أروح مكتب مصر للطيران اللي في عمارات أغا خان علي الكورنيش ازاي ؟

**liquidator** · 11-06-2008 06:34 PM

متشكرين يا ميس علا و ربنا يكرمك و يبارك فيكي يا رب .. شكرا للتنبيه .

**MoToRiZeR** · 11-06-2008 06:37 PM

العفو علي ايه
و لو هتروح من الطريق ده .. خلي بالك علي نزلة الكيت كات فيه مطب في نص النزلة (لا افهم ما الحكمة منه) و ناس كتير مبتاخدش بالها منه و العربية بتتهبد .. ابقي هدي فيها

بالمناسبة يا جماعة انا عايز اعرف ازاي اطلع من كوبري اكتوبر علي كوبري 15 مايو؟! اصل كتير ببقي في صلاح سالم و ابقي عايز اروح 6 اكتوبر و بكسل اكتشف الوصلة عشان متوهش و بنزل اطلع المحور او الدائري عن طريق نزلة الكيت كات و منها الي طلعة نادي الزمالك

**liquidator** · 11-06-2008 06:45 PM

أفتكر ان وصلة 15 مايو هي اللي بعد نزلة لكيت كات علي طول .. علي ما أعتقد ... و هناك الكوبري بيبقي واسع و أظن بعد كده أول نزله هي نزلة ميدان الشهيد عبد المنعم رياض ... يعني الوصله هي اللي قبل النزله دي علي طول ..
و الله أعلم

**theking2690** · 11-06-2008 07:18 PM

يا باشا انت كده تبقى جنب البيت عندى لو فى اى خدمه انا موجود و اهو الواحد يرد شويه ن جمايلك عليه

**liquidator** · 11-06-2008 07:46 PM

المشاركة الأصلية كتبت بواسطة theking2690

يا باشا انت كده تبقى جنب البيت عندى لو فى اى خدمه انا موجود و اهو الواحد يرد شويه ن جمايلك عليه

ليه بس كده يا عم مصطفي جمايل ايه بس ... أنا معملتش حاجه يعني ..
و بجد أنا مبسوط اني اتعرفت علي شخصية جميله زيك يا مصطفي .. و كتر ألف خيرك و ربنا يديم المحبه يا رب ..

**أبوسيف** · 11-06-2008 08:43 PM

المشاركة الأصلية كتبت بواسطة MoToRiZeR

العفو علي ايه
و لو هتروح من الطريق ده .. خلي بالك علي نزلة الكيت كات فيه مطب في نص النزلة (لا افهم ما الحكمة منه) و ناس كتير مبتاخدش بالها منه و العربية بتتهبد .. ابقي هدي فيها

بالمناسبة يا جماعة انا عايز اعرف ازاي اطلع من كوبري اكتوبر علي كوبري 15 مايو؟! اصل كتير ببقي في صلاح سالم و ابقي عايز اروح 6 اكتوبر و بكسل اكتشف الوصلة عشان متوهش و بنزل اطلع المحور او الدائري عن طريق نزلة الكيت كات و منها الي طلعة نادي الزمالك

وانت جاى من رمسيس فى إتجاه التحرير فى داخلة يمين قبل نازلة التحرير على طول ، دى اللى بتطلعك على كوبرى 15 مايو ومنه على المحور.