| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 8 من 8

  1. #1

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي سلسلة سلوكيات القيادة الأمنة - الحلقة الرابعة (ضغط أطاراتك كام؟) - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    بتوع الكاوتش انتشروا بشكل مبالغ فيه
    بقي اي حد عنده محل متر * متر علي شارع رئيسي يفتحه بتاع كاوتش
    علي الأقل في فيصل يجي 50 محل كاوتش
    دة طبعا غير المحطات الي بتقدم نفس الخدمة

    اكتشفت ان منهم الي عنده ضمير - ودة طبعا قليل جدا
    ومنهم الي بيخرملك الفردة وهي اساسا سليمة

    وكلهم عندهم نفس المشكلة
    مقياسهم مش مظبوط
    علي الأقل بيزود فوق المقاس بحوالي 10 درجات
    يعني لو انت بتظبط 30 هتلاقيه 40 او 35 لو انت خارج ونيتك صافية

    اكتشفت دة لما كنت ازود العجل عند أأمن واحد فيهم (هو امين لأني جاره)
    وبعدها بيوم ولا اتنين وروح اظبط في موبيل on the run او عند ممدوح مبروك غطاطي
    الأتنين دوول اكتر اتنين مقياسهم مظبوط
    موبيل لأن عندها الجهاز
    غطاطي لأنه بيجيب مقياس نوعيه نظيفة وبيغيره كل اسبوع
    لكن طبعا محلات الكاوتش بتجيبه بتشغله 15 سنة لحد لما تقطع نفسه وبالتالي بيدي قياسات مش مظبوطة

    عشان كدة بسألك
    ضغط أطاراتك كام ؟؟

    دي كدة اول شق في الموضوع
    نيجي بقي لتاني شق وهو
    اهمية ضبط الأطارات

    كلمة بنسمعها كتير من السواقين
    "احنا ماشيين علي هوا"
    طبعا دي مقولة سليمة 100%
    احنا فعلا ماشيين علي هوا (او نيتروجين لو انت نزيه شويتين)

    كل مُصنع عربية بيكتب في الكتالوج ضغط الأطارات المناسب لعربيته
    وبيكتب العجلتين الي قدام ضغطهم كذا
    والي ورا ضغطهم كذا
    ودة طبعا من الأهمية بمكان
    ومش بس كدة
    دة بيكتبلك في حالة نص الحمولة Half Load
    وفي حالة الحمولة الكاملة Full Load

    ____________

    وضغط الأطارات بيأثر علي عدة اشياء منها علي سبيل المثال لا الحصر
    الأتزان
    الفرامل
    استهلاك البنزين
    تسارع العربية
    سلامة الأطارات نفسها

    انا يهمني في كل الي فات
    الفرامل - الأتزان والثبات

    فعلا ضغط الأطارات لو مش مظبوط بيأثر جدا في الفرامل (بجانب طبعا عوامل اخري زي سلامة الأطار ونقشته)
    ضغط الأطارات لو مش مظبوط بيأثر علي ثبات السيارة (بجانب بردو نفس العوامل الأخري زي سلامة الأطار ونقشته)

    __________

    طب ايه الي بيخلي الضغط مش مظبوط ؟؟؟
    انا هتكلم في حالة النقص وليس الزيادة
    لأن الزيادة دة قلما لو حدث ومالوش غير سبب واحد وهو سخونة الأطار الي بيكتسبها من سخونة الأسفلت
    لكن اسباب نقص الضغط للأطارات (طبعا بتكلم عن التيوبلس)
    - حالة الجنط الحديد او الألومنيوم
    اقصد حالة اطرافه - لأن التيوبلس بيعتمد علي ان الفردة ليها شفة كبيرة بتبات جوة حرف الجنط ولما يتملي بالهوا الحروف بتاعة الكاوتش بتقفل مع حرف الجنط
    فلو محكمة القفل مش هتسرب لكن لو في اي انعواج (حتي لو غير ملحوظ بالعين) دة هيأدي لتسريب الهوا

    - تاني حاجة البلف
    نوعية البلف بتفرق كتير في احتفاظه بالهوا
    كمان غطاء البلف - مهم جدا لأحتفاظ البلف بالهواء
    طبعا في نوعين من البلف - امريكاني ب 10 جنيه - صيني ب 5 جنيه

