سؤال بخصوص زرار فصل الكهرباء

السلام عليكم ورحمة الله وبركاته
كنت عايز اركب في العربية (سبارك) زرار خفي يفصل كهرباء الموتور..شفته كتير وعجبني عشان السرقة .. انا مركب انذار بس قلت أأمن اكتر حتى من باب الاخذ بالاسباب لو حرامي عرف يفصل الانذار يلاقي العربية ما بتدورش
المهم
رحت للكهربائي قاللي سيبك من الزرار التقليدي لانه ممكن يبوظ علطول و يفصل الماتور وانت سايق..انا هركبلك قطعة على الانذار احسن, تشتغل على الكتاوت والعربية ما تدورش الا لو عملت (أنلوك) من الريموت حتى لو حد بوظ الانذار
قلتله خليه منفصل احسن عشان لو الانذار باظ خصوصا اني مركبه من كتير
فضل يقنعني وانا اقنعه وموصلناش لحاجة
عايز ءاراءكو لاني المفروض اروحله انهارده للتنفيذ
ملحوظة : القطعة اللي بيقول عليها بخمسين ج + 30 تركيب

ياباشا اعمل برضه الي بيقولك عليه الكهربائي واعمل برضه زرار فصل الكهرباء
هو كل الي بيعمله انه بيوصل سلكه لي اسبراتير العربيه بي زرار فصل كهرباء وكده
وهو ملهوس اي عطل خالص ولا انتا ماشي ولا هيا مركونه لو هو مش عايز يعملوهلك
في فكره تانيه افصل انتا الاسبراتير كل ما تركنها الحرامي لو اتشقلب مش هيعرف العيب منين
وهيشك ان العربيه مفيهاش بنزين

بص ياباشا انت افضل حاجه تعملها انك تركب زرار فصل الكهرباء عن طلمبة البنزين وبكده العربيه هتدور لمدة دقيقتين او 3 وتبطل علطول

اقتباس:

---

المشاركة الأصلية كتبت بواسطة mrghost

بص ياباشا انت افضل حاجه تعملها انك تركب زرار فصل الكهرباء عن طلمبة البنزين وبكده العربيه هتدور لمدة دقيقتين او 3 وتبطل علطول

---

هيه طرمبة البنزين عننا فى الشاهين كهرباء ؟
انا مرة فكيت فلتر البنزين والعربيه طبعا واقفه والكونتاكت مقفول
البنزين فضل يتدفق بدون توقف !!!!!

اللى بيقول عليه كتاوت فصل للانذار
باقى الكهربائية بيحذروا منه على عكس ما بيقوله
لان ده اللى ممكن يعطل وانت ماشى
تمنه 50 اعتقد كتير
اسال عند مكان تانى برده

متابع

انا مركبة عندى و رابطه على الانذار و هو مخفى عبارة عن كتاوت يفصل المارش و يفصل طرمبة البنزين و شغال مع الريموت فى الlock & unlock

بس انا كنت مركبه من 4 اشهر تقريباا كان ب40 جنيه بالمصنعية كمان

بارك الله فيكم جميعا
واشكركم على الافاده
وغالبا ان شاء الله هروح لحد تاني