نفسي في حته American Muscle

**Screenplays** · 26-04-2012 02:03 PM

انا بسأل هل ينفع الواحد يستورد حته امريكان مصل من امريكا و ينزلها مصر ؟ انا بجد نفسي في حته منها و في ناس صحابي كتير نفسهم و مستعدين يخلصوا بس نعرف الليله ماشيه ازاي الاول

**LACOSTE** · 26-04-2012 02:24 PM

أنا من عشاق الـ Muscle Cars
ونفسي كمان في حته منهم بجد هموت عليها :|
في واحد جاري بيجيب عربيات كلاسيك قديمه زي كده هبقي أشوف كده و أسئله يمكن يصدف معاه حاجه زي كده تبقي عداااااااااااااله
و خالي كمان في الأمارات هسأله لو ينفع ننزل حته

**AhMeD MeTwAlY** · 26-04-2012 02:28 PM

انا هموت في واحده يا جدعان هي الناس دي بتعاملنا كدا ليه؟
مفيش حاجه وغير معقدنها في وشنا

**MBhead** · 26-04-2012 03:15 PM

استيراد العربيات ممنوع دي القانون لا جدال في ذلك انا فاكر كان في موضوع قبل كده علي نفس العربيات و وصولنا لنفس النتيجة الملخص حضرتكم قدامكم تشتروا من مصر او تجيبوا عربيات نصين و تلحمهم و تشتفوا حد يضرب ورق
العربيات اللي حضرتكم بتحطو صورهم عددهم في مصر معروف سعر ارخص واحده فيهم 100 الف فاعلي الكاماور ال68 و الموساتنج 289 و Fast back الcharger و الباراكودا الخ الخ
اللي متوفر الي حد ما الكامارو الشكل من 74 ل 82 و الشكل من 82 ل 92 ف اجدد موجوده
الشكي من ال70 ل 73 انسي غالي جدا .ال74 موجود ممكن ب 20 الف تجيب واحده كهنة و تتشد علما بان قطع الغيار الميكانيكا و العفشة موجوه اما الباقي من فوانيس و رفايع و صالون و كل دا من برا مصر سواء من امريكا سواء من الكويت سواء من اي مكان في جمارك و شحن علي القطع دا بيعلي السعر لاضعاف
ممكن تشتري واحد نضيفة سعرها مثلا من 30 ل 60 70 علي حسب الحالة و الموديل
في ملحوظة العربيات دي كلها مصاريفها عالية و غير مناسبة للاستخدام اليومي اقتنائها هواية و هواية مكلفة الي حد ما لكن لها عشاقها بالطبع

**LACOSTE** · 26-04-2012 04:03 PM

MBhead

كلامك مظبوط بس حكاية نصين دي انا سمعت دلوقتي انهم بدأو ينزلوا الأجهزه اللي بتكشف علي ملف الرخصه
و تشوف لو موجود ليها ملف فعلا ً في المرور ولا رخصه صوريه كده

بس ياريت تقوللنا موجوده فين ب 20 و 30 دي ؟؟!!!

**aly_hosny** · 26-04-2012 04:10 PM

من فترة الجمارك اعلنت انها هتفتح فترة تسمح فيها باستيراد السيارات المستعملة "يعني متكنش المالك الاول" او ال تم شراءها بعد سنة الصنع ليها مقابل وديعة في البنك ب 10000 دولار تفضل 3 شهور و بعدين يتم خصم منها قيمة الجمارك و ترد باقي قيمة الوديعة
و لو الجمارك اكتر من الوديعة بتكملها و انت بتستلم العربية من الجمرك

**hossam_elwani** · 26-04-2012 04:53 PM

المشاركة الأصلية كتبت بواسطة m.elwan

شوف الفيديو ده
واحد بره لقى كونتينر فى خرابه فتحه لقى فيه كامارو z28 1985 زيرووووووووووووووووو

1985 iroc z28 brand new - youtube

صدفه نادره جدااا موديل قديم وزيرووووووووووو

حظو تمام......

على فكره دى ممكن تتباع اغلى من الموديل الحديث بضعف او تنين كمان

**Mohab.Nabil** · 27-04-2012 12:25 AM

المشاركة الأصلية كتبت بواسطة aly_hosny

من فترة الجمارك اعلنت انها هتفتح فترة تسمح فيها باستيراد السيارات المستعملة "يعني متكنش المالك الاول" او ال تم شراءها بعد سنة الصنع ليها مقابل وديعة في البنك ب 10000 دولار تفضل 3 شهور و بعدين يتم خصم منها قيمة الجمارك و ترد باقي قيمة الوديعة
و لو الجمارك اكتر من الوديعة بتكملها و انت بتستلم العربية من الجمرك

الكلام دا من مصدر اكيد ؟ و لو هيتم فعلا هيتم امتى ؟

دا خبر زى الفل لو حصل