    - تالت حاجة المطبات
    كل ما كلت مطبات اكثر فرصتك في التسريب تكبر
    ويا سلام علي شوارع مصر الي بالأسم فقط متسفلتة - وفعليا هي اسوء من المدقات

    - رابع حاجة جودة لحام الأخرام القديمة
    اللحام اشكال والوان :
    خابور - الأسوء علي الأطلاق
    اللحام علي البارد - نوعا ما سئ بس مش اسوء من الخابور
    لحام مكواة - يعتبر احسنهم لحد دلوقتي

    - خامس حاجة حالة الأطار نفسه
    لو الأطار قديم وعاف عليه الزمن او زي مابيقولوا اكل عليه الدهر وشرب ومليان تشققات دة طبعا من احد اهم عوامل نقص الضغط

    - سادس حاجة العيال في الشارع او لو ركنت قدام بيت حد رخم
    ودي ربنا يهديهم ويصلح نفوسهم

    هتسمع بردو من العفشجي
    انه يقولك "ريح العجل شوية او اظبط علي 28 عشان العربية تريح معاك في المشي وماتدبش في المطبات"
    قوله كتر الف خيرك علي النصيحة الغالية دي
    وطبعا تعمل ودن من طين وودن من عجين

    _________

    طب نيجي بقي للمقاس
    في نوعين للمقاس
    مقاس بالبار Bar
    وفي نوع تاني وهو PSI ودة طبعا الغالب الي بنتكلم بيه

    الغريب انك تلاقي الواد ماسك مقاس بالبار وبيكلمك بمقياس الpsi وكأن دماغه calculator بتحسب كل 1 بار = كام psi
    ما علينا

    كتالوج العربية بيقول ايه (مش شرط الكتالوج - ممكن تلاقي القياسات علي غطا تانك البنزين او علي قايم احد الأبواب)
    الكتالوج بيقول ايه
    في حالة نص الحمولة
    لو مقاس العجل xxx/yy قدام يبقي الضغط xx وورا يبقي xx
    في حالة الحمولة الكاملة
    لو مقاس العجل xxx/yy قدام يبقي الضغط xx وورا يبقي xx
    وفي النهاية يكتبلك ملحوظة : انك يجب الرجوع للأرشادات باقصي ضغط مسموح بيه من قبل مُصنع العجل



    ______________

    طب كدة اعتقد احنا اتكلمنا في النقاط التالية
    - هتظبط ضغط اطاراتك فين
    - اهمية ضبط الأطارات
    - تأثير ضغط العجل
    - وحدات القياس والضغط المناسب المقترح في الكتالوج

    نيجي لأخر حاجة وهي

    Best Practice
    - انتقي المكان الي هتضبط عنده ضغط الأطارات وتأكد ان مقياسه مظبوط
    - راجع اقتراحات كتالوج العربية او الضغط المناسب من مُصنع الأطار نفسه في حالة نص الحمولة او الحمولة الكاملة
    - اوعي تلحم خوابير
    - اركن عربيتك مستوية وتأكد ان مفيش ولا عجل واقف علي زلطة او ماشابه
    - راجع ضغط الأطارات مرة كل اسبوع علي الأقل - مش وانت مسافر بس
    - اهتم عند شراء اطار جديد بتاريخ الأنتاج

    وفي النهاية
    ربنا يستر طريقي وطريقكم جميعا
    واحب اسألك - ضغط أطاراتك كام ؟؟؟ وعرفت منين ؟؟؟

    والله المستعان
    ،
    ،

    أقرأ ايضاً
    .
    بتسيب مسافة قد ايه بينك وبين الي قدامك ؟؟؟
    بتمسك الدريكسيون ازاي ؟؟؟

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  2. #2

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    hبو السيد يسعد صباحك
    موضوع في الجون كما تعودنا ما شاء الله

