الف مبروك يا بشمهندس .. فى الانجاز بأه خلص اللى فيها بدل ما تكسل.
عرض للطباعة
الف مبروك يا بشمهندس .. فى الانجاز بأه خلص اللى فيها بدل ما تكسل.
الله يبارك فيك يا بشمهندس كريم
والله نفسي
بس للأسف العربية بنت اللذينة كل ما اتقدم خطوة ترجعني لورا تاني
بعد ما قولت انا خلاص خلصت من مشاكل طرمبة البنزين والدوارة رجعتني تاني ليها
كنت حاطط خطة وبدأت امشي عليها وهي اني كل شهر هعمل حاجة جديدة بأمر الله
لقيت نفسي دلوقتي بعد ماكنت مشيت في مشوار العفشة والفرامل رجعت تاني لنقطة طرمبة البنزين
وبالتالي هيعدي عليا فترة الأسبوع السماح بتاع الزوايا ولما هغير البارات هظبط تاني من اول وجديد بفلوس من اول وجديد
بس ربنا يكرم ومش هغير البارات بس
ان شاء الله هغير علبة الدركسيون بالبارات بتاعتها
والله المستعان
،
،
الله يبارك فيك يا بشمهندس
معقولة ازعل من اخويا الكبير
والله يا باشا انا مقضييها حاليا اولويات
انا لسة كنت بقول انا عامل خطة ان شاء الله
والبوية داخلة في الخطة
بس ترتيبها في الأواخر خالص هي والصالون والفرش
انا عامل كدة check list في دماغي
اول حاجة كانت عاملالي هسس في نافوخي - طرمبة البنزين والأسبراتير والمشاكل الي بالك فيها
تاني حاجة كانت العفشة والفرامل
مالحقتش اخلص العفشة
رجعت تاني لطرمبة البنزين
لما اخلص حوار البنزين ان شاء الله هنتقل للنقطة التالية
وهكذا لحد لما اوصل للبوية
دعواتك معانا يا هندسة
والله المستعان
،
،
الف مبروك على ظبط الزوايا انا لسه عايز اروح اربط على العفشة واراجع عليها وبعدين اظبط زوايا بعد اذنك لو ممكن تبعتلى اسم الورشة على الخاص ودفعت كام مصنعية وشكرا لحضرتك
دفعت كام لضبط ورا و ودام ؟
انا و بابايا بنظبط عندأحمد اسماعيل هو برضه في المنيل بس بجد عمري ما شفت حد في امانته و فعلا بستلم العربية منه مش محتاجة حاجة دة غير انه احيانا بيكتشف حاجات بتبقى فايتة على الميكانيكي نفسه