يا تري ما هو تعليقك ؟

**Fouad Ezz** · 11-06-2008 10:08 AM

منقول من contactcars.com
نالت شركة "غبور أوتو" الوكيل الوحيد لسيارات "هيونداي" الكورية الجنوبية المركز الأول في استطلاع الرأي الخاص بأفضل وكيل سيارات في مصر والذي نشره contactcars.com على صفحته الرئيسية لنحو أسبوع.

وجاء غبور في المركز الأول بفارق واضح عن الشركة البافارية وكيل سيارات "BMW" الألمانية في الاستفتاء الذي صوت خلاله نحو 500 من زوار contactcars.com.

وجاءت شركة "منصور" الوكيل الوحيد لسيارات "أوبل وشيفروليه" في المركز الثالث بفارق ضئيل عن البافارية.

وحلت شركة وجيه أباظة وكيل سيارات "بيجو" الفرنسية في مصر في المركز الخامس والأخير كأفضل وكيل سيارات في مصر ، فيما قرر زوار contactcars.com أن هناك شركات وكالة أفضل من التي اختارها الموقع لوضعها في الاستفتاء.

يذكر أن سيارات هيونداي تصدرت قائمة أكثر سيارات الركاب مبيعاً في مصر عام 2006 ، حيث هيمنت على 27% من السوق.

**Fouad Ezz** · 12-06-2008 09:19 PM

طب إية ؟؟؟؟ هة ؟؟؟؟ إية؟؟؟؟ محدش عنده تعليق ولا إية؟؟؟؟
مين الناس اللي صوتوا وقالو انه أحسن توكيل؟؟
أمال الناس اللي هنا واللي بيقولوه عن التوكيل ده إيه؟؟؟ هه؟؟؟؟ إيه؟ مين اللي جاب القلعة جنب البحر؟

**mohamed ibiza** · 12-06-2008 09:21 PM

اكييييييييييييييييييييييي ييييييييييييييييييييييد الموضوع فيه كفته

**MOHAMED ABD EL SHAFY** · 21-08-2008 04:46 PM

احتمال يكون انعدل

**hazem_khidr** · 21-08-2008 09:02 PM

امال تويوتا و نصير فين لما يبقي غبور رقم واحد!!!!!!!!!!
اه رقم 1 مبيعات
لكن مش شرط يبقي رقم 1 خدمه

**tutankhamoun** · 21-08-2008 09:13 PM

غبور رقم 1 ........... ده بيثبت أن أحنا في مصر ( ج ع ع )

أنا أعتقد أن أفضل التوكيلات في مصر في خدمة ما بعد البيع هي
تويوتا و كيا و رينو و هوندا و سوباورا و منصور

و الأسوء
غبور و بيجو

المشاركة الأصلية كتبت بواسطة hazem_khidr

امال تويوتا و نصير فين لما يبقي غبور رقم واحد!!!!!!!!!!
اه رقم 1 مبيعات
لكن مش شرط يبقي رقم 1 خدمه

**momenhamdy** · 21-08-2008 09:15 PM

المشاركة الأصلية كتبت بواسطة hazem_khidr

امال تويوتا و نصير فين لما يبقي غبور رقم واحد!!!!!!!!!!
اه رقم 1 مبيعات
لكن مش شرط يبقي رقم 1 خدمه

انا مع رايك يا استاذ حازم ..... هو ممكن بكون مركز الاول مبيعات لكن مش مركز اول في الصيانة او مش مركز اول في تأفيل السيارات او مش مركز او في الخامات ( السنتر لوك التعبان الي بيحطوا في العربيات و كل الناس بتغبروا - مفتاح الماتريكس الي ساعات بيتفك من بعضه ) و ما شبه ذلك كان اعظم !!!

**limo** · 21-08-2008 09:19 PM

ورينو راحت فين ؟؟؟
غبور ناجح جدا فى تسويق عربياته وتقريبا واكل نصف السوق
مثلا لو جيت تفكر تشترى عربيه فى فئه البيكانتو والاتو والسبارك هتلافى الاى 10 والاتوس
عندك فى فئه الانوس والاسبرانزا هتلاقى الفرنا منافس شرس ليهم
لو جيت تفكر فى عربيه فى فئه الافيو والياريس والجين تو هتلاقى النيو اكسنت
فى شريحه السيرون والعربيات الهاتش باج الجامده هتلاقى الجتز
لو فكرت فى عربيه فان هتلافى اللوجان الاستيشن والتويوتا افارنزا والسوزوكى هتلاقى الماتركس
الانسر والصنى والسيراتو والاوبترا معاهم الانترا
فى شريحه الكورولا 2008 والانسر 2008 والسيفك هتلاقى السوناتا
لو فكرت فى جيب عندك التوسان
يعنى انتوا تلاحظوا ان اى واحد بيقارن بين كذا عربيه فى شريحه محدده لازم يدخل المقارنه عربيه هيونداى على الاقل
انا بعترف لشركه هيونداى ناجحه جدا فى تسويق عربياتها وكمان تلبيه رغبات كتير جدا من الشعب المصرى بكثره الموديلات الموجوده فى السوق لاكن الله اعلم بمستوى الخدمه الى بيقدمها بعد كده