نزلت بدور على عربية كوبيه فى حدود 35000 فيها كل الكماليات وتكون المانى

طبعا حد هيقوللى سيات ابيزا يا معلللللم ... هقولو انا كان معايا ابيزا بس بعتها عشان جابتلى سعر اكتر بكتير من اللى اشتريتها بيه ولقيتها فرصة متتعوضش بصراحة

كنت عاوز اجرب حاجه جديدة وشكلها قيم وفى نفس الوقت فيها كل الكماليات وموتور قوى وفى متناول السعر ده

ولقيت اوبل تيجرا ... كالعاده تلقائى نزلت الحرفيين والوكاله اسأل عن قطع غيارها وكانت النتيجه كالاتى:
- العربية قطع غيارها الميكانيكيه والكهربيه كورسا ما عدا الموتور
- موتورها الايكوتك 1400 ملوش اى قطع غيار على حسب كلام حد من اللى سألتهم
- الاكسسوارات موجوده استيراد وجديد بس فى حاجات بالطلب تسيب عربون وترجع تاخدها

بصراحة العربية عجبانى وسعرها مناسب .. سحب وشد وجرى وثبات مناسبه جدا لشاب فى العشرينيات شكلا ومضمونا .. موتور بحاله جيده جدا وبادى ممتاز .. الحاله الكهربيه ممتازه والصالون مفيش بعد كده .. تحتاج مصاريف بسيطه بس الحاجات اللى عاوزة تتغير متوقفش العربيه...

قولولى اعمل ايه وهل موضوع الموتور ده مؤثر جدا ولا يمكن التغاضى عنه بحساب ان الموتور لو حالته كويسه هيعد معايا تقريبا حوالى 5 سنين من غير تغيير اى قطع غيار ليه بغض النظر عن الحساسات طبعا وحاجات خفيفه ممكن اوفقها...

انا بصراحه محتار وخصوصا ان موضوع العربيات ده راحه نفسيه قبل كل حاجة...

حبيت اخد رأيكو وخبرتكو ومعلش طولت عليكم بس اعذرونى