زحام غير عادي.. مع اني باخرج بدري أوي من البيت انما النهاردة حاساه زحمة عن كل يوم.. و اللي وصلوا الشغل بعدي بيقولوا ان الطرق برة زحام غير عادي و الشوارع واقفة بطريقة غريبة.
حد عنده فكرة ايه اللي حاصل في البلد النهاردة؟
عرض للطباعة
زحام غير عادي.. مع اني باخرج بدري أوي من البيت انما النهاردة حاساه زحمة عن كل يوم.. و اللي وصلوا الشغل بعدي بيقولوا ان الطرق برة زحام غير عادي و الشوارع واقفة بطريقة غريبة.
حد عنده فكرة ايه اللي حاصل في البلد النهاردة؟
حتلاقى واحد بيعاكس بنت عادل امام
الريس جاي أكتوبر
طريق اكتوبر زى الفل رايح جاى
مشتفتش اي حاجة غريبة هى الزحمة كانت فين بالضبط
كل يوم أزحم من اللي قبليه خلاص البلد هتنفجر .. ! هنروح فين بعد كده
ليهم حق الناس النضيفه تهج علي الصحرا وتدفع الملايين
كنت سمعت من واحد صاحبي قبل كده ان يوم الأريعاء من كل أسبوع يعتبر أزحم أيام في وسط الاسبوع....تسألوني ليه؟
أقللكم معرفش!
الريس رايح اكتوبر والدنيا مقلوبه
اختى فى جامعة 6 اكتوبر ..الباص بتاع الجامعه واخدها من الهرم الساعه 8
وصل 11 !!!!!
وتحيا مصر :)
مشاركة بدون محتوى
نأسف للحذف
مشرف القسم الاجتماعي
الريس رايح أكتوبر ........ يبقى مش هنعرف نروح النهاردة .... عليه العوض ومنه العوض
الريس في 6 أكتوبر
بيعمل ايه هناك؟
طبعا دا سر مقدرش اقولة
ياعم ماالريس يشترى ليه هليكوبتر قسط ويمشى بيها زى ما هو عايز اصل بجد العمليه مش ناقصه زحمه خالص
حسبى الله ونعم الوكيل
يعنى عشان بنى ادم هييجى يزور اكتوبر يوقفو حال البلد كللها فى كل حته
انا الساعه 9 رايح الشغل كانو قافلين كل المخارج من اكتوبر على المحور .
غريبة جداً
أنا مراتي شغلها فى التجمع و بتقولى أن الدائرى عليه عساكر كتيييير من اللى بيقفوا مديين ضهرهم للشارع :)
قلتلها يمكن الريس رايح أكاديمية الشرطة و لا حاجة
بس يكون رايح التجمع و أكتوبر فى نفس اليوم دا كتيييييييييير
واحد زميلى فى الشغل ساكن فى اكتوبر نزل من الساعه 9:00 الصبح و لسه واصل المهندسين من شويه
لأ يا جماعة البلد بقالها بتاع اسبوع كدا كل يوم زحمة فظيعة جدا جدا!!!!!
كل الايام حتى الاتنين و التلات و كله!!!!
اعتقد العرب وصلوا و زحمة الصيف بدات بدرى السنادى
مش انهاردة بس يا علا
امبارح و اول امبارح كانوا بشعين
اخدت جامعة الدول من اوله لأخره في نص ساعة و شوية !
و انا كملت علي طول .. اللي دخلوا البطل احمد كانوا لسة هيقفوا نص كمان عالاقل
و امبارح كان بشع
زحام غير عادي .. اخدت مطلع كوبري الزمالك .. المطلع بس في حوالي نص ساعة !
و حتي الشوارع الجانبية كانت زحمة .. و كله بيدور علي تخريمة يهرب بيها مش عارف .. لدرجة اني شفت اتوبيس نقل عام في شارع جانبي
انا كنت ناوي اعمل موضوع بس قلت يمكن انا اللي رحت اماكن زحمة
شكل البلد كلها كانت ضاربة
كان فيه نظام زمان ....
كان فيه عربيات اقل زمان ....
كان في زوق في السواقه زمان ....
كان في شوارع عدلة زمان ....
م الاخر ..............
كان فيه وخلص .....
عادي ماهوا دي العادي بتاع البلد