أية اللي جري للمصريين

**AhmedGen2** · 11-06-2008 04:17 PM

مصر لن تتغير سواء بقى حبينا البلد أو حتى الناس غيرت من نفسها ، ما كل الناس بتحاول تغير من نفسها ، لكن الظلم والفساد مش سايب فرصة ، عشان كدة الحل الوحيد للناس اللى قرفانة من البلد الهجرة.

**MoToRiZeR** · 11-06-2008 04:28 PM

المشاركة الأصلية كتبت بواسطة IslamGen2

عشان كدة الحل الوحيد للناس اللى قرفانة من البلد الهجرة.

الله ينور عليك

**osama** · 11-06-2008 04:57 PM

انا بحب مصر ... انا بحب حديد عز

**Ahmed Samy** · 11-06-2008 05:03 PM

يااااااااااه تااني ؟؟؟

الموضوع ده اتكلمنا فيه لما ورمنا .....
بس برضه هاشرح لحضرتك احنا حاسسين بايه

الوطن ليس ترابا و لا شوارع يا عزيزى كما ان البيت ليس جدرانا و أرضيات

الوطن ناس ....أهل .....عزوة

الوطن كرامة ....أمان .....أمل

الوطن راحة ....هدوء ....حب

لو بيتك مافيهوش ناس تديلك حب و لا أهل يكونوا عزوة قدام الناس

و لو بيتك مافيهوش كبير يديلك احساس الأمان و يصونك و يعلمك علشان يحفظ كرامتك

و لو بيتك كله مشاكل و معادش فيه راحة و لا هدوء

ولو انت صغير قوي و ماحدش سامعك ولا فاهمك ولا عايز يفهمك يعنى ماعندكش امل في بكرة

لو بتنام على سرير و خايف تصحى الصبح تلاقي نفسك على الأرض

و لو بتكسب فلوس و على ماتروح البيت يكون قيمتها قلت

ولو اخواتك بيضربوك في بيتك و يمسحوا بيك الأرض

و بيضربوك في الشارع و لو اتخانقت مايحوشوش عنك و يقولولك تستاهل يا قليل الأدب

و ممكن ينصروا الناس عليك

ولو لاقيت ابوك بيبع كل يوم حتة عفش و ناوي يبيع غرفتك

ولما تبقى عارف انك صح .......

بس بتاخد بالجزمة لو قلت حتى آي

يبقى ده بيت ؟؟؟؟

يبقى ده وطن ؟؟؟

يا فندم الواقع المر مسح بطعمه أى أمل

و أصبح طاغي ليغلق اي مناقشة في حب البلد او البقاء و الاصلاح و كلام المجلات ده

ايوه كلام مجلات و جرايد و منتديات و برامج و اي حاجة الا الواقع المر

مرارته في فمي كل يوم

و غصته في حلقى من الصباح للمساء

هاتقوللي ايه السبب في اللي احنا فيه ؟؟؟؟؟؟؟؟؟

ماتعدش .... الأسباب كتيرة

كتيرة لدرجة انها تشابكت بل تكاملت في منظومة مذهلة

لتكون دائرة مفرغة :

من الظلم و السرقة و الاضطهاد و الفقر و البطالة و الجهل و الفساد و...الظلم و السرقه و .......

فعلا مستحيل كسر الدايرة دي

مجهود فردي لا يستطيع

و مافيش مجهود جماعى يقدر لأنه لازم يكون حركة سياسية و شعبية و عسكرية و تجارية و ثقافية و صناعية .....

و فين تلاقي مجتمع عنده القدرات دي مجتمعة ؟؟؟؟؟ مافيش في مصر للأسف

مافيش بسبب تعمد افشال هكذا مؤسسات ان كان لها توجه اصلاحى

صدقني ..... اقعد مع نفسك و فكر

لو لاقيت حتة تبدأ منها تصلح ...قوللي

و مش هاتلاقي (بس دور و فكر)

شوفت بقى احنا حاسسين بايه

أنا ماشي

بعون الله هاسيب البلد دي

لأني مش قادر ادخل الدايرة و مش عايز ادخلها

و لو فضلت براها هاتجنن او اكتئب

انا مع اسلام و محمود

الهجرة

**kimo-nubira** · 11-06-2008 05:07 PM

انا كمااااااااااااااااان معااااااااااااكو في موضوع الهجـــــــــــــــــــــ ـــــــــــــره كل البلد تهاجر

