صيانة اللانوس بعد رفع سنة
السلام عليكم
العربية عندي لانوس 2008 دلوقتي كملت 3 سنين ونص
العربية عاملة 25 الف كم ومن ساعة ما اشتريتها مغيرتش حاجة غير فلتر هواء وبنزين وزيت وفلتر زيت وبوجيهات وده من سنة واتحركت بيهم شهر بس لما كنت اجازة...يعني الحاجات دي استهلاك شهر بس وسواقة تقريبا 3 الاف كم
العربية مرفوعة بقالها سنة دلوقت ووالدي بيدورها مثلا كل اسبوعين مرة
دلوقتي عايز انزلها واتحرك بيها...ايه الصيانة المطلوبة
أغير سير كاتينة وتكييف ومياه ردياتير ولا أكبر دماغي وأخلي الأصلي لانه لسه ممشيش حاجة
أغير الزيت كمان ولا مش مهم وخاصةانه عمل تقريبا اقل من 3 الاف كم بس وهو زيت تخليقي ولا لسه يمشي شوية
مع العلم اني نازل أجازة شهر بس وبعد كده هتترفع تاني إن شاء الله وكأني معملتش صيانة ودفعت فلوس في الهوا
وعايز أبقي أشوفكم كلكم في مقابلات الدايو الجامدة...أنا لسه شايف موضوع مقابلة النهاردة بس خير تتعوض في مقابلة شهر 5 إن شاء الله
شكرا يا وحوش