    حاجات بس هنوه عليها فعلا
    واحده من اهمية ضبط ضغط الاطارات هي تقليل نسبة استهلاك البنزين بحوالي 10% بحالهم!!
    الكاوتش اللش ضغطه اقل بيفرش ويزود الاحتكاك فيزود الاستهلاك
    الاعلى بيقلل الاحتكاك ويخليك تستخدم الفرامل كتير جدا وده يزود الاستهلاك

    تمام
    في بقا شوية نصايح لابد من ذكرها طالما الموضوع اتعمل واتفتح
    1- لابد من متابعة قياس الهوا في شوارع المحروسه عالاقل مره كل 10 ايام لتجنب التآكل الغير متعادل
    2-عند اخذ القراءات وتزويد الاطارات يراعى ان الفرده تكون بارده هتقولي وده هعمله ازاي اذا كنت هطلع بالعربية لبتاع الكاوتش مثلا هقولك الهوا بيتمدد والكاوتش السخن اصلا بيدي قرايه اكبر من الواقع فاما انك تروح لواحد قريب جدا لو توفر
    او تريح نفسك وتجيبلك منفاخ صيني ب 35 جنيه في التوفيقيه(هو هو اللي في عرض كارفور ب 60) بس كارفور مدي عليه ضمان سنه وده حاجه رائعه وطبعا تجيبلك معاه مقياس كاوتش والنظيف فيهم بيبقى ب 20 جنيه وفي حاجات بتبدأ من 7 جنيه وخترتاح من كل صنايعية الكاوتش التيت دول
    3-متعتمدش على مقياس الكاوتش عند محلات الكاوتش لانه مش دقيق وهما كمان مش فاهمين موضوع بي اس آي ولا بار وبيعملو مصايب ولكم ان تتخيلو ان ضغط عجلاتي 27 واقل واحد كان ماليهملي 35!!!

    4-النيتروجين اتقال عليه كلام واشعار
    تجربتي معاه مفيش ادنى فرق ولا حتى في حرارة الجنط ولا الكلام على انه مبينقصش والعك ده فعليا شوارع المحروسه تفسي اجدع كاوتش ان شالله تكون ماليه نيتروجين بأمير
    ههههههههههههههههه

    ربنا يستر طريقم وطريقنا وشكرا يا سيد على الموضوع القيم

    تحياتي

    don't judge a car unless you have driven it

    hm414 سابقا


  3. #3

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    بالنسبه لضغط اطاراتي فهو 27 قدام وورا صيفا وشتاءا
    مكتوبه في الكتالوج وعلى قايم السواق

    في عربيات بالمنناسبه بيبقى مكتوب في درج التابلوه بالتفصيل الممل ومنهم الاكسينت في الخليج شفتها كده
    وكتير على قايم باب السواق وكتير في غطا البنزين

    وبالمناسبه
    حاليا في اجهزة monitoring system ممكن تتركب لاي عربية
    هي 4 بلوف فيها حساس متصل بشاشه على التابلوه عن طريق البلوتوث وبتعملك متابعه دقيقه لل4 عجلات من حيث الهوا والحراره وده ممكن تشتريه
    موجود في مصر عند شركة البشمهندس محمد يسري بتاع تسليح الكاوتش ومعرفش بكام
    في السعوديه لو انا فاكر صح بيكلف شراؤه 300 ريال تقريبا 500 جنيه

    don't judge a car unless you have driven it

    hm414 سابقا


  4. #4

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    اقتباس المشاركة الأصلية كتبت بواسطة hm414 مشاهدة المشاركة
    hبو السيد يسعد صباحك
    موضوع في الجون كما تعودنا ما شاء الله

    حاجات بس هنوه عليها فعلا
    واحده من اهمية ضبط ضغط الاطارات هي تقليل نسبة استهلاك البنزين بحوالي 10% بحالهم!!
    الكاوتش اللش ضغطه اقل بيفرش ويزود الاحتكاك فيزود الاستهلاك
    الاعلى بيقلل الاحتكاك ويخليك تستخدم الفرامل كتير جدا وده يزود الاستهلاك

