| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 31

  1. #1

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي تقرير صيانة ال 40.000 للياريس خارج التوكيل - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    بصراحة الياريس من اكتر العربيات الاعتمادية واللى الواحد يشتريها وينساها

    العربية الحمد لله بقالها معايا من 2007 وحتى الان عاملة 40.000 كيلو ! وبفضل من عند ربنا ماكنتش محتاج اني اغيرلها اي حاجة وابسط الصيانات ماكنتش بعملها

    يدوبك تغيير زيت وفلتر زيت كل 10.000 كيلو فقط لا غير !

    لكن كل حاجة برضوا ليها عمرها الافتراضي ولو جيت على العربية بزيادة هتتعبك وتبدأ تظهر مشاكل

    هو عموما انا بالنسبة ليا في الفترة الاخيرة بدات تحصل شوية مشاكل بسيطة خلتني استعجلت في موضوع الصيانة

    اهمها ان العربية بقت مكتومة جامد جدا على ال Rpm العالي ! خاصا بعد ازمة البنزين الاخيرة

    بتتاخر في الدوارة ! فيوز طرمبة البنزين ضرب ! لوحده !

    دي طبعا كلها كانت من اعراض نهاية فلتر البنزين !

    كذلك كان سعات بحس بسخونة جاية من نحية الدواسات الى غير ان الفرامل كان ادائها ضعيف للغاية ! !

    سعات كنت بسمع صوت السير بيصفر اول لما باجي ادور العربية ! ! فواضح انه كان محتاج يتغير

    فقلت اعمل الصيانة بتاعتها وبالمرة اغير طقم تيل امامي وخلفي ! ولو ان التيل الخلفي كان لسه فيه ولكن انا قلت بالمرة

    لان الميزانية حاليا ماتسمحش اني اودي العربية التوكيل فقررت اني اعمل الصيانة برة التوكيل ولكن اصريت على اني اشتري قطع الغيار الاصلية من موزعين تويوتا ايجيبت

    وهنا اصبت بإحباط شديد ! ان قطع الغيار سعرها مرتفع جدا جدا !

    المفروض ان اللى هيتم تغييره في صيانة ال 40.000 للياريس هو التالي

    فلتر هوا << انا ماغيره من مدة بفلتر رياضي K&N لكن اتذكر اني سالت عليه من مدة وكان في حدود 120 جنيه تقريبا

    فلتر بنزين << ب 450 جنيه ! !

    سير المجموعة << 195 جنيه ! !

    بوجيهات << ب 65 جنيه شمعة واحدة او 80 جنيه 2 شمعة ! !

    تيل امامي << 400 جنيه "خارج الصيانة بس انا غيرتهم لان اداء الفرامل ضعف جدا"

    تيل خلفي << 170 جنيه "خارج الصيانة بس انا غيرتهم لان اداء الفرامل ضعف جدا"

    زيت فرامل << اشتريت زيت الماني ب 35 جنيه

    زيت الفتيس

    تغيير نظام التبريد <<< اشتريت ماية حمرا الجركن ب 30 جنيه

    وطبعا فيه فحص ضغط الاطارات والتشييك على العفشة

    ---------------------

    تقرير عمل الصيانة



    عملت الصيانة بالتحديد والعربية عاملة حوالي 40.375 كم

    اولا بدات في شراء قطع الغيار واللى اكتشفته انه موزعين تويوتا اجيبت كل واحد بيبيع بسعر على مزاجه !

    سالت على التيل الامامي عند تويوتا البرجسي في شارع مراد قالي ب 380 جنيه بس مش موجود حاليا تعالى كمان يومين ! قلت اجيبه من موزع تويوتا اللى في ضهر نادي الترسانة رحت هناك لقيته بيقولي ب 430 جنيه تقريبا !

