انذار جنوط سماعات ...هل من مساعد يا شباب ؟

**elmkaneeki** · 25-04-2012 10:04 AM

عاوز اظبط العربية
1-انذار محترم
2-جنوط 15 بنت ناس
3- الكاسيت عندى جى تى 500 عاوزله سماعات حلوة تركب فى الابواب
4-قاعدة موتور يمين عشان ماتت والعربية بترجرج فى الطلعة
5-الازاز الى قدام اتشرخ لوحده كدة ...محتاج تغيير
6- نفسى اعمل الفرامل الى ورا سكاكين
هل من مساعد ؟

**m7mda7md** · 25-04-2012 02:45 PM

شوف لو الابواب تشيل سماعات ‏16‏ سم ‏،‏ هات سوني كمبوننت جرررررري....s......تقريبا ب 370‏ جنيه.....السعر مش دقيق لأني مش متابع الاسعار كويس.....سماعه خياليه.....الحقيقه دي الحاجه الوحيده ال اقدر افيدك فيها ‏1621‎

**Ayman-Ahmed** · 26-04-2012 12:18 AM

الانذار انا مركب وولف وكويس وموفرلى كل ما احتاجه من انذار وحساسية السنسور ممتازة.

السماعات افادك فيها المايسترو..... :)

الجنوط بص على اشرفكو ليه محلين واحد فى الحى السادس-م.نصر وواحد فى المطرية ولو عاوز ماركات يبقى ارابكوم او حمادة غزى الاتنين م.نصر وسعر الجنط الماركة مش رخيص ابدا.ولو عاوز استيراد وماركات برده يبقى الحرفيين.

القاعدة اسال عليها فى التوكيل او عند ابراهيم البنا -التوفيقية.

الازاز من دكتور جريش لانه فى الاصل مورد لغبور.

بس ده اللى هقدر افيدك بيه وبالتوفيق بامر الله.

**Mohab555** · 26-04-2012 12:57 AM

المشاركة الأصلية كتبت بواسطة elmkaneeki

عاوز اظبط العربية
1-انذار محترم
2-جنوط 15 بنت ناس
3- الكاسيت عندى جى تى 500 عاوزله سماعات حلوة تركب فى الابواب
4-قاعدة موتور يمين عشان ماتت والعربية بترجرج فى الطلعة
5-الازاز الى قدام اتشرخ لوحده كدة ...محتاج تغيير
6- نفسى اعمل الفرامل الى ورا سكاكين
هل من مساعد ؟

بص يا سيدى :
-------
1- الانذار : عندك نوع من 2 سباى او ولف وانا مركب الولف فى عربيتى و ممتاز بمعنى الكلمة ومعاه ضمان كمان و علفكره فى ولف الريموت بتاعوا هو هو الاصلى الى بينزل مع الجيتز .

2-الجنوط من الاخر قدامك سكتين يااستيراد و ده لو نضيف اوى يعمل 1500 جنية ماركة محترمه
وده فى الحرفيين كتير .... او تجيب ماركه تايلندى نضيفه و معاها كاوتش محترم و برده هيبقا تمام جدا و مش غالى واسمك مركب جنط زيرو و برده بيعمل فى نفس السعر و احسن واحد عندوا الصراحة هو اشرافكو فى مدينة نصر و سمير بيومى فى الدقى

3- السماعات هات 2 كين وود حلوين و هيعملوا 300 جنية و هيبقوا تحقه ( صوت + بيز )
4
- قاعده الموتور بتتباع كورى و بتبقى ب 350 جنية و هتلاقيها فى وسط البلد و ممكن تكون عند البنا فى التوفيقية
5
- الازاز مش صعب هتلاقيه عند اى حد بتاع ازاز نضيف بس اهم حاجة هات دكتور جريش علشان هو انضف نوع
6
- موضوع الفرامل السكاكين ده انساه لانو صعب جدا لانك علشان تقلبها سكاكين لازم تجيب دونجل كامل بتاع ال الجيتز ال 1500 التربو ديزل وال 1400 الى بتنزل بره لانها هى الى بتنزل سكاكين و مش هتلاقى الدونجل ده خالص ,, لوعايز فراملك حلوه رجلش عجلك تمام و التيل غيره كل 20 الف ... هو الموضوع مكلف بس مفيش غير كده .

وياريت تشرفنا فى Getz Club
http://www.nilemotors.net/Nile/188967-getz-club.html

**Ayman-Ahmed** · 26-04-2012 09:34 AM

كله هيتبهدل طول ما فى على طرقنا عربيات نقل بتحدف زلط ورمل وطول ما فى عيال تيت بيحدفوا بعض بالطوب.ود.جريش بيصنع لمعظم التوكيلات.

**khaled_yassin** · 27-04-2012 11:38 AM

المشاركة الأصلية كتبت بواسطة elmkaneeki

عاوز اظبط العربية
1-انذار محترم
2-جنوط 15 بنت ناس
3- الكاسيت عندى جى تى 500 عاوزله سماعات حلوة تركب فى الابواب
4-قاعدة موتور يمين عشان ماتت والعربية بترجرج فى الطلعة
5-الازاز الى قدام اتشرخ لوحده كدة ...محتاج تغيير
6- نفسى اعمل الفرامل الى ورا سكاكين
هل من مساعد ؟

1- الانذار : ركب ولف من الوكيل بتاعوا اخر شارع جسر السويس وركي معاه وحدات رفع للازاز بيعمل تقريبا 500 جنيه
2- جنوط يا اما استيراد يا اما اشرفكوا مدينة نصر
3- سماعات قدام 16 ( الى راكبة 13) سماعات وارء هات بيونير او سونى او كينوود
ابعد عن البيونير ال500 صوتها زباله
4- قاعدة الماتور مش عارف بصراحة بس راى اطلع على التوكيل هتكون اغلى حاجة بسيطة بس اضمن حاجة
5- لو الشرخ بسيط اى حد بتاع ازا بيعمل الشرخ دة ب50 جنيه , لو عايز تغير اطلع على مصنع جريس فى العاشر من رمضان هيديلك سعر ارخص وتبقى جايب حاجة واثق منها
6- انسى يا مان

**samoreception** · 10-05-2012 04:51 PM

لو سمحت حد يعرف فرع 6 اكتوبر فين بالظبط عنوانه وهل يوجد قسم صيانه عندهم ولا لاء لانى عندى زجاج العربية الامامى السيلكون اللى فيه اتقطع وساعات بيدخلى ميه وعاوز حد يفك الزجاج الامامى ويركبه من جديد