ضروري استفسار بخصوص البومه

**Mar80** · 26-04-2012 02:31 PM

من فضلكوا يا جماعه انا قررت ان شاء الله اشتري لانسر اتوماتيك 2006-2007 انا مش عارفة الفرق ايه بين الكلاسيك و الهاف سبورت و الاكشن و محتارة بين 1300 و 1600 اهم حاجة تكون موفرة في البنزين بالنسبه للسفر هو نادر يعنى كل التحركات داخل البلد
و سعر ها يكون كام لو حالتها نضيفه

**civilpharaoh** · 26-04-2012 04:50 PM

لو عايزة توفير في البنزين يبقي ال1300 او 1600 بس المانيوال بس بلاش ال1300 الاوتوماتيك لان سحب العربية ضعيف ولو التكيف شغال هتبقي ضعيفة اكتر.اعتقد سعر ال1600 موديل 2006 ممكن في حدود 70000 لو حالتها كويسة.بالنسبة للفرق بينهم ممكن تدخلي علي موقع شركة ميتسوبيشي او في مواضيع هنا في قسم ميتسوبيشي مشروح فيها الفرق باستفاضة

**mody1221** · 26-04-2012 06:04 PM

بالنسبة لتوفير البنزين فحضرتك تدورى على المانيوال لان الاوتوماتيك بتاكل بنزين شويتين
وبالنسبة للفروق بين الكلاسيك بتبقى بدون فتحة سقف او اسبويلر او فرش داخلى والهاف سبور بيبقى فيها عتب واكر نيكل وجنط والسوبر اكشن كاملة فتحة سقف 2 ايرباج فوانيس مدخنة كساحات
ويستحسن تشترى 2007 (الاكصدام البارز)والسعر لو مانيوال حتكون ف حدود 70 لو اوتوماتيك نضيفة ممكن توصل 80 ... تحياتى

**mkhayiat** · 27-04-2012 03:41 AM

مع احترامى لأراء الجميع وعن تجربه شخصيه مع اختى...عندها 1300 اتوماتيك 2008 ...أولا معلش حضرتك لازم تركبى اوتوماتيك.....الحياه مختلفه تماما واسهل كتييييير جدا وامتع........بالنسبه لل1300 زى الاخوه ما قالو ضعيفه جدا وخاصه مع الاوتوماتيك وخاصه مع تشغيل التكيف......يبقى حضرتك الاحسن انك تجيبى 1600 اوتوماتيك وعلى فكره الفرق فى البنزين مش هيبقى زى ما احنا متخيلين لان برضه سواقه السيدات غير الرجاله شويه يعنى مفيهاش قرص وحرق وحاجات من دى ....ومتنسيش انك هتجيبى عربيه مستعمله يعنى اكيد الموتور هيبقى مش فى قوة الزيرو ....يبقى نخلينا احسن مع ال1600 عشان خاطر التكيف حتى والدنيا بقت حر موووت.....وربنا يوفق حضرتك للخير

**Mar80** · 27-04-2012 11:52 AM

متشكرة جدا على ردكم عليا انا بفضل الاتوماتيك علشان الزحمه ومن ارائكم انا شايفه انه الكل بيقول 1600 يبقى هتوكل على الله في ال1600

**Mar80** · 27-04-2012 12:24 PM

طيب بالنسبه للسعر ايه السعر المناسب ليها و لازم اكشف عليها في التوكيل واذا حد يعرف تكلفة الكشف في التوكيل ؟

**Ibrahim Nabil** · 27-04-2012 12:31 PM

صباح الخير
لو 2006 1600 كلاسيك كاملة اوتوماتيك ما عدا فتحة السقف وسبويلر وجنوط وفوانيس شبورة و abs و ايرباج للسائق فقط وانا شايف ان دى الانسب لحضرتك لو حالو ممتازة بدون بوية هتبقى فى حدود من 70 الى 75 الف
وبالتوفيق ان شاء الله

**ahmedadly** · 30-04-2012 01:09 PM

المشاركة الأصلية كتبت بواسطة mar80

طيب بالنسبه للسعر ايه السعر المناسب ليها و لازم اكشف عليها في التوكيل واذا حد يعرف تكلفة الكشف في التوكيل ؟

أحسن لحضرتك تشتري 2008أو2009 كاملة أوتوماتيك وسعرها ما بيقلش عن 80000-85000 ده بالنسبة للحالتها كويسة و لو أقل من 80000 يبقى حالتها مش كويسة وده عن تجربة

و الله الموفق