    وبعد ماجبته من تويوتا البرجسي ب 390 جنيه ! لقيته عند موزع تويوتا اللى في شارع دمشق ب 310 جنيه ! ! فاللى عايز يشتري قطع غيار يسال كويس وعند اكتر من موزع وتقريبا ارخصهم اللى موجود في شارع دمشق

    اشتريت التالي : فلتر بنزين - سير مجموعة - طقم تيل امامي وخلفي - بوجيهات - زيت فرامل - ماية حمرا - وجبت منظف ليكوى مولي عشان استخدمه بعد ماغير فلتر البنزين

    ودي صورة قطع الغيار بعد ماشتريتها مباشرة



    ودي صور فردية لكل حاجة

    فلتر البنزين ,, السعر : 450 جنيه





    -----

    البوجيهات ,, جبت بوجيهات Denzo 2 شمعة ! مع ان اللى كان راكب في العربية Ngk ولما سالت في الموزع المعتمد اكدلي ان بوجيهات التويوتا وكهرباء التويوتا كلها عموما denzo ! !

    السعر : 80 جنيه



    ----

    سير المجموعة : ده السير الوحيد اللى موجود في الياريس لان سير الكاتيبة جنزير ومش بيتغير

    السعر : 195 جنيه



    ----

    التيل الخلفي

    السعر : 170 جنيه



    ---

    اشتريت جركن ماية حمرا

    السعر : 30 جنيه

    زيت فرامل الماني

    السعر : 35 جنيه

    ---

    منظف Injection لتنظيف نظام الحقن ! ليكوي مولي

    السعر : 35 جنيه



    =======================

    تركيب قطع الغيار

    بعد ماشتريت قطع الغيار توجهت لميكانيكي اعرفه واتعاملت معاه قبل كدة

    قلتله انا اشتريت الحجات دي وعايزك تغيرها

    بكام ياعم ؟ مش هنختلف يا كبير نخلص بس الاول وهعمل معاك واجب ! طبعا قلت بسيطة

    خاصا اني كنت لسه مغير عنده التيل الامامي من قبلها بمدة وخد 20 جنيه مصنعية فقلت مافيش مشكلة

    بسم الله اول حاجة غير البوجيهات ! البوجيهات طبعا طالعة متفحمة شوية والصورة مش عارف ليه طلعت مش واضحة !





    بعدها سير المجموعة ! السير القديم كان طالع كويس اعتقد كان ممكن لسه يمشي كمان لان ماكنش فيه اختلاف كبير بينه وبين القديم



    ثم التيل الخلفي ! برضوا التيل الخلفي كان لسه فيه شوية



    وبالمرة دي صورة فلتر الهوا القديم



    وجينا عند فلتر البنزين ! المعلم معرفش يفك الفلتر القديم قالي تعالى بكرة عشان نفكه على راحتنا

    رحتله بكرة راح موديني عند واحد هو كمان معرفش وقالي تعالى بليل ! وهنا قلتله متشكر يا كبير لحد كدة انت عملت اللى عليك وقلت هروح انا اتصرف في موضوع فلتر البنزين

    كام حسابك يا معلم ! 80 جنيه ! ؟ نعم ؟ ؟ 80 جنيه عشان غيرت "بوجيهات وتيل خلفي وسير ؟ ؟ " قالي اانا عامل معاك واجب ومرضتش اقولك 100 جنيه ومش عارف ايه

    المهم يمين شمال حسيت اني بجادل في الهوا قلت ادفعله الفلوس ووالله ماهيشوف وشي تاني

    -----

    بعد كدة توجهت لمركز صيانة قريب من البيت

    قلتله عايز اغير فلتر البنزين

    بالفعل فك الفلتر القديم وماشاء الله كان مطلع سواد من جوة ! اكنك كنت بتمون ماية سودا مش بنزين نهائيا ! ! يمكن الصورة مش موضحة لان الماية اللى فيه كانت نشفت لكن وقت ماكنت بطلعه من العربية فعلا كانت حالته صعبة جدا جدا !



    بعد كدة قلت للراجل ان عندي مشكلة رجة بسيطة بتحصل في السلانسيه ! ودي كانت بسبب فلتر الهوا الاسبور

    فكلي فلتر الهوا ونضفهولي بالمرة اشتريت منظف البوابة ورحت خليته يفكلي البوابة والحساسات ! ومش عايز اقول انها كانت مطلعه هباب اسود من جوة ! مش عارف الهوا كان بيدخل ازاي

    نضفت البوابة والحساسات وبعدها وصلت العربية على الكومبيوتر

    قالي زيت الفتيس لسه فيه شوية ماتغيرهوش دلوقتي ! كذلك زيت الفرامل

    كان فيه رجة بسيطة على السلانسيه برضوا ظبطهالي والدنيا بقت زي الفل الحمد لله

    كام الحساب ياعم ! ! ؟ 100 جنيه وانا عامل معاك واجب ومش عارف ايه نفس الكلمتين اللى بسمعهم كل مرة