    تمام
    في بقا شوية نصايح لابد من ذكرها طالما الموضوع اتعمل واتفتح
    1- لابد من متابعة قياس الهوا في شوارع المحروسه عالاقل مره كل 10 ايام لتجنب التآكل الغير متعادل
    2-عند اخذ القراءات وتزويد الاطارات يراعى ان الفرده تكون بارده هتقولي وده هعمله ازاي اذا كنت هطلع بالعربية لبتاع الكاوتش مثلا هقولك الهوا بيتمدد والكاوتش السخن اصلا بيدي قرايه اكبر من الواقع فاما انك تروح لواحد قريب جدا لو توفر
    او تريح نفسك وتجيبلك منفاخ صيني ب 35 جنيه في التوفيقيه(هو هو اللي في عرض كارفور ب 60) بس كارفور مدي عليه ضمان سنه وده حاجه رائعه وطبعا تجيبلك معاه مقياس كاوتش والنظيف فيهم بيبقى ب 20 جنيه وفي حاجات بتبدأ من 7 جنيه وخترتاح من كل صنايعية الكاوتش التيت دول
    3-متعتمدش على مقياس الكاوتش عند محلات الكاوتش لانه مش دقيق وهما كمان مش فاهمين موضوع بي اس آي ولا بار وبيعملو مصايب ولكم ان تتخيلو ان ضغط عجلاتي 27 واقل واحد كان ماليهملي 35!!!

    4-النيتروجين اتقال عليه كلام واشعار
    تجربتي معاه مفيش ادنى فرق ولا حتى في حرارة الجنط ولا الكلام على انه مبينقصش والعك ده فعليا شوارع المحروسه تفسي اجدع كاوتش ان شالله تكون ماليه نيتروجين بأمير
    ههههههههههههههههه

    ربنا يستر طريقم وطريقنا وشكرا يا سيد على الموضوع القيم

    تحياتي
    شكرا علي الأضافة المتميزة للموضوع

    اقتباس المشاركة الأصلية كتبت بواسطة hm414 مشاهدة المشاركة
    بالنسبه لضغط اطاراتي فهو 27 قدام وورا صيفا وشتاءا
    مكتوبه في الكتالوج وعلى قايم السواق

    في عربيات بالمنناسبه بيبقى مكتوب في درج التابلوه بالتفصيل الممل ومنهم الاكسينت في الخليج شفتها كده
    وكتير على قايم باب السواق وكتير في غطا البنزين

    وبالمناسبه
    حاليا في اجهزة monitoring system ممكن تتركب لاي عربية
    هي 4 بلوف فيها حساس متصل بشاشه على التابلوه عن طريق البلوتوث وبتعملك متابعه دقيقه لل4 عجلات من حيث الهوا والحراره وده ممكن تشتريه
    موجود في مصر عند شركة البشمهندس محمد يسري بتاع تسليح الكاوتش ومعرفش بكام
    في السعوديه لو انا فاكر صح بيكلف شراؤه 300 ريال تقريبا 500 جنيه
    طب دة صفقة جميلة جدا
    شكرا علي المعلومات القيمة جدا دي
    الي اضافت للموضوع كتير

    شكرا دكتور حازم

    والله المستعان
    ،
    ،

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  5. #5

    الصورة الرمزية rotanamasoud

    رقم العضوية : 66795

    تاريخ التسجيل : 01Apr2010

    المشاركات : 2,720

    النوع : ذكر

    الاقامة : EGYPT-ALEX

    السيارة: LAST Tempra&CITROEN ZX

    السيارة[2]: Skoda favorit

    دراجة بخارية: لا

    الحالة : rotanamasoud غير متواجد حالياً

    افتراضي -

    فى حل حلو اوى تخلى اللى بينفخ ينفخلك على 40
    وتشترى مقياس ديجتال من راديو شاك اعتقد ب75 وتقوم ظابط العجل بايدك على المقاس المظبوط وطبعا الديجتال دقته رهيبه

    مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر


  6. #6

    الصورة الرمزية HRH_Sameh

    رقم العضوية : 2560

    تاريخ التسجيل : 11Oct2007

    المشاركات : 1,806

    النوع : ذكر

    الاقامة : Beni Suef

    السيارة: ---

    السيارة[2]: Şahin S 1.4 2004

    دراجة بخارية: No

    الحالة : HRH_Sameh غير متواجد حالياً

    افتراضي -

    موضوع متميز كالعادة ياباشا
    والحمد لله من كذا سنة شاري مقياس وبراجع الضغط واروح ازود لما ينقص واظبطه تاني لما أروّح والكاوتش يكون بِرِد

