الموضوع: اول مره اشارك ...وان شاءالله مش الاخيره

ألف ألف ألف مبرووووووك يا فندم على السيارة الجميلة ديه ..

ما شاء الله رجالتنا فادو حضرتك على اكمل وجه ..

المشاركة الأصلية كتبت بواسطة manchestrawy

اهلا وسهلاً بيكي يا مدام وخير ما اخترتي من عربيآآت ..
بخصووص الفرش التفصيل افضل طبعا وعندك شركه جينز كآر عند الحاج احمدج مشعل
هيعملك شغل عــآآلي جداً وهيعجبك .. وممكن تشوفي بعض الصور لأعضاء عاملين عنده
والسنسور بتشتريه وتركبيه في التوكيل .. وسعره مش غالي يعني ..

وقبل ده كله متنسيش تشتري الاستيكر بتآع المنتدى عشان تستفيدي من الخصومآت
ونورتي القسمـ يا فندم

المشاركة الأصلية كتبت بواسطة peaceman

اولا ً الف الف مبروك لحضرتك العربية الجميلة صني و ربنا يديكي خيرها علي طول و علي فكرة اختيارك جرئ جدا جدا انك تركبي صني و فعلا بلاقي سيدات كتير معاهم صني و ده دليل انهم بيدوروا علي الكلاسيكية و الفخامة و العملية في نفس الوقت :018a1d~146:

1- بالنسبة للفرش :-

حضرتك اختارتي للعربية فرش بيج يبقي لازم تعملي فرش للعربية فورا عشان معاكي الطفلتين ربنا يخليهم لكي .. فيفضل تعملي فرش جلد للكراسي و كمان في نفس اليوم هتعملي فرش جلد برده لأرضية العربية عشان لو اي حاجه وقعت في العربية متبوظش الارضية و الكراسي و كمان هتريحي بالك من موضوع موكيت العربية ده و طبعا افضل واحد في القاهرة تعملي عنده الفرش اكيد هيبقي شركة جينزكار فرش رائع و كمان معاكي ضمان 4 سنين و ده رقمه 01099999753

2- بالنسبة لصيانة الالف و تركيب الباركنج سنسور و كمان بالمرة وحدات رفع زجاج :

رأيي الشخصي يوم ما تعملي صيانة الالف في التوكيل و انا برجح ليكي توكيل اوتوايجبت في ابورواش بس انا شايفك انك من بنها فأقرب توكيل ليكي هو مودرن فرع شبين الكوم ممكن تعملي فيه صيانة الافل و كمان بالمرة تركبي الباركنج سنسور لأنه فعلا مهم جدا جدا و هيريح دماغك في ركنات كتيرة و بالمرة تركبي وحدات رفع للزجاج عشان لما تسيبي العربية متنسيش اي زجاج مفتوح فبغلق العربية بالريموت هتلاقي كل زجاج العربية بيترفع تلقائيا ً

اتمني اكون افادتك و مبروك مرة تانيه

لو عايزة نصيحتي روحي للحج أحمد مشعل و قولي له أنا عايزة فرش مخمل مش جلد .. عشان الجلد بيولع العربية من جو .. و بيزود العرق بطريقة رهيبة .. ميزته الوحدة سهولة التنظيف فقط ..

لكن مخمل اللي هو القطيفة ممتاز في كل شيء لكن النظافة فيييييييييه صعبة لكن ليها حلول كتيييييرة ..

تقبلي تحياتي ..

ربنا يديكي خيرها و يبعد عنك شرها و يحرسك من كل عييييييين ..