انا راى انحنا لازم نحتل الخليج دة كلوا ويتحط تحت الحكم المصرى
عرض للطباعة
انا راى انحنا لازم نحتل الخليج دة كلوا ويتحط تحت الحكم المصرى
السلام عليكم و رحمة الله و بركاته
أيواااااااااااااااااااااا ا.
تقوم أميركا محرراهم من الاحتلال المصرى و جايه هيا محتلانا احنا و اسرائيل تقف بعيد تسقف و تقول كمان .
أما بالنسبة للأخوة اللى بيسافروا السعودية و لا الخليج عموما, مانقدرش نقالهم الا أن ربنا يعينهم و يوسع عليهم و يرزقهم من أوسع الأبواب, لأن هما كانوا لاقوا حاجة فى مصر و سابوها و سافروا ؟؟؟!!!!!
ربنا ييسر الأحوال فى المستقبل و الدنيا تتظبط فى مصر و مانحتاجش للأشكال الغلط دى تانى, بلا قرف.
موضوع جميل ، وفعلاً الكلام ده حقيقي جداً وواقعي مع اختلاف الارقام. لان الحقيقة بتبقى اقسى وامر من كده ، ومع الاسف ان شباب كتير كل همو السفر وخلاص ... عندنا في الشغل انسان غريب عجيب كل ما يشوف عندنا عميل اجنبي تبص تلاقيه يتمحلسلو وتحت امرك ياباشا ومش عارف ايه ياباشا وكل ده علشان يسفرو على بره .
لدرجة ان اخر مرة. مسكتو غسلتو ، وقلتلوا مصر فيها ٨٠ مليون لو كل اجنبي شافو واحد مصري وقلوا سفرني ساعتها يبقى الاجانب والراس المال الاجنبي هيطفش من بلدنا مترخصش نفسك كده. وتبقى زي الكلب ذليل في بلدك علشان. يسفرك ، واكيد وعدك وقلك هاتلي ورقك وشوية كلام فاضي ، انا بستغرب فعلاً المصريين وبالذات الشباب منهم الي عوزين يرمو نفسهم انشالله حتى في مركب المهم انو يهج من البلد لدرجة واحد من الشركة عندنا حط نفسو في كونتينر مع شوية مصرين ودفع الاخ ٣٠.٠٠٠ جنية وفي النهاية لقى نفسو هو الي معاه مرمين وسط التلج في رومانيا الي بالتالي مفهاش فرصة عمل بسبب. الوضع الاقتصادي العالمي
البطالة مش بس عندنا في مصر والازمة الاقتصادية مش بس عندنا في مصر لا دي مسمعه في العالم كلوو ، والي فاكر ان السعودية جنة الله في ارضة يبقى غلطان ، والي فاكر ان السعودية دي سفينة نوح كمان يبقى غلطان ، واسعار المعيشة الي ذكرها صاحب الموضوع دي اسعار قديمة. لان كل حاجة غليت هناك. واقل شقة هتلاقيها ب ١٦٠٠٠ ريال في السنة في حين انهم بيدولك ١٠.٠٠٠ ريال بدل سكن واتصرف انتا عيش احلى مافي اللحظه واصحب حاجة هناك انك تلاقي سكن عزاب او حد ياجر لعازب ، مشكلت كتير من الناس فاكرين ان السعودية زي مصر ويروح على اساس يالله بالصله على النبي. وهتفرج ويامسهل وهتصرف هناك مفيش حاجة اسمها هتصرف وقضينا زي ما بتقضيها في مصر علشان كده كتير. من الي بيسافرو ا بيتخزوقوا اجمل خازوق ويرجعو يغنو ظلموه بالذات الي رايح فهلوة وعايش حياتو فهلوة في مصر يسافر ويضرب على قفاه ويرجع تاني. ماعدى طبعاً الناس المحترمة الي بتسافر على اساس ودايماً بيحب يكون في المضمون وتلاقي دايماً توفيق رب العالمين معاه .... وتحياتي
يا جدعان انتم عارفين الطبيب العام الى على 6000 ده مرتب توتال و يعتبر افضل مرتب لطبيب عام هناك لازم يكون قضى سنتين بعد التخرج على الاقل يعنى واحد على الاقل عنده 27 سنه
ولو اخصائى يعنى خلص ماجتسير وبعدها سنتين خبره يعنى بتتكلم فى 31 او 32 سنه
مرتبات السعوديه اسوأ مرتبات للاطباء الكويت اعلى مرتبات بس طبعا مستوى المعيشه اعلى
بس موضوع المرتبات بشكل عام بيختلف من شخص لاخر وعلى حسب يعنى انا اعرف واحد شغال فى مبيعات خطوط المحمول كان مسافر على 18 الف ريال غير العمولات
وبرضه زى ما انتم قلتم قبول المصريين للمرتبات التعبانه هو السبب فى الى احنا فيه
ربنا يباركلكم انا استفدت من الموضوع دة اوى