اين يتم استبدال النقود التالفة او المقطوعة

**greenday** · 27-04-2012 02:20 AM

طيب هو فى شبابيك مخصصة لموضوع استبدال النقود التالفة فى البنك المركزى وفروعه ولا نظامه ايه عشان ابقى عارف وهل الحاجات دى بتبقى زحمة قوى زى البنوك الحكومية ولا التبديل مش هياخد وقت معلشى لو اسئلتى ساذجة شوية بس انا مجربتش الموضوع ومش عايز اضيع يوم كامل على استبدال عشرين جنيه وفى الأخر هاخدها عشرة جنيه يعنى مش هتجيب تمن المشوار

**homme49** · 27-04-2012 04:26 AM

فرع البنك المركزى بشارع محمد فريد بجوار الفرع الرئيسى لبنك مصر (الفرع القديم الذى أسسه طلعت حرب)
هو الفرع الذى يقوم بالإستبدال للنقود التالفة فى القاهرة و هو غير مزدحم من الساعة 8.30 صباحا حتى العاشرة و النصف صباحا بعد ذلك يبدأ التوافد عليه من المحلات و الشركات لإستبدال ما تم تحصيله و تبين به أوراق تالفة
و يمكنك إستخدام مترو الأنفاق فى الذهاب هناك حيث أن هذة المنطقة تقع فى منتصف العاصمة و لا يسهل بها تواجد أماكن للركن - مترو الأنفاق محطة محمد نجيب

**greenday** · 27-04-2012 04:59 AM

شكرا على ردك وجزاك الله كل خير

**د.أبونضال** · 27-04-2012 05:45 AM

ولا بنك مركزي ولا حاجة يا جماعة ... تقدر تغيرها من شباك خزنة أي بنك لأن ده التزام من الدولة ... ده ورق النقدية زمان كان بيتكتب عليه "يتعهد البنك اللأهلي المصري بتسديد ما قيمته مثلا جنيه واحد لحامل هذه الورقة. أنا باحوش الخمسات والجنيهات المقطوعة في درج معين في البيت وساعات ما بيبقاش معايا فلوس خالص (في الصيف آخر الشهر غالبا) باروح الدرج ده وآخذ اللي فيه وباروح خزنة أي بنك (وعلشان الأمانة أنا عملت كده في البنك الأهلي اللي هو أصلا ممثل البنك المركزي في جميع أنحاء الجمهورية وكمان في بنك القاهرة) وبيغيرهم على طول طالما مش مزورين ولا نصين مختلفين...
تحياتي

**khaled_yassin** · 27-04-2012 11:52 AM

المشاركة الأصلية كتبت بواسطة د.أبونضال

ولا بنك مركزي ولا حاجة يا جماعة ... تقدر تغيرها من شباك خزنة أي بنك لأن ده التزام من الدولة ... ده ورق النقدية زمان كان بيتكتب عليه "يتعهد البنك اللأهلي المصري بتسديد ما قيمته مثلا جنيه واحد لحامل هذه الورقة. أنا باحوش الخمسات والجنيهات المقطوعة في درج معين في البيت وساعات ما بيبقاش معايا فلوس خالص (في الصيف آخر الشهر غالبا) باروح الدرج ده وآخذ اللي فيه وباروح خزنة أي بنك (وعلشان الأمانة أنا عملت كده في البنك الأهلي اللي هو أصلا ممثل البنك المركزي في جميع أنحاء الجمهورية وكمان في بنك القاهرة) وبيغيرهم على طول طالما مش مزورين ولا نصين مختلفين...
تحياتي

انسى لسة كنت فى البنك الاهلى ورفض يا باشا

**mahamedaraby** · 27-04-2012 03:30 PM

ده البنك الاهلى نفسه ساعات يحط فلوس مقطعه وسط الفلوس يعنى هو مش بيعرف يتصرف بيهم الا من خلال كده

**greenday** · 27-04-2012 05:42 PM

ده فى مرة كنت فى البنك الأهلى وراجل كبير كان بيتخانق مع التيلر عشان اداله فلوس مقطعة والموظف مش عايز يرجعها وبيقوله مديتلكش حاجة مقطعة

**nonetta** · 27-04-2012 06:52 PM

يا جماعة ولا ىنص ولا نصين ولا كلام من دة
لو رقم من الرقمين موجود تغيرها من اي بنك عادي جداولا هيتخصم منها اي حاجة
اديها للصراف في شغلك يغيرهالك
او وانت رايح تعمل اي معاملة من اي بنك
او لو حد في اصحابك رايح بردو يغيرهالك