    السؤال بقى هل في علاقة بين مقاس الكاوتش وضغط الهوا؟

    يعني مثلا عندي في الشاهين المقاس الأصلي للكاوتش 165/80R13 والكتالوج قايل على الضغظ المناسب المهم آخر كاوتش غيّرت فيه المقاس لـ 185/70R13 وبظبط على نفس الضغط
    هل ده صح والا غلط؟

    فتح الشنطة بالريموت بطريقة دراماتيكية!:www.nilemotors.net/Nile/392122-a.html
    موسوعة الشاهين وأخواتها!:www.nilemotors.net/Nile/399252-a.html
    دليل المواصفات والصيانة للماروتي عربي:www.nilemotors.net/Nile/98669-800.html


  7. #7

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    اقتباس المشاركة الأصلية كتبت بواسطة rotanamasoud مشاهدة المشاركة
    فى حل حلو اوى تخلى اللى بينفخ ينفخلك على 40
    وتشترى مقياس ديجتال من راديو شاك اعتقد ب75 وتقوم ظابط العجل بايدك على المقاس المظبوط وطبعا الديجتال دقته رهيبه

    فعل الفكرة دي حلوة اوي
    بس حضرتك ممكن تعمل زي حازم وتجيب المنفاخ وتظبط انت بنفسك ضغط العجل بتاعك

    شكرا علي مرورك

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  8. #8

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة hrh_sameh مشاهدة المشاركة
    موضوع متميز كالعادة ياباشا :_alshmokh15[1]:
    والحمد لله من كذا سنة شاري مقياس وبراجع الضغط واروح ازود لما ينقص واظبطه تاني لما أروّح والكاوتش يكون بِرِد

    السؤال بقى هل في علاقة بين مقاس الكاوتش وضغط الهوا؟

    يعني مثلا عندي في الشاهين المقاس الأصلي للكاوتش 165/80r13 والكتالوج قايل على الضغظ المناسب المهم آخر كاوتش غيّرت فيه المقاس لـ 185/70r13 وبظبط على نفس الضغط
    هل ده صح والا غلط؟
    ربنا يخليك
    شكرا علي ذوق حضرتك

    طبعا في علاقة مهمة جدا
    بدليل العربيات النص نقل والعربيات الكبيرة مقاسهم مختلف عننا

    كل عربية كتالوجها بيقول علي المقاسات المسموح بيها
    سواء 13 او 14
    والمفترض يقولك كل مقاس ضغطه كام
    بس حضرتك الفرق مش كبير اوي الي انت مغيره - اعتقد ينفع تشتغل علي نفس الضغط الأصلي

    شكرا علي مرورك ومشاركة حضرتك

    والله المستعان
    ،
    ،

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك



 

المواضيع المتشابهه

  1. سلسلة سلوكيات القيادة الأمنة - الحلقة السادسة (القيادة الليلية)
    بواسطة SYD في المنتدى أخبار السيارات في مصر والعالم
    مشاركات: 7
    آخر مشاركة: 07-08-2015, 09:50 PM
  2. سلسلة سلوكيات القيادة الأمنة - الحلقة السادسة (القيادة الليلية)
    بواسطة SYD في المنتدى المنتــــــدى العـــــــــــام للسيــارات
    مشاركات: 27
    آخر مشاركة: 04-07-2012, 12:24 PM
  3. سلسلة سلوكيات القيادة الأمنة - الحلقة الخامسة (الأنشغال بغير الطريق)
    بواسطة SYD في المنتدى المنتــــــدى العـــــــــــام للسيــارات
    مشاركات: 9
    آخر مشاركة: 19-05-2012, 04:40 PM
  4. سلسلة سلوكيات القيادة - الحلقة الرابعة (استخدامات الكلاكس)
    بواسطة SYD في المنتدى المنتــــــدى العـــــــــــام للسيــارات
    مشاركات: 30
    آخر مشاركة: 01-08-2011, 02:13 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2