حاجة مضيقاني جداااا في النترا 2009

**meshmesh_egypt** · 25-04-2012 07:21 PM

المشاركة الأصلية كتبت بواسطة dr_abooody

السلام عليكم

انا كنت شاري النترا مانيوال 2009 ال base ما فيهاش airbags ما فيهاش abs و لا esp المهم انا حاسس ان الفرامل مش بتوقف نهائي مش عشان وحشة لا بحس ان مع الفرملة الجامدة العربية بتزحف زحف السنين

مرة كنت ماشي و فجأة لقيت عربية قدامي و كانت المسافة كبيرة فضلت ازحف لحد ما خبط فية

انا مش عارف هل دة بسسبب ان العربية ما فيهاش abs و لا الهيونداي خفيفة

و هل ينفع اركب abs

المشكلة الثانية لما بكون مسافر و محمل الكنبة ورا و محمل الشنطة ورا جامد بحس ان مع اي شمال او يمين تحويد العربية ممكن تعوم منى

يعني بحس ان مركز الثقل بتاع العربية ورا بيخليها تعمل زي ديل السمكة كدة لما بتكون فاضية محدش راكب معايا بيكون الثبات احسن و التحكم اكبر

مع ان الزوايا تمام انا كنت كاشف عليها و الحمد لله العربية بتمشي مسطرة

هل دة ممكن يكون من الكاوتش انا عامل 42 الف في سنتين

الموضوع ده كان بيحصل معايا بالكاواتشات الفبريكه بعد ال 40 الف واول لما غيرت الكاوتش مبقاش فيه زحف خالص الحمد الله

**motoxp** · 25-04-2012 07:36 PM

كاوتش يا باشا كانت عندى فى فرد الكومهو ولما غيرت ل جود يير انتهت تماما المشكلة بتاعة الزحف

انصحك ب البردجستون او الميشيلان او الجوديير او اليوكوهاما او التويو

**cafe** · 25-04-2012 08:28 PM

انت بتتكلم عن عيب الهيونداي الي كل الناس عرفاة

**ahmedfd** · 25-04-2012 09:54 PM

تغيير الكاوتش ح يقلل المشكلة شوية لإن تماسك الكاوتش الجديد طبعاً أحسن لكن الحقيقة العربية دي فعلاً كانت محتاجة ABS لإن فراملها قوية بزيادة فبيحصل lock للعجل بسهولة من أي دوسة جامدة.
طبعاً قوة الفرامل دي مع ABS ميزة كبيرة لكن بدون ABS تحولت لعيب.

**hany63** · 26-04-2012 01:22 PM

المشاركة الأصلية كتبت بواسطة formulator

- تشيك على حالة التيول والديسكات، وزيت الباكم طبعا..
- راجع ضغوط الكاوتش، وحالته.. واعمل الـrotation فـ مواعيده.
- لازم تعمل engine-braking بالفتيس فـ مواقف الطوارىء، سواء مانيوال أو أوتو..
ده فـ أوقات كتيييييييييير ممكن يعديك من لبسة زى اللى لبستها..؟!!

لأ، مش لازم..
لو فرامل تمام: ضغوط الماسترز، مقاسات الديسكات وتناسبها مع الباور والوزن والـmaterial بتاعتها، معدل الـfriction بتاع التيل..
لو كل ده مضبوط.. والسواق بيعرف نقطة الـthreshold-braking، المفروض انها ماتزحفش.. بالعكس تقف فـ مسافة/زمن أقل..؟؟!!!

لكن للأسف؛ الألنترا معروفة بضعف فراملها،
ومعظم السواقين بيضرب full-brake فـ المواقف دى.. وبيقعد يتفرج عليها وهى بتزحف،
حتى مش بيكارج عـ الفرامل عشان يقدر يستخدم الدركسيون أو يقلل الزحف.

هو فـ أنظمة الـabs الجديدة (أو المتقدمة)، زى الـbosch 8.0/8.1..
المفروض ان لحظة الـwheel-lock (الزحفة).. لا بتتشاف ولا بتتحس، من سرعة رد فعل الـsystem..؟؟!!!

لأن الـabs بيقفل ويفتح (يمسك ويسيب) بمعدل 30 مرة فـ الثانية (كـ أقصى pulse-rate)..!!

لكن الفعلى اللى بيحصل (أكثر فـ الأنظمة القديمة/اللى مش متطورة أوى)؛ ان فـ بعض العربيات بتلاحظ زحف-متقطع كده..؟؟؟!!

أعتقد ده عشان السيستم مش بيشتغل بكامل القدرة بتاعته، (يعنى بيعمل pulse بسرعة قليلة).. تقدر عين واحساس الـhuman تلاحظها.
بالضبط زى الدواسة لما ترعش تحت رجلك (فـ الفرامل الـabs برضه)،

إنما الجديد؛ سرعة الـaction بتاع الـabs/ معدل الفتح والقفل سريع جدا.. اسرع من ان الـ1 يقدر يلاحظه..؟؟!!!
لا زحف ولا رعشة فـ الدواسة (موجودة بس مش هتلاحظها من سرعتها).. :copy of majd(4):

طب ايه رأيك في ان الباسات 2009 زحفت معايا اثناء ال abs ماكان فاتح

**aslah0923** · 26-04-2012 01:34 PM

المشاركة الأصلية كتبت بواسطة hany63

طب ايه رأيك في ان الباسات 2009 زحفت معايا اثناء ال abs ماكان فاتح

الباسات !!
كده الواحد هيبدأ يقتنع ان العيب مش من العربيات
والواضح ان الايه بس اس دا مش بشتغل فى مصر نظرا لحلاوة الطرق بتاعتنا بقا

**Formulator** · 26-04-2012 05:31 PM

المشاركة الأصلية كتبت بواسطة Kareem.ElAraby

لازم أشوفك بقي في مقابله هيونداي الجايه ان شاء الله :]

isA ياباشا،
بس أنا سمعت ان آخر مرة عربية T-JET جت فيها مقابلة هيونداى-نيسان، عملت الصح مع ناس كتييييييييييير أوى؟؟!!! ههههههههههههههه

و ممكن حل كمان ياخد هو من الفرامل أو يغير ل تيل ebc و ده ال4 الامامي و الخلفي ب800 جنيه !
يشوف حاله التيل و الكاوتش !

