفينا بوضع الحل هنا لتعم الفائده للجميع
مع خالص التحيه