    المهم قلتله ماشي مش خسارة فيك

    بعدها تاني يوم الصبح لما العربية كانت بردة رحت مزودلها ماية حمرا من الجركن اللى جبته

    بعدين طلعت فولت ورحت حاطط المنظف اللكوي مولي اللى جبته

    بصراحة اداء العربية اتغير 180 درجة ! العربية بقت اهدى وانعم والسحب اتحسن

    الفرامل في الاول كان ادائها ضعيف بعد كدة الحمد لله اتظبطت المشاكل اللى كنت بحسها قبل الصيانة راحت الحمد لله

    مافضلش غير حاجة واحدة بس ! ان العربية قطعت مني مرة على الغيار الاول لما حرقت عليه ! ؟ واعتقد دي ممكن تكون بسبب زيت الفتيس وهغيره ان شاء الله في اقرب وقت

    كذلك سعات لما بدور برضوا بسمع صوت السير فواضح ان اللى ركبه ماركبهوش كويس ومحتاج يتشد

    يعني الحمد لله العربية اتحسنت كتير ولو ان فيه حجات كان ممكن تمشي وماكنتش محتاجة انها تتغير زي السير والتيل الخلفي !

    وكدة نحسب بقى اجمالي الفلوس اللى ادفعت

    فلتر بنزين 450 جنيه
    تيل امامي 400 جنيه
    تيل خلفي 170 جنيه
    سير المجموعة 195 جنيه
    بوجيهات 80 جنيه
    جركن ماية حمرا 30 جنيه
    منظف ليكوي مولي 35 جنيه
    زيت فرامل 30 جنيه
    مصنعية الميكانيكي الاول 80 جنيه
    مصنعية المركز 100 جنيه

    الاجمالي = 1570 جنيه ! !

    لو هنخصم تمن طقم التيل لانهم خارج الصيانة ! يبقى الصيانة بدون تغيير فلتر الهوا / زيت الفتيس / زيت الفرامل

    كلفت 1000 جنيه بالمصانعيات وكل حاجة ! او حوالي 850 جنيه بدون المصنعيات !

    وده طبعا يعتبر كتييير ! خاصا ان العربية مافيهاش فلتر تكييف / وكمان انا مغيرتش فلتر الهوا ولا زيت الفتيس ! يعني لو تم تغييرهم كان ممكن الصيانة تبقى مكلفة عن كدة !

    الصيانة في التوكيل بتكلف 1600 جنيه لصيانة ال 40.000 ! بس بيكون معاها تغيير زيت الماتور

    عموما الصيانة برة التوكيل لو هتشتري القطع الغيار الاصلية بتبقى اقل من التوكيل بحجات بسيطة ! يعني ممكن توفر في الاخر في حدود 300/400 جنيه تقريبا

    والله واعلم لو كنت غيرت طقم تيل في التوكيل كان هياخد مصنعية قد ايه ! ! ؟

    وبصراحة لما شفت موضوع كريم فوزي وتقرير صيانة ال 40 الف للالنترا ! وكلفت حوالي 500 جنيه فقط ! بالمصنعيات وتغيير كل مايلزم ! جالي صدمة واحباط شديد ربنا يباركله فيها بس ياريت بقى ماحدش يحبطنا باسعار قطع غيار هيونداي تاني

    مش عارف مين اللى قال ان التويوتا قطع غيارها رخيصة !

    ده كان تقرير بسيط للصيانة وفي النهاية اللى مانصحش اي حد انه يكسل على صيانة ال 40 او ال 80 الف لانها مهمة جدا !