**Engesso** · 11-06-2008 05:15 PM

المشاركة الأصلية كتبت بواسطة Ahmed Samy

يااااااااااه تااني ؟؟؟

الموضوع ده اتكلمنا فيه لما ورمنا .....
بس برضه هاشرح لحضرتك احنا حاسسين بايه

الوطن ليس ترابا و لا شوارع يا عزيزى كما ان البيت ليس جدرانا و أرضيات

الوطن ناس ....أهل .....عزوة

الوطن كرامة ....أمان .....أمل

الوطن راحة ....هدوء ....حب

لو بيتك مافيهوش ناس تديلك حب و لا أهل يكونوا عزوة قدام الناس

و لو بيتك مافيهوش كبير يديلك احساس الأمان و يصونك و يعلمك علشان يحفظ كرامتك

و لو بيتك كله مشاكل و معادش فيه راحة و لا هدوء

ولو انت صغير قوي و ماحدش سامعك ولا فاهمك ولا عايز يفهمك يعنى ماعندكش امل في بكرة

لو بتنام على سرير و خايف تصحى الصبح تلاقي نفسك على الأرض

و لو بتكسب فلوس و على ماتروح البيت يكون قيمتها قلت

ولو اخواتك بيضربوك في بيتك و يمسحوا بيك الأرض

و بيضربوك في الشارع و لو اتخانقت مايحوشوش عنك و يقولولك تستاهل يا قليل الأدب

و ممكن ينصروا الناس عليك

ولو لاقيت ابوك بيبع كل يوم حتة عفش و ناوي يبيع غرفتك

ولما تبقى عارف انك صح .......

بس بتاخد بالجزمة لو قلت حتى آي

يبقى ده بيت ؟؟؟؟

يبقى ده وطن ؟؟؟

يا فندم الواقع المر مسح بطعمه أى أمل

و أصبح طاغي ليغلق اي مناقشة في حب البلد او البقاء و الاصلاح و كلام المجلات ده

ايوه كلام مجلات و جرايد و منتديات و برامج و اي حاجة الا الواقع المر

مرارته في فمي كل يوم

و غصته في حلقى من الصباح للمساء

هاتقوللي ايه السبب في اللي احنا فيه ؟؟؟؟؟؟؟؟؟

ماتعدش .... الأسباب كتيرة

كتيرة لدرجة انها تشابكت بل تكاملت في منظومة مذهلة

لتكون دائرة مفرغة :

من الظلم و السرقة و الاضطهاد و الفقر و البطالة و الجهل و الفساد و...الظلم و السرقه و .......

فعلا مستحيل كسر الدايرة دي

مجهود فردي لا يستطيع

و مافيش مجهود جماعى يقدر لأنه لازم يكون حركة سياسية و شعبية و عسكرية و تجارية و ثقافية و صناعية .....

و فين تلاقي مجتمع عنده القدرات دي مجتمعة ؟؟؟؟؟ مافيش في مصر للأسف

مافيش بسبب تعمد افشال هكذا مؤسسات ان كان لها توجه اصلاحى

صدقني ..... اقعد مع نفسك و فكر

لو لاقيت حتة تبدأ منها تصلح ...قوللي

و مش هاتلاقي (بس دور و فكر)

شوفت بقى احنا حاسسين بايه

أنا ماشي

بعون الله هاسيب البلد دي

لأني مش قادر ادخل الدايرة و مش عايز ادخلها

و لو فضلت براها هاتجنن او اكتئب

انا مع اسلام و محمود

الهجرة

انا متفق معاك في كل حرف...

