السلام عليكم
اولا احب اشكر كل القائمين على المنتدى وبخاصة الأخوة الأعضاء لاني استفدت من تجاربهم وأرئهم الكتير
ثانيا أنا توكلت على الله ونويت اشتري الالنترا 2012 فولي لودد بنظام الاقساط
* البنك اللي اتعاملت معاه كريدي اجريكول بمقدم 40% ونسبة ارباح 10%
*الموزع اللي اشتريت عن طريقة الشركة المصرية للسيارات بمقدم حجز 1000ج
* التأمين (مصر للتأمين )إجباري طبعاً ونسبة 3.75% بدون نسبة تحمل
اللي حصل كالأتي انا قدمت اوراقي يوم الأحد 22\4 عند موظف المصرية خد مني 1000ج حجز وهو اللي خاطب البنك وبناء علية البنك كلمني وبعتولي موظف الاستعلام ثاني يوم والرد بالموافقة جالي امبارح 24\4 كلمت موظف المصرية قالي كده تمام بس الفولي لودد مش موجوده عندنا حاليا هنستنى لأول شهر 5 لما نستلم حصتنا من الوكيل وهنجيبهالك طبعا اول 5 يعني هيروح عليا الخصم 3000ج كلمني تاني وعرض عليا الخليجي فولي لودد بس تزيد في السعر 2000ج لكن انا خفت من الخليجي عشان خارج الضمان.
ملاحظــــــــــــــــــــ ة .....
الى الأن لم اوقع على اي ورق او مستندات مع المصرية او حتى مع البنك.
سؤالي لكم
هل الخطوات دي كويسه ولا كان في طريقة افضل اشتري بيها ؟
متخوف جدا من جودة سيارات المصرية وحصل عندي عدم ثقة فيهم بعد قراءة مواضيع هنا..
هل بنك اجريكول وشركة مصر للتأمين كويسين ولا لاء؟
واخيرا
اتمنى اسمع ارئكم ونصائحكم
اشكر كل من سيرد على موضوعي مقدما
ممنوع الكتابه باللون الاحمر
مشرف عام 1
المفضلات