أول خبطه ليا مع اللوجان......أرجو الافادة
السلام عليكم
موتوسيكل دخل في العربية من اليمين وخلي الباب اليمين من روا مقوس لجوه وبعدين طلع يجري فحك في الباب اليمين اللي قدام واللي ورا بلون الدهان بتاعه
المهم انا روحت عملت محضر في القسم وروحت عملت اخطار في شركة التأمين بالحادثة
المفروض اروح يوم الأحد الصبح توكيل العبور اسيب العربية هناك يتعملها مقايسة ويجي بتاع التأمين يصورها
حد يعرف دي حتتكلف كام وممكن تقعد اد ايه عندهم وهل اوديها الميكانيكون العرب بحيث يخلصوها اسرع ولا ايه رايكوا
معلش انا حالتي النفسية سيئه شويه لانها بقالها شهر وعاملة 900 كيلو
جزاكم الله خيرا
مصطفي