أية اللي جري للمصريين

**sh23** · 11-06-2008 01:32 PM

ارجوا من الأخوة الزملاء عدم الغضب فإنني لا اقصد أحد بذاتة ؛؛ لكن الملاحظ أن بعض التوقيعات الشخصية غير ملائمة اذكرمنهاعلي سبيل المثال لا الحصر وأسجل تعليقي عليها بلون مخالف في السطر التالي لها مباشرة :-
*جنسية مصرية للتنازل ////
والله يا أخي ما يقدر حد علي ثمنها
-----------------------
* أحد أفراد الجالية المصرية في مصر
لية حاسس بالغربة ف بلدك روح جرب غيرها وبكرة تندم
----------------------
*هو متر الوطن بكام
والله روحي ودمي وولادي ما يكفوا ثمن مللي (مش متر )
------------------------------

ياريت نجرب نحب البلد ؛ العيب فينا أحنا ولاد البلد ؛

**kimo-nubira** · 11-06-2008 01:38 PM

طيب مكاتبتش توقيعي ليه تصدق زعلتني منك ماتزعلش احنا بنحب مصر زيك بس مش عاجبنا حلها

**sh23** · 11-06-2008 01:56 PM

المشاركة الأصلية كتبت بواسطة kimo-nubira

طيب مكاتبتش توقيعي ليه تصدق زعلتني منك

ماتزعلش احنا بنحب مصر زيك بس مش عاجبنا حلها

==========
* ما تزعلش أنا كاتب أنة علي سبيل المثال وليس الحصر
*كمان أنا زيك مش عاجبني حالها ؛؛؛ بس حالها دة أحنا السبب فية
* مش كفاية أننا نقول بنحب مصر ؛ ممكن كل واحد يبدء بنفسة
مع خالص تحياتي وتقدير للجميع

**mohamed hatem** · 11-06-2008 02:26 PM

المشكلة مش في مصر ولا ناسها .....لان الاتنين هما اساس حبها .....

يعني لا تقدر تحب مصر الارض لوحدها ولا ناسها لوحدهم ...هما عجينه واحدة ....لان ما فيش زي المصريين بره وعن تجربه ..... مافيش حد بيقف جنب حد من غير ما يعرفه ...ودي اشد حاجه في المصريين ... والمشكلة انهم بيعملو كده جوه مصر ..... بس براها على العكس
ودي المشكلة .....هما اللي بيسمحوا للناس ترخص ثمنهمه جوه مصر .......
هما اللي بيسمحو للغلط يحصل قدامهم ...ومابيتكلموش .....
هما اللي بيسمحو بالسرقة وعدم النظام .... ومبيزعقوش .....

لو كل واحد علا صوته على كل غلط وفساد وسرقة وعدم نظام .....لو كل زعق وهو متأكد انه معاه الحق ...ربنا عمره ما هيسيبه وهيقف جنبه ....صدقوني وعن تجربة ...الظالم دايما خايف.....

**El Prince** · 11-06-2008 02:49 PM

لو على البلد , العيب مش فيها
العيب فى اللى خاربينها
وعلشان كده توقيعى هو :

**kimo-nubira** · 11-06-2008 03:00 PM

المشاركة الأصلية كتبت بواسطة sh23

==========
* ما تزعلش أنا كاتب أنة علي سبيل المثال وليس الحصر
*كمان أنا زيك مش عاجبني حالها ؛؛؛ بس حالها دة أحنا السبب فية
* مش كفاية أننا نقول بنحب مصر ؛ ممكن كل واحد يبدء بنفسة
مع خالص تحياتي وتقدير للجميع

ومين قال ان احنا السبب فيها ؟؟؟ وليه ماتقولش انها بتتنهب من الناس الكبيره ؟؟ وليه ماتقولش ان الناس مش لاقيه تاكل علشان الناس اللي ناهبه البلد ديه

واخدين كل حاجه بص خلاصه الكلام الكبير في البلد ديه هايفضل كبير والصغير هايصغر اكتر .... وبعدين هاتغير في نفسك هاتعمل ايه يعني مهو

انا مثلا والحمدلله واحد معملش حاجه غلط في حياته والله انا مش بشكر في نفسي ولا حاجه بس اكيد في ناس كتير زيى ووناس كتير في مصر كده بس

اللي مضيعنا الجهل والتخلف وبصراحه ومن غير زعل انا اقصد فعلا كل كلمه في التوقيع بتاعي فعلا لو مكنتش مصري يمكن كان زماني مستريح دلوقتي

**mohamed ibiza** · 11-06-2008 03:02 PM

كلنا بنحب مصر ده انا لما بسافر شارم الشيخ مش برا مصر اهو بشتاقلها مووووووووووووووووووت القاهرة يعني و ابقي عايز ارجع جري بس حالها يسر العدو مش الحبيب

**MoToRiZeR** · 11-06-2008 03:39 PM

انا شخصيا فعلا في توقيعي بحس اني غريب في البلد
و مبحسش انها بلدي غير بعد ما الفتارين تتقفل و الشوارع تضلم و الناس تنام
بحس انها رجعت تاني مدينتي و انزل و اتبسط

قوللي حاجة واحدة تخليني احس انها بلدي و اني واخد اي حق من حقوقي فيها او بمارس حياتي بشكل طبيعي ؟!

انا زي محمد ابيزا اما بسافر شرم .. مببقاش عايز ارجع تاني