+111
فكرة جامدة أوى الـEBC GreenStuff دى،
وبعدين الـ4 أمامى وخلفى بـ800 جنيه بس؟؟ ماشاء الله
(داحنا الطقم الواحد بـ700 جنيه أو أكثر)..

والحقيقة هو الـFriction بتاعه عالى أوى، هيفرق كتير مع العربية.

المشاركة الأصلية كتبت بواسطة M.belal

هو الانجين بريك ف الاتوماتيك ازاى يعد ازنك يا باشا

عادى هتسقط نقلات Sequential تتابعى من D4 لـ3-2-1.. بس لازم تستنى بين كل Downshift والتانية لحد ما الـrpm تعلى وتنزل تانى،حفاظا على الموتور والجيربوكس..
يعنى ماتخليش الـrpm عالية وتسقط غيار، يبقى دخلت الموتور فـ الـRed-Line، أو الجيربوكس يجيب كلاتشات أو تروس-لا قدر الله.

فيه موضوع فـ السلسلة التعليمية (هتلاقيه فـ قسم الفيات، وفـ القسم التعليمى تقريبا)، بالفيديو التفصيلى والطريقة بالضبط..

المشاركة الأصلية كتبت بواسطة hany63

طب ايه رأيك في ان الباسات 2009 زحفت معايا اثناء ال abs ماكان فاتح

ماهو ممكن يا باشا،
بس كون انك تلاحظ أصلا ان الـABS كان فاتح (وزحفت).. يبقى فيه حاجة مش مضبوطة،
قد يكون كاوتش ضغطه مش مضبوط/ متآكل، تيل خلصان.. زيت باكم عايز يتغير، كاليبر معلق أو Pin عايز يتنظف...
أو كل ده تمام، بس السيستم ماشتغلش بالـMax Pulse-Rate عشان الـinput من دواسة الفرامل ماقرأهوش انه Emergency،
ممكن حساس سرعة العجلة خد قرائتين ورا بعض..
(بتحصل لما يكون الطريق مش مستوى فيه عالى وواطى نقر أو مطبات زى الـEye-Cuts كده)..؟؟!!!

وارد جدا انها تزحف، لكن ده مش الطبيعى..

**حماده المصري** · 27-04-2012 02:54 AM

الحل انك ترمي الكاوتش الكومهو ده في داهيه وتنزل تجيب كاوتش ميكنوش الا بردجستون ميشلان كونتننتال او اي ماركه تانيه اقل في الجوده بس محترمه زي مثلا دانلوب

كل الكاوتشات الي موجوده في السوق من كومهو هانكوك وكل الماركات دي تعتبر تعبانه ومساعده جدا على زحف السياره بالاضافه الى ان كومهو ده احسن الوحشين انما غير مساعد على الاداء خالص

نقطه تانيه مهمه الكومهو المفروض عمره 40 او 50 الف كيلو بالكتير ف انت خلاص المفروض ترمي انما لو كاوتش زي مثلا ميشلان او بردجستون هيقعد معاك اكتر من كده ممكن يقعد 80 الف زي الفل ودي ميزته وهو مش غالي على الفاضي برضو

في كام حاجه كده لازم نعرفها كلنا

اي عربيه فيها ناس كتير فراملها بتضعف وكمان التحكم فيها بيقل العربيه لما بتبقى فاضيه او اتنين قدام او اخرك اوي ثالتكم ورا الدنيا بتبقى زي الفل

حملت وبقى معاك ناس تغير اسلوب سواقتك تمام تهدى ولما تجري تجري بعقل والحاجات دي كلها وتعمل حساب الي قدامك والكلام ده كلوا خصوصا لو حمل كبير وشنط وسفر

الكاوتشات لازم يتعمل لها صليبه كل 10 الف كيلو ك معدل كيلوهات انمك ممكن يتعمل كل 8 او 12 على حسب سواقتك وصدقني اعمل زي ما موجود في الكتالوج وانت هتلاقي ان الثبات والتحكم بيفرق جامد

وعايز اقولك حاجه اكتر كاوتش مريح في العاااااالم للعفشه هو الميشلان طري فوق الخيال وعن تجربه كل الناس لا يعلى على ميشلان في الحفاظ على العفشه

**حماده المصري** · 27-04-2012 02:57 AM

لما كان معايا الالنترا كت جايبها يوزد فيها كاوتش ميشلان وكان تعبان اوي مش عايز اقولك انا كنت مسريح ازاي معاه

روحت اغير جبت ماركه اسمها ماكسس وسعرها زي الكومهو برضو 350 جنيه عايز اقولك مشوفتش اوحش من كده في حياتي تخيل تبقى رامي كاوتش تعبان وجايب كاوتش جديد ونفسك ترميه وترجع للتعبان

وغيرت بعديها بكام شهر الفرد الي قدام بكومهو عشان استريح وبرضو الكومهو كان افضل بس مش للدرجه بتاعه الميشلان