الاخوة الاعزاء
خبراء الشئ المسمى xbox
تسمحولى بحكاية صغيره
الحكاية بدأت من ساعة ما شوفت اعلانات الكس بوكس مع الكينكت و احسست اننا فى كوكب الاحلام
المهم حتى لا اطيل عليكم
رزقنى الله بشراء اكس بوكس مع الكينكت 250 جيجا من دبى
و اشتريت معهم كام اسطوانه اصلى كلفونى تقريبا قد سعره
انا من الاول رافض حوارات الفك و اللعب فى الجهاز , علشان كده اشتريته مقفول و لا انوى فكه
----
المهم الالعاب مع الكينكت لها طعم
من حيث حركة الجسم و التفاعل
و لمتى انا و الاولاد و لعبنا سوا
بس دوام الحال من المحال
طبعا البهوات اطفالى بدأوا يزهقوا من الالعاب و عاوزين غيرها
انا مش ناوى اشترى العاب تانى بـ 400 جنيه اللعبه
قلت الحل انزل الالعاب الديمو بعد ما وجدتها على موقع xbox
بس طالع عين اللى جابونى مش عارف ادخل على خدمة اللايف خالص
طلب منى الميل
كتبت الميل @hotmail
و كتبت الباسورد
و برضه يرفض
عملت اكثر من 4 ايميلات جديده و كل مرة يرفضهم
مش عارف ادخل الى تلك الخدمه نهائى
يا ترى ازاى
و اذا لن تنفع تلك الحيله فماذا تقترحون
---
حوار انزل العاب لقيت نفسى تايه فيه لان اللعبه 8 جيجا و تتطلب اسطوانه بهذا الحجم و انا بعيد شويه عن القصه دى
هل ينفه انزل اللعبه على هارد الكمبيوتر و ابقى انقلها بفلاشه على هارد الاكس بوكس
و خاصه انى شارى الهارد 250 مش الـ 4 جيجا
مرة اخرى انا لا انوى حوار فك الجهاز و ما الى ذلك لانى ساكن فى السويس و اعتقد معظم من يفكوا الحاجات دى فى العتبه
ثانيا انا حركتى تقيله شويه و ما صدقت جبته و مش عاوز العب فيه
اشكركم مقدما على اسدائكم خدمة تسعدوا بها قلوب اطفالى
و انا معهم اكيد