    فيه حجات ممكن يستنى عليها زي السير والتيل الخلفي كذلك البوجيهات لو السواقة عادية ومش بتحرق كتير ممكن تمشي اكتر من كدة

    وبشكر اخويا وحبيبي ابوحميد lanos2004 اللى تعبته معايا ولفيت انا هوا لما دخنا لحد ماجبنا قطع الغيار وبالاخص الماية الحمرا

    تحت امركم في اي استفسار


  2. #2

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    اجمل شئ اني اكون اول رد عليك يا ابو حميد
    موضوع جميل
    تسلم ايديك
    وفعلا انا حاسس ان قطع الغيار بتاعتنا اغلي من هيونداي
    ومبروك عالصيانة يا باشا ....
    تحياتي


  3. #3

    الصورة الرمزية mahmoud_afifi

    رقم العضوية : 28151

    تاريخ التسجيل : 21Dec2008

    المشاركات : 5,098

    النوع : ذكر

    الاقامة : Cairo, 5th Settlement

    السيارة: N/A

    السيارة[2]: Hyundai Elantra HD

    دراجة بخارية: N/A

    الحالة : mahmoud_afifi غير متواجد حالياً

    افتراضي -

    الف مبروووووووووك الصيانه يا كبير. انت اول واحد اشوفه معاه تويوتا ويعمل الصيانه بره التوكيل !! ههههههه
    لو فيها مواساه ليك .. انا لسه عامل صيانة ال80,000 النهارده (النترا) ودفعت 1400 زي الشاطر >_<
    ياريتني عملت زي كريم فوزي هههههههه


  4. #4

    الصورة الرمزية me_medoo

    رقم العضوية : 117629

    تاريخ التسجيل : 09Dec2011

    المشاركات : 2,672

    النوع : ذكر

    الاقامة : القاهرة- الشيخ زايد

    السيارة: اكسينت Rb 2012

    السيارة[2]: YARIS

    دراجة بخارية: اسكوتر

    الحالة : me_medoo غير متواجد حالياً

    افتراضي -

    الف مبروك ياكبيررررر الصيانة. ، انا الي بقول قطع غيار تويوتا رخيصة ومازلت مصر على كلامي ههههههههههه يابني الغالي تمنو فيه. بص باه ياسيدي فاتورة الصيانه انا هكتبها وانتا ترجمها يا دكتور اوكي


    Element. Sub-ass. 130
    Gasket. 5
    Filter oil. 50
    Belt,v. 245
    Plug,spark. 72
    Sundries. 16
    E/g mobil one. 252.34
    M/t mobil. 169.40
    Brake fluid. 15
    Brake CLeaner. 15
    Carburetor clen. 7,5
    E/G. Foam Cleaner. 20
    Greas. 5
    Flash Motor. 40
    بس كده ياريس في كمان مكتوب
    Major ii & fr wheel balnce 209
    Major ii service (40,000km-80.000-120,000km,ETC. 209

    ترجم بقة يامعلم وفهمني.

    me_medoo


  5. #5

    الصورة الرمزية me_medoo

    رقم العضوية : 117629

    تاريخ التسجيل : 09Dec2011

    المشاركات : 2,672

    النوع : ذكر

    الاقامة : القاهرة- الشيخ زايد

    السيارة: اكسينت Rb 2012

    السيارة[2]: YARIS

    دراجة بخارية: اسكوتر

    الحالة : me_medoo غير متواجد حالياً

    افتراضي -

    بس على فكرة يا احمد انا مش عجباني مية الرديتر دي ليه مجبتش مية رديتر موبيل او كنت سئلت عن مية رديتر لوكي مولي او مية رديتر تويوتا من عند العالمية في شارع دمشق لان مرة جبت مية رديتر وبصيت لقيت القربة بقة لونها اخضر. وعلمت في العربية الفابيا

    ومش ناوي تقلنا بقة ياباشا مركز الخدمة الي جمبكم ده اسمو ايه علشان نغير احنا كمان عندو .... وتحياتي يا غالي


  6. #6

    الصورة الرمزية yoko

    رقم العضوية : 33656

    تاريخ التسجيل : 22Feb2009

    المشاركات : 20,472

    النوع : ذكر

    الاقامة : مصر الجديدة

    السيارة: Fiat 128

    السيارة[2]: Fiat Linea

    دراجة بخارية: no

    الحالة : yoko غير متواجد حالياً

    افتراضي -

    بوس إيدك شعر ودقن
    انا صيانه ال40 الف في عربيتي أكتر من 2500 جنيه ومعندناش تغير فلتر بنزين ولا بوجيهات فيها

    [img3]http://img21.imageshack.us/img21/3957/28138510150332809507433.jpg[/img3]


  7. #7

    الصورة الرمزية me_medoo

    رقم العضوية : 117629

    تاريخ التسجيل : 09Dec2011

    المشاركات : 2,672

    النوع : ذكر

    الاقامة : القاهرة- الشيخ زايد

    السيارة: اكسينت Rb 2012

    السيارة[2]: YARIS

    دراجة بخارية: اسكوتر

    الحالة : me_medoo غير متواجد حالياً

    افتراضي -

    اه والنبي قلو ياعم يوكووو ... علشان يعرف ان قطع غيار اليارس رخيصة ... مش عاوز اقولك ان اللوجن التعبانة على اغلى في قطع غيارها ومش هتديك كفائتها ...

