السلام عليكم
كنت ناوى اركب جنوط 16 لكن مش لاقى جدول مقاسات الكاوتش على العربية
لا فى قايم الباب و لا فى الشنطة ولا جنب الشاسيه
ممكن حد يدلنى علي مكانه لو يعرف و شكرا
عرض للطباعة
السلام عليكم
كنت ناوى اركب جنوط 16 لكن مش لاقى جدول مقاسات الكاوتش على العربية
لا فى قايم الباب و لا فى الشنطة ولا جنب الشاسيه
ممكن حد يدلنى علي مكانه لو يعرف و شكرا
عندك مقاسين بالنسبة للجنط ا ل16
والاتنين يركبو بدون اي مشاكل
205/50/16
195/50/16
كل مقاس ليه مميزة وعيب عن المقاس التاني
المقاس ال 205 ميزته انه الكاوتش اعرض بالتالي هيديلك ثبات نوعا ما اكتر من المقاس ال 195
بس في نفس الوقت شكل الجنط عليه مش حلو اوي كذلك ممكن يقلل من سحب العربية نوعا ما << ده من كلام واحد معاه ياريس ومركب المقاس ده وقالي الجنط قللي سحب العربية شوية
المقاس 195 ده انا مركبه عندي وبصراحة من وجهة نظري شايف انه احسن مقاس جنط 16 للياريس
اولا بيدي للجنط شكل رائع واحلى من ال 205 لان ارتفاع الكاوتش في المقاس ال 195 اقل بالتالي الجنط بيبان اكبر
كذلك مش بياثر نهائي على تسارع العربية وبيحسنلك الثبات والهاندلنج بتاع العربية بشكل ملحوظ
ولو فيها تعب وبعد اذن صاحب الموضوع بالنسبه لمقاسات الكورلا2004 انا عندي جنط اسبور 185/60/14
وكنت عايز اغير ل15 اة 16 يبقي ايه المقاسات المظبوطه
هو بس شهادة احب اقولها واحاسب عليها ليوم الدين زي عمر سليمان ، في ياشباب في الحرفين عند المحمدي او العالمية هناك كزا واحد بيبيع جنوط بتاعت الفبريكة. الاصلية بتاعت العربية الطقم ب ٢٢٠٠ جنية وفي كورولا كمان. بس الكورولا انصح تركبلها. بتاع الشكل الجديد ٢٠١٢. بتبقى فاجرة عليها.
اه ياباشا ينفع ، لولا اني على الاي باد كنت جبتلك صورتو واد. خليجي مركبو على الكورولا القديمة بتاعتكم وشايل علامت التويوتا وحاطط علامت ليكزيس مع شوية لمسات والجنط طالع فاجر على العربية
وموجود ياغالي الجديد تمنو غالي جداً بس احنا ممكن نجبلك حاجة نظيفة استيراد بس انوي انتا بس وانا هخدك لدهاليز مصر والمحلات المخصوصة باللعب في الكورولا صدقني اللعب في الكورولا كتير جداً وكل جنيه بتصرفو عليها بيفرق معاها وبيغير من شكلها كلياً ويديها لمست فخامة وروشنة
فعلا انا 4 مسمار بس يا ميدو ...
وما العمل ....
اه يافندم. عارف الحرفيين. روح هناك واسئل عن العالمية او عند المحمدية هتلاقي انشاء الله جنط لليارس الاصلي استيراد بالنسبة. لحتت الاربعة مسمار او خمسة مسمار في بتاعة بتركب كده على الطنبورة اسمها محول. بيحولك العربية من اربعة مسمار لخمسة لو تمنيه مسمار
:friends::friends:
:Ta_clap[1]::Ta_clap[1]:
مش مشكلة اشتريه انا وخلاص
ههههههههه
انتا يا احمد لو تسيبلي نفسك وتسيبلي عربيتك دي خالص. اه والله والله لاخليهالك لكزيس بسم الله مشاء الله واخليك مصر تحلف بيها ، عارف انا كل ما اقول هروح اجنط اقول بلاش يا وله علشان العين اقول طيب اركب الكاسيت ابو شاشة اقول بلاش ياولة علشان الحرمية اقول طيب اركب الفوانيس الليدات. الي عامل انا عنها موضوع هنا في القسم اقول بلاش هتبقى ملفته للانتباه اكتر للعصابات الي بتثبت على الطريق حتى نفسي اروح اركبلها حتت فرش نظيف من عند جينز كار وبقول بلاش خلاص خليها كده وخلاص ماهي شغاله حتى عاجبني حتت دين جنط. شوفتو انا وسونة ( حسين منسق نيسان ) جنط مراية نجمة على عربيتي هيطلع فاجر قلت بلاش كده هتبقى العربية مميزة ويمكن احب اقف شوية اعاكس ولا حاجة حد يشوفني ويروح يقول لمراتي تبقى وقعتي سودة ومهببه بنيلة على الاقل وهيا بالطاسات اقدر انكر واقولها هو انا الوحيد الي عندي يارس في مصر ماهو كل مصر عندهم يارس نفس لون عربيتي اروح ابيعها يعني علشان ترتاحي وعلشان تقتنعي ان لايمكن ابص كده ولا كده
فنصيحة ان كنت عازب ضبط عربيتك براحتك يامعلم تزبيط العربية هو الي هيجبلك العروسة بس لو كنت متجوز ياولداه اووووعه والف اووعه تشتري عربية مميزة او لونها مميز علشان تقدر تعاكس براحتك خليك دايماً في المضمون والمنتشر علشان تقدر تنتشر براحتك يامعلم ههههههههههه وتحياتي
ههههههههههههههههههههههههه ههه
نورت يا ميدو تاني بقالي يوم وكام ساعة كده انت مش عجبني
حاسس انك موجود ومش موجود حسيت بالوحدة يا اخي والله
لازم تخش كده وتقول كلامك العسل ده علشان القسم بالليل بيبقي نايم:36_1_8[1]:
وانت عارف اني بتخنق باخد لفه عند الناس وانت عارف اني بحب الاستقرار ههههههههه
فأسهر معايا بقي بدل ما اطيرر :7_6_5v[1]:
حبيبي يابوحميد وانا اقدر ياباشا ما اسهرش معاك واللهِ طول ما انا في الشغل النهارده بالي مشغول وبقول ياترى القسم هنا اخبارو ايه ياترى عاملين ايه من غيري ياترى احمد بيقرى موضوع ايه دلوقتي ههههههه. حبيبي يا بوحميد