**Mohamed-Saoud** · 11-06-2008 05:24 PM

يلاش حد يفكرني بالبلد و حب البلد عشان انا لسه راجع من الأسكندرية بالقطار الغير مكيف...
عايز تعرف احنا يقينا أزاي؟ روح و أركب القطار ده ... روح و قوللي أحساسك بالبد بقي عامل أزاي؟؟؟؟؟

شوف أنا عارف ان تمن التذكرة 10 جنيه لا يمكن تلاقيه في أي بلد متقدم بس أنا مش عاوز أمان في القطار و مش عاوز خدمة منظمة ولا أي حاجة... أنا بس عايز أركب عربة قطار نظيفة ما تجبليش الأمراض بسسسسسسسسسسسسسسس

**tutankhamoun** · 11-06-2008 05:29 PM

إتفاق تام مع كلام الأستاذ أحمد سامي
و أحب أضيف شئ بسيط
الوطن هو الأهل و الأخوة و زملاء المجتمع
يعني أنا بكره مصر ( الناس ) ليه ؟
علشان عايزين يأخدو حقي مني
حقي في الطريق و أنا سايق .......... حقي في الطابور اللي وصلت له قبلهم ......... حقي في الكلام بدون ما حد يقاطعني لغاية مخلص ....
بكره الناس علشان أخلاقهم أنعدمت
زمتهم أصبحت كالأستيك الممطوط التي جعلت سمعتنا بين أخواننا العرب زفت و طين و قطران
بكره الناس علشان أصبحوا كالوحوش ....... يأكلون بعضهم البعض
لدرجة أنني لا أخرج ........ من عملي إلى بيتي إلى عملي إلى بيتي و هكذا
و إذا ذهبت للتسوق .......... أذهب يوم الجمعة صباحا باكرا حتى لا أحتك بهؤلاء الحثالة
و حتى أجد أغلب المتسوقين في هذا الوقت من الأجانب الذين أدركوا هذه الحقيقة
حتى النادي ........ اذهب إليه السابعة صباحا لأجده خاليا فأقوم بالسباحة أو الجيم و لا أجد حولي من يضايقني أو يحاول سلبني حقي

بجد ............ الناس تقرف . ........... معندهاش أخلاق

و الحكومة ملهاش دعوة خالص ............ محدش يطلع كل حاجة على الحكومة علشان في حاجات أساسية و هي الأخلاق
الحكومة مش هاتوزع أخلاق على الناس

الناس يا سادة معندهاش أخلاق .............. صفر
و سلملي على ج.ع.ع هاي هيئ ..........

و أحسن حل هو الهجرة إلى موزمبيق ..........

**momoneer** · 11-06-2008 05:31 PM

اه يا بلد
حالك عجب
قلة أدب
بقت ********
ف عرف دارك الأدب
والقيم أخدت اجازه
والضمير بقى فى اللذاذه
ومتسألنيش ع السبب
الرشاوى والمصالح
كارت واسطه تبقى صالح
واللى مش بيلاقى واسطه
يبقى كخه وبس فالح
انه يضرب كرسى شيشه
أحلى عيشه
ع القهاوى
وبكده راح يبقى ناجح
والمصير سلة زباله
أصله عاله
ملوهش لزمه
وابن [COLOR=red]********[/COLOR
حاله زى أى حاله
واااااااااااااااااااااه
اه يا بلد

د.محمد منير

ـــــــــــــــــــــــــ ـــــــــــــــــــــــــ ـــــ
تم التعديل ليناسب تقاليد المنتدى

الإشراف...

**AhmedGen2** · 11-06-2008 05:49 PM

Ahmed Samy و tutankhamoun
نفس الكلام اللى جوايا وكنت عايز أقوله بس معرفتش أعبر أحسن من كدة 10/10.

المشاركة الأصلية كتبت بواسطة sh23

* أحد أفراد الجالية المصرية في مصر
لية حاسس بالغربة ف بلدك روح جرب غيرها وبكرة تندم

والله يا أخى انا أخوالى وإبن خالتى فى الإمارات ، ومش عايز أقولك لما بينزلوا مصر قد ايه بيبقوا مش طايقين وعاوزين يرجعوا بأسرع وقت ، فأنا بصراحة مش عارف احساس ايه اللى حضرتك بتتكلم عنه بالظبط ..

للأسف دة تعصب أعمى قاتل يعميك عن الواقع المر.

الموضوع: أية اللي جري للمصريين

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

لنا الله .... ولا عزاء للمصريين

سؤال و محيرني للمصريين

للمصريين وللجزائريين لكم هذا (رائع)

شوف اللى حصل للمصريين الا فى الخارج

حمام سباحة للمصريين الغلابة !

الكلمات الدلالية لهذا الموضوع

المفضلات

المفضلات

ضوابط المشاركة