    لسه النهردة مكلمني رئيس محكمة معرفة وقال ايه بيسئلني على اليارس ايه رأيك فيها ... قلتلو يا فندم عمرك شوفت حد بيسئل عن المرسيدس قالي لأ قلتلوا أمال أنتا أزاي بتسئلني عن مرسيدس اليابان ... يافندم أسئل سواقين ميكروبصات مصر ليه أخترتتم تويوتا ... أسئل الداخلية كلها ليه اخترتو ميكروبصات تويوتا ونص نقل تويوتا وعربيات تويوتا كورولا رغم انها غالية هيقلولك يعني ايه تويوتا .

    المهم اتفقنا اشوفلوا عربية واستنضفلو حاجة حلوة كده .. وتحياتي

    me_medoo


  8. #8

    الصورة الرمزية BUNSH

    رقم العضوية : 16471

    تاريخ التسجيل : 16Aug2008

    المشاركات : 4,166

    النوع : ذكر

    الاقامة : Shoubra Masr

    السيارة: N/A

    السيارة[2]: Elantra 2012 A/T

    دراجة بخارية: N/A

    الحالة : BUNSH غير متواجد حالياً

    افتراضي -

    مبروووووووك على صيااانة وعقبااال صيانة 100 الف كم على خيير ان شاء الله وربنا يباركلك فيها يارب ,,
    وبوجيهااااااات خارجة متحمصة !


    New Thinking , New Possibilities
    I Elantra


  9. #9

    الصورة الرمزية احمد فهمى

    رقم العضوية : 63659

    تاريخ التسجيل : 28Feb2010

    المشاركات : 6,854

    النوع : ذكر

    الاقامة : Egypt

    السيارة: X-trail

    السيارة[2]: Jeep Wrangler

    دراجة بخارية: لا

    الحالة : احمد فهمى غير متواجد حالياً

    افتراضي -

    قطع غيار تيوتا طبعاً غاليه بالنسبه للكورى بس معمره جداً وتيوتا فعلاً رقم 1 فى الاعتماديه

    أحمد فهمى


  10. #10

    الصورة الرمزية me_medoo

    رقم العضوية : 117629

    تاريخ التسجيل : 09Dec2011

    المشاركات : 2,672

    النوع : ذكر

    الاقامة : القاهرة- الشيخ زايد

    السيارة: اكسينت Rb 2012

    السيارة[2]: YARIS

    دراجة بخارية: اسكوتر

    الحالة : me_medoo غير متواجد حالياً

    افتراضي -

    hasad">

    بسم الله مشاء الله
    ربنا يباركلك يا بوحميد ....



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. صيانة خارج التوكيل؟
    بواسطة electrical_king في المنتدى شــيفـرولــيه
    مشاركات: 7
    آخر مشاركة: 05-04-2012, 04:20 PM
  2. مركز صيانة بي واي دي خارج التوكيل
    بواسطة egypt123456 في المنتدى BYD
    مشاركات: 17
    آخر مشاركة: 03-01-2012, 04:58 PM
  3. تغيير زيت الفتيس للياريس في مكان خارج التوكيل
    بواسطة dr_maged1975 في المنتدى تـويوتـــا
    مشاركات: 10
    آخر مشاركة: 23-08-2011, 06:37 AM
  4. صيانة اللوجان خارج التوكيل ؟
    بواسطة El.Hossieny في المنتدى قسم خاص بالسيارة لـــوجـــــان
    مشاركات: 4
    آخر مشاركة: 16-03-2011, 11:21 PM
  5. صيانة ال byd خارج التوكيل
    بواسطة lonedoctor في المنتدى BYD
    مشاركات: 12
    آخر مشاركة: 08-10-2